الموضوع: هل تشعر بالحنين لسيارتك السابقة

اول عربية شالتني في محيط الاسرة ال 128 ماكنتش بحبها ابدا
لاني مفيش عمار بيني وبين 128 والفيات عموما
عملت بيها حوادث كتير وهتميت بيها كتير ورغم انه موديل 90 الا اللي كان يشوفهاا كان يفتكرة موديل 2000 عشان اللي كنت عاملة فيها
ايام الجامعة بقي
اول عربي جيبتها من فلوسي ومكسبي كانت البيتلز الحمراء
والعربية دي وانا نازل بيها من العاشر يوم ماشترتها موتورها قفش وجابت موتور وكانت احلى عين وعملتلها عمرة بنص تمنها وكانت بداية معرفتي بالمواتير المنبطحة وعشقي ليها
بعتها بعدها بكام شهر وجبت واحدة احلى منها موديل احدث وقعدت معايا شوية وكانت ازرق غامق ميتالك
وبعد كدة جبت حب حياتي البيتلز السماوي موديل 73
اللي كان بيشوفها كان لازم يقول ما شاء الله
حالة تحفة
العربية دي لفت معايا مصر كلها
حر وبر سخونة ومطر ومفيش اي حاجة
عربيات كتير تغرق وتعطل ودي ما شاء الله
قطرت اكتر من عربية
كنت حاطط فيها جنوط بيمر ومعدل طنابيرها عشان يشيلوها
يوم ما بعتها وصاحبها واخدها وماشي قفشت نفسي عيني بتدمع عليها
اه والله
وكنت كل ماشوفها عشان فضل ليا عند صاحبها 2000 جنية لمدة شهرين اابقي اقولوة عايز ارجعها
وجبت الاكسيل بناء على الحاح عنيد من زوجتي عشان التكييف بعد ما رزقت بكنزي
وشتان بين ثبات الاكسيل وثبات البيتلز
وبعدها جبت الريو ال 2006 الزيرو
ثم الكرولا والحمد لله
واكتر عربية باشتاقلهم من كل دوول البيلز موديل 73 السماوي
لو لقيتها دلوقتي هاشتريها تاني بدون تردد
دول العربيات اللي اشتريتهم من حر ماللي