فيه فرق بين العلاقة بين العزم والسرعة مع ثبات القدرة اللى هى علاقة عكسية زي ما موجود في الفتيس ( يعنى على سرعة ثابتة ولتكن 2000 لفة للموتور عزم الاول اكبر ما يمكن بس سرعة عمود خرج الفتيس 500 لفة مثلا وعند الخامس العزم اقل ما يمكن بس سرعة عمود الفتيس مثلا اعلى ما يمكن 3000 اعلى من سرعة الموتور الاصلية )
هى دى العلاقة العكسية بين العزم وسرعة الدوران واحد يقل والتانى يزيد والعكس ، (عند قدرة ثابتة جاية من المكنة )
انما علاقة العزم مع القدرة والسرعة وكلهم بيتغيروا
اللى هى علاقة عدد لفات الموتور مع عزمه
دى حاجة تانية خالص
لان السرعة هنا مش بتتغير بتروس دى بتتغير بطاقة خارجية تزود السرعة والعزم مع بعض
يعنى القدرة هنا مش ثابتة لأنك بتجيب بنزين من برة يزود القدرة فالعلاقة بتفضل طردية
بدليل ان على السرعات اللى قبل سرعة اعلى عزم بتكون العلاقة طردية عادي وزي الفل
يعنى عزم 3000 احسن من 2000 و 2000 احسن 1000
؟؟؟؟؟ مش كدة ولا ايه ؟
بس بعد الـ 3000 بتبدأ العلاقة تنعكس
وده اللى احنا عايزين نعرف سببه
هى اسباب كتير في منها متعلق بسرعة فتح الصبابات والكامات والقصور الذاتى للسوست بتاعتها وحاجات كدة .. كتير
بس اهم سبب هو ان البنزين كدة كدة له زمن معين ثابت عشان يتحرق على كل السرعات
فعند السرعات العالية بتبقى فرصة زمن الحرق اقل والبنزين ما يلحقش يتحرق بشكل كافى فبتبقى الاستفادة منه في بذل شغل تحريك المكبس اقل وده يقلل العزم رغم زيادة السرعة
(العزم هو قوة خبطة المكبس نفسها لفوق ولتحت والسرعة هى سرعات تردد المكبس او دوران الكرنك)
فتلاقى السرعة بتزيد بس ببطء ( عزم ضعيف ) ، فتخلى العربية تجمع ابطأ لأن المكبس ومن ثم الموتور والفتيس والجر والعجل مش عارف يتغلب على قوة احتكاك العربية بالطريق بنفس القوة السابقة
مصنعي السيارات بيحاولوا يظبطوا نقطة اعلى عزم دى ودى بتفرق من اداء موتور للتانى وبيحاولوا يخلوا مقدار الاضمحلال في العزم بعد سرعة اعلى عزم اقل ما يمكن يعنى مش اضمحلال مفاجئ
الطرق اللى بتحسن العزم على السرعات العالية زي مثلا تقديم شرارة الكهربا اوتوماتيك مع السرعة العالية ( خرطوم الفاكيوم بتاع الاسبراتير او امر الكنترول يونت بتاع العربيات الجديدة) يقوم البنزين ياخد وقته في الحرق شوية والموتور يستقيد منه وما يحصلش هدر في العزم بس طبعا وحتما اكيد لازم العزم عند سرعة معينة هيبدأ يقل عن نقطته المثالية
ممكن تشرح بالعربي لو سمحت ،،
و جزاكم الله خير
المفضلات