فلتر الهواء الاسبور للكربيراتير لية صوت ولا لا من الاخر؟؟!

**Silenty** · 15-01-2011 02:44 PM

انا عارف ان الموضوع دة اتكرر كتير جدا فى القسم هنا بس اللى خلانى افتحة تانى ان فى واحد
صاحبى جاب فلتر هواء سبور وجاب الماسورة بتاعتة بتتباع جاهزة الاتنين ب550 جنية (العربية كاربيراتير) والفلتر لونة ازرق وكبير كدة وشكلة جامد اوى بسي للاسف مالوش اى صوت نهائىمش عارف لية يمكن عشان مركبة على العمة البلاستيك دى مش على الكربيراتير مباشرة (العربية جولف2)
فموضوع الصوت دة اللى خلانى اقلق انى اجيب واحد

ف ياجماعة اية القول الفاصل للفلاتر الهواء الاسبور للعربيات الكربيراتير
يعنى فى حد جربة ؟؟؟

والسؤال لو جربة جاب انهى نوع وبيطلع صوت ولا لاء والاداء اية نظامة وياريت لو يصور بس صوت الموتور بالفلتر عامل ازاى وربنا يجازية كل خير

**beetleMOSH** · 15-01-2011 03:37 PM

متابع اوى اوى وى

**madaxman** · 15-01-2011 03:38 PM

بص ياباشا انا سمعت كتير عن الكلام دا قبل ما اجيبه بس توكلت علي الله وجبت سيموتا تايواني
العربيه بتعتي شاهين 1300سي سي مو96 والحمدلله عمل صوت بس مش هقولك بقوه الانجيكشن طبعا بس كان في صوت وصوت الفس مع النقله بين الغيارات بسمعه حلوه بس في مشكله بقا
معايا واحد صاحبي معاه شاهين بردو1400سي سي مو 2000 ركبنا عليها نفس الفلتر معملش اي حاجه
ولا فس ولا صوت النعره ولا الهوا ومعرفش لحد دلوقتي ايه السبب
وتقبل مروري

**Silenty** · 15-01-2011 04:45 PM

المشاركة الأصلية كتبت بواسطة madaxman

العربيه بتعتي شاهين 1300سي سي مو96 والحمدلله عمل صوت بس مش هقولك بقوه الانجيكشن طبعا بس كان في صوت

وصوت الفس مع النقله بين الغيارات بسمعه حلوه بس

معلش اسف اخى الفاضل حضرتك تقصد ان الموتور بتاعك كارب بس الفلتر عامل صوت زىالانجكشن بالظبط صح ؟؟!
لو حضرتك تقصدكدة ياريت بس تقولنا ثمن الفلتر دةكام وحضرتك مركبو على العمة ولا عى الكارب مباشرة
وياريت لو امكن بس تصورلنا فيديوصغير اوى يبين صوت الفلتر على الموتور الكارب جزاك الله كل خير

في مشكله بقا
معايا واحد صاحبي معاه شاهين بردو1400سي سي مو 2000 ركبنا عليها نفس الفلتر معملش اي حاجه

ولا فس ولا صوت النعره ولا الهوا ومعرفش لحد دلوقتي ايه السبب

دى المشكلة بقى هوا بيشتغل مع عربيات وعرييات ولا اية نظامة ؟؟!

اللون الاحمر مخصص للادارة

مشرف القسم

**madaxman** · 15-01-2011 05:10 PM

لا ياباشا ان اقصد ان صوته مش زي الانجكشن اكيد الانجكشن اقوي
لكن في صوت طبعا بس اضعف من صوت الانجكشن بس بيكون واضح بردو
بالنسبه للفيديو مظنش انه هيبين حاجه لان الصوت هيبقا مش باين كويس بس في صوره ليه ودا اللينك بتاعها
Photos from Sohag Cars Tuning | Facebook

وحكايه بيختلف من عربيه ل عربيه مفهمش فيها اوي بصراحه انا كنت بديك مثال بس

**sayed911** · 15-01-2011 07:28 PM

معنى كده انه لو عربية انجيكشن حتى لو اوتوماتيك ها يبقى ذات صوت محترم ولا لازم تكون مانيوال عشان تعرف تتحكم في عدد دورات المحرك اثناء الحركة ؟؟ وممكن الصوت الفسسسس ده عامل ازاي لأني بسمعه كتير ولكن مكنتش اعرف انه سبب من الفلتر الهواء ؟ وانا حاولت ادور عليه في اليوتيوب ولكن لم اجد له من اثر ...

**tarekzein** · 15-01-2011 07:35 PM

الفلتر عندى عامل صوت حلو

سيموتا يابانى مع الماسوره الأستنلس

مع الموتور ال فى تك ....أستمتع بصوت القوه

بس مش أنا اللى مركبه

أنا شارى العربيه كده سيفيك 91

والموتور أنجكشن مش كاربراتير

متسقط يعنى مش بتاعها

**magyver** · 16-01-2011 01:35 AM

هااقلك علي حااجة
مش كل الكبراتير بيطلع صووووووت
يعني لما كان معايا ال 25 بيطلع صووت فااجر
معايا سوزوكي ناااو مش بيعمل صووت خاالص
فعللشان ترح دماااغك عايز تعرف هايطلع صوت ولا لا
شيل الفلتر اللي عندك وجرب طلع صووت اتوكل علي الله وركب واحد اسبوور مطلعشي يبقي خلاص
هيا دة النهاية

**Haitham10** · 16-01-2011 02:21 AM

الي اعرفه لازم يركب بماسورته مباشرة من الكرباتير وتشيل العمة بس مش كل العربيات
وفي ناس بتركبه في اول العمة او تجيب فلتر زي الي جواها وتركبه من غير اي تعديل