فلتر الهواء الاسبور للكربيراتير لية صوت ولا لا من الاخر؟؟!

**Haitham10** · 16-01-2011 07:43 PM

في ناس ياهندستنا بتحب الصوت الرياضي الي بيطلع احسن ما يركبوا ديفل ويصدعوا

**Silenty** · 16-01-2011 10:11 PM

المشاركة الأصلية كتبت بواسطة magyver

هااقلك علي حااجة
مش كل الكبراتير بيطلع صووووووت
يعني لما كان معايا ال 25 بيطلع صووت فااجر
معايا سوزوكي ناااو مش بيعمل صووت خاالص
فعللشان ترح دماااغك عايز تعرف هايطلع صوت ولا لا
شيل الفلتر اللي عندك وجرب طلع صووت اتوكل علي الله وركب واحد اسبوور مطلعشي يبقي خلاص
هيا دة النهاية

معنى كلام حضرتك ان الصوت مالوش علاقة بالفلتر او الصوت بمعنى اصح مش بيطلع من الفلتر هو اولاواخيرا من الموتور والفلتر هنا وظيفتة ((تنقية الهواء فقط لاغير))؟؟؟!

يعنى اللى اقصدة حتى بالنسبة للاخوة اللى مركبينة فى محركات انجيكشن هل الصوت بدون ماتركب فلتر خالص يعنى سايب الموتور من غير فلتر الهوا حيبقى هو هو اكنك مركب فلتر سبور ؟؟!!

ولاالفلتر عموما بما انة شكلة مخروطى وبيركب بماسورة بيطلع صوت نتيجة مرور الهواء جواة(( نتيجة لشكلة الهندسى يعنى))

ومعلش سؤال تانى بالنسبة للاداء بقى

دلوقتى اللى فهمتة ان الفلتر بيدخل او بيسمح بدخول كمية اكبر من الهواء للموتور
طيب دة معناة انى لو شيلت الفلتر خالص فاكيد انا كدة حاحصل على اداء اعلى من الاداء اللى ححصل علية لو مركب اجدعها فلتر هواء اصلى حتى لو k&n كمان

ولا نسبة لشكلة الهندسى مش بيسمح بدخول اكبر كمية هواء مع التنقية فقط لا هو كمان بيدخل هواء اكتر للموتور
وفى فرق هنا بين يسمح بدخول الهواء او هو اللى بيدخل الهواء

عشان لو (( يسمح بدخول الهواء)) يبقى فية كمية هواء معينة كدة كدة الموتور بيسحبها وهو بيقلل بس الفقد فيها نتيجةالفلترة بتاعت الفلاتر العادية

انما لو ((هو اللى بيدخل الهواء للموتور)) يبقى بيدخل كميةهواء اكتر من اللى الموتور المفروض يسحبها زى فكرة التربو مثلا بس على اصغر كتييير طبعا ؟؟؟!!!

**smsm_nabawy** · 16-01-2011 11:37 PM

إلى الأخ صاحب الموضوع ،، المهم من وجهة نظري الأداء ،،

و لكن بما أنك فتحت السيرة ،، فأحب أقولك أنه مش الفلتر اللي بيحدد الصوت ،،

عامةً الفلاتر السبور ،، بتسمح بدخول كمية في وحدة الزمن أكتر من الفلاتر العادية ،،
بمعنى الفلتر العادي مثلاً بيدخلك 1 لتر هوا في الدقيقة "مثلاً" و ده أقصى كمية هوا ممكن يدخلها في الدقيقة ،، ده لو الثروتل بتاعك مفتوح على آخره ...

في الفتر السبور ،، نتيجة لشكلة و خامته ،، بدل متكون أكبر كمية هوا يدخلها "1 لتر" في الدقيقة "و أنا قلت مثلاً" حتكون بدلاً من القيمة دي ،، قيمة أكبر شوية

بتختلف القيمة اللي بيسمح بيها الفلتر للدخول من فلتر للتاني ،،حسب الحجم ،، و خامة التصنيع ،، و الماركة ....

و أما الصوت ،، المفروض العربية و هي شغاله سلانسيه ،، مفيش صوت نعرة طالع منها ،، جرب كده و أنت فاتح العمة بتاعت الهوا ،، و شايف الثروتل قدامك ،،

لف بكرة الثروتل للاخر ،، و أسمع الصوت ،، ده صوت نعرة عربيتك ،،

جاي من أيه ؟!!
جي من دخول كمية هوا كبيرة في نفس الوقت من فتحة الثروتل ....

طيب الفلتر السبور ،، بيبين الصوت ده و في فلاتر بتضخمه أكتر ،، حسب تصميمها ،، نتيجة خلخلة الهوا الجامدة اللي بتعملها .. و برضه عشان هي سهلت دخول الهوا للثروتل ،، حتلاقي التسارع زاد ،،

و هنا نتكلم عن الأداء ،، لاحظ ،، لو فتحت الثروتل بتاعم على الأخر في بداية التسارع ،، مش حتسمع صوت ،، لأن العربية مش عايزة تستفيد بكل الهوا ده "الأنجيكشان" و كمان مش حتلاقي العربية التسارع بتاعها حلو ،، لأنها شرقت هوا ،،،

حبه كده و تلاقي تسارعها بان ،، و الصوت أبتدا يزيد ،، لأن في الوقت ده ،، كل أو معظم الهوا اللي داخل من الفلتر الموتور بيسحبه و يدخله من الثروتل كله ،، عشان يحرقه ، كده كمية الهوا اللي داخله من الثروتل بتزيد ،، و تزود الصوت ...

أما الكاربراتير فهي نفس الفكرة ،، و بيعمل صوت برده ،، بس في الكاربراتير السحب الأساسي هوا البنزين مش الهوا ،، بمعنى ،، لو دست بنزين لحد الآخر كده كده داخل بنزين كتير ،، أما الهوا اللي داخل ،، أنت مش بتتحكم فيه ،، دي المكنة حسب السيسي بتاعها و الكاربراتير و نظافته ... و الأهم الفلتر :))

عشان كده برده بيعمل صوت ،،

انا بجد قربت أسمّع الكلمة ،، بيعمل صوت في أي عربية ،،

طيب لو أنت ركبته و طلع مش بيعمل صوت ،، يبقى أيه .......!!!!

يبقى هو بيعمل صوت ،، بس انت مش واخد بالك لأنه اقل مما كنت متوقع بس مش اكتر .. ،، و متتوقعش الصوت يكون جامد اوي في بداية الطلعة ،، لأنه مش بيطلع الصوت ده الا على الحررررررررق :)) حتى في الأنجيكشان ...

و حتى لو حطيت فلتر مخروطي الشكل على عربية كاربراتير ،، حتعمل صوت ،،

من الآخر ..

زي مالعضو ماجيفر ،، قالك ،، شيل العمة ،، و أنت عربيتك على السلانسيه ،، أفتح الثروتل للآخر ،، و أسمع الصوت ،، لو جامد ،، يبقى صوت لافلتر حيكون جامد ،، لو لا ،، يبقى .... حيكون في صوت ،، و لكن مش جامد ...

و لكن المهم في الاخر أنه بيطلع صوت ،، مع مراعاة حجم الفلتر للسعة الترية لموتورك ،،، لأن فيه أحجام ،،

و أنا عامةً الحمد لله ،، عندي بيطلع صوت جميل جداً،، كل صحابي اللي عنهم عربيات و حاطين فيها فلتر سبور ،، بيطلع صوت ،، على فكرة كاربراتير ...

و صوت حلو أوي ،، بس الصوت بتاعه عامةً بيبان في الحرق ،

آسف جداً للاطالة

ادعولي بكرة في الامتحان بتاعي :(((

**smsm_nabawy** · 18-01-2011 01:49 AM

المشاركة الأصلية كتبت بواسطة محمد فريد

شكلى هاركب واحد ولا ايه
ربنا يخزيك يا شوشو d:
شكرا يا استاذ سمسم على الافادة

عفواً أخ محمد ،، و لو عزت أي مساعدة في التركيب قللي،، :))

**Haitham10** · 18-01-2011 03:03 AM

اثبتوا علي حل بئه
انا نفسي اركبه بس متردد وخصوصا اني مبلاقيش حد فاهم اي حاجه فالواحد بينفذ بنفسه من الصفر
والي فاهم اسعاره وهمية بتخلي الواحد يقول لا اصرفهم اولي في حاجة تانية

فالعمل ايه للغلابة بتوع الكرباتير والمكن اللي علي قده من غير تريقة تحت ال1600

**smsm_nabawy** · 18-01-2011 03:06 AM

المشاركة الأصلية كتبت بواسطة magyver

لا
انا بتكلم علي العربيات الكربرااتييير فقط

أيوه ،، عربيتك أياً كانت كاربراتير أو لا ،،بس في حالة الكاربراتير شيل العمة و أفتحلها البوابات على الاخر و أكتم بأيدك على الثروتل و شيل أيدك تاني ،، و أسمع صوت الشفط بتاع الهول ،، لو عالي ،، يبقى حينعر مع ال فلتر جامد ،، لو لا يبقى مش حينعر جامد ..
مش قصدك كده برده

**smsm_nabawy** · 19-01-2011 05:21 PM

المشاركة الأصلية كتبت بواسطة Haitham10

اثبتوا علي حل بئه
انا نفسي اركبه بس متردد وخصوصا اني مبلاقيش حد فاهم اي حاجه فالواحد بينفذ بنفسه من الصفر
والي فاهم اسعاره وهمية بتخلي الواحد يقول لا اصرفهم اولي في حاجة تانية

فالعمل ايه للغلابة بتوع الكرباتير والمكن اللي علي قده من غير تريقة تحت ال1600

يا عم غلابة ليه بس ،، عربية حضرتك أيه بظبط ؟!!

و مالو اللي أقل من 1600 سي سي ،، زي الفل

و انت مش حتركب تربو ،، عشان تلاقي ناس فاهمة و تانية مش فاهمة

جماعة انتوا مكبرين الموضوع اوي ... ده فلتر هوا يا جماعة ..

فلللللللللللللللللللللتر هواااااا

حضرتك ساكن فين ،، لو في اليكس ،، انا يا سيدي مستعد اقبالك في أي حته ،، و أركبلك الفلتر بتاعك ،،

:))))

و كمان متردد ليه ،، بأمانة كده جاوبني ،، عايز تحط الفلتر السبور ليه ؟!!

-

-

الموضوع: فلتر الهواء الاسبور للكربيراتير لية صوت ولا لا من الاخر؟؟!

LinkBack

أدوات الموضوع

عرض

-

-

-

-

-

-

المواضيع المتشابهه

بخصوص فلتر الاسبور

مكان فلتر الهواء الاسبور صح ولا لا

الى كل خبراء التعديل وفلتر الهواء الاسبور

السيريون وفلتر الهواء الاسبور؟

فلتر الهواء الاسبور والدايو؟

الكلمات الدلالية لهذا الموضوع

المفضلات

المفضلات

ضوابط المشاركة