الموضوع: هو أنا راكب بطة ولا إيه

المشاركة الأصلية كتبت بواسطة amado318

معلش انته نقلت بدرى قوى دة انا لو هشد بدى الخامس بعد 180 كيلو تقريبا حضرتك مش متعود تشد الشد اساسه انك تجيب اخر الغيار فى السرعه وتنقل فى اللحظه المناسبه

هو العربية أصلا بتعدي 180 عشان أفضل 180 عالرابع ؟؟؟

المشاركة الأصلية كتبت بواسطة mmamdouh

يا راجل حرام عليك... حد يعمل كدة؟؟؟؟؟

اقولك الصح اية و متخضش؟؟؟

و انت على 120 تنزل من خامس لتالت... تحرق لحد 130 و تنقل رابع.... تحرق لحد 160 و تحط خامس.... بعد شوية تركن و تشترى كانز بيبسى و تشربها او تدخنلك سجارتين لو بتدخن لحد ما بتاع البولو يحصلك

اللى حصل معاك مش عيب عربية....

Mmamdouh

متخضش إيه يا راجل ده أنا عينيَّ دمعت
120 أنزل عالتالت وأكَمل لحد 130 ده التالت بتاعي بيبقى صعبان عليَّ لو كملت معاه على 70
أنا مش هرد كلامك طبعا إنت أدرى مني فالعربية دي وامكانياتها بس متنساش إنك حطت فلتر رياضي وشداد كده مابين البطاحات اللي أنا لسة كنت هسألك عليه أنا العربية عندي ستوك

ماشي مش عيب عربية بس أنا مكنتش أعرف إن ممكن يتعمل بيها كده أو بمعنى أصح "فيها"
إنت بقى كده سخنتني قولي بقى افتحلها إزاي دي مع العلم إن سوقتي هادية شوية مباتعافراتش إلى قليل فالعارابية مش مفتوحة

المشاركة الأصلية كتبت بواسطة amado318

استاذ ممدوح حضرتك بتعمل اعلان لبيبسى ممكن طيب تعمل اعلان لمونت ديو علشان بحبها اكتر من البيبسى

+1

المشاركة الأصلية كتبت بواسطة احمد المصرى

انت قلبك جامد يا باشا انا شخصيا قلبى من جامد ذيك


انا مره كنت راجع من سفر وكنت بشد حسب حسباتى انا كنت بجيب بالرابع 100 او 110 وكنت بحس انى كدا بحرق على الغيار يا باشا

بس انا اجيب التالت لحد 130 صعب عليا انى اعملها بصراحه



انت كلامك صحيح جدا بس مش كل الناس هتعرف تعمل كدا

أيوه هو أنا ممكن أعمل كده أنا لما قلت أنا افتريت وصلت بالرابع 120 بس إني أجيب بالتالت أعلى من كده يانهار أبيض
...................