هل تشعر بالحنين لسيارتك السابقة

**hmostafaahm** · 01-04-2008 11:55 AM

على الرغم من ان السيارة الجديدة دوماً ما يكون لها بهائها إلا أنى في بعض الاحيان اشعر بالحنين لسيارتي القديمة خاصة مع تلك الذكريات التي شهدتها معي السيارة اتذكر سيارتي الفيات 128 كانت حمراء اللون موديل 1989 واتذكر من لحقتها سيارتي الشاهين 2004 فضية اللون انها الحياة التي دوماً ما تحول بين المرء وماضيه انظر الأن إلى سيارتى الحالية لانسر 2007 واقول هل يأتي يوم ما وافتقدك مثلما افقتدت من سبقوكى الله وحده أعلم .....
برجاء من كل عضو يصف لنا هل لديه نفس الشوق والحنين لسيارته السابقة أم أن بهاء السيارة الجديدة قد ملك عليه عقله فعاش معها ونسى ما كان مع السيارة السابقة

**theking2690** · 01-04-2008 12:15 PM

لأ الصراحه انا عن نفسى بشتاق كتييييييييييييييييييييييي ير اووووووووى لعربيتى القديمه هى كانت 127 و الصراحه ليا معاها ذكريات بالهبل وواحشانى موت

**mada121977** · 01-04-2008 02:58 PM

طبعا اشعر بحنين وشوق كبيييييييييييييييييييير لسيارتى السابقه وهى شاهين موديل 96
ودايما بافتكرها بكل خير لانها كانت اول سياره خاصه بى من مالى الخاص وعاشت معايا ذكريات ومواقف جميله وانا كتبت عنها موضوع فى المنتدى كان عنوانه (سر العلاقه النفسيه التى تربط بين الانسان وسيارته) يعنى تلاقى الواحد الى بيرتبط بعربيته بعلاقه قويه وبيهتم بيها وبيحافظ عليها تلاقى ان فيه علاقه تفاعليه غريبه نشأت بينه وبين العربيه واصبح لا يطيق البعد عنها وانا من امنياتى ان ربنا يقدرنى واقدر اشتريها تانى لانى كل مابشوفها بحس انها بتقولى بأكده اهون عليك بعد العشره دى كلها وتبعنى :(

**mody_halawa** · 01-04-2008 03:44 PM

والله نفسى اشترى عربيتى القديمة ال128 لانها معروضة للبيع والله بشتلق اليها ولما بلاقى حد راكبها ببقى متغاظ
وبرضة بشتاق للانوس اللى نفسى بس اشوفها تانى شوفتها من شهرين بعد مابعتها وكنت هتهبل ازاى واحد غيرى راكب عربيتى قصدى اللى كانت عربيتى يلا سنة الحياة حنعمل اية

**Ahmad Allawy** · 01-04-2008 03:45 PM

انا بقي ليا ذكريات مع العربيتين القدام اللي كانوا عندنا..
اولهم كانت سيات 133 موديل 81 لونها ابيض..
ودي كانت معانا من سنة 1990 لحد 2002 وفاكر لما كنت في ثانوي بانزل اغسلها بنفسي في الشارع بالليل..
وكان بابا بيودينا بيها المدرسة وانا في 2 و 3 ابتدائي..
وبالمناسبة دي اللي انا اتعلمت عليها السواقة..
بعدها كانت فيات 125 لونها رمادي كانت بتاعت واحد صاحبي وانا اشتريتها منه..
وكان ليا معاها ذكريات حلوة حتي من قبل ما اشتريها..
اشتريناها اول ما طلعت الرخصة..
عملت بيها كذا حادثة.. اوقات كنت غلطان واوقات مكنتش..
بس الحمد لله كانت حاجات بسيطة..
مرة خبطت في تاكسي قدامي وقف فجأة بس كبوت اطبق بس..
ومرة خلطت في ميكرووباص الترامكو.. و الكبوت اطبق برضه و غيرت فانوس و اشارة..
ومرة مينيباص من المرسيدس القديم ده خبطني من الجنب.. بس برضه كانت بسيطة..

المهم حاليا معايا اوبل كورسا 97 هاتش باك.. و الحمد لله علي كل حال..
مكنتش عايز نبيع السيات لما جيبنا ال125 لكن بيعناها عشان والدي مش بيصوق ومالهاش لازمة عربيتين في البيت.. و نفس الوضع بالنسبة لل125

**shady_elkady** · 01-04-2008 03:48 PM

ياترا انتى فان يا ابيزتى ياترات عاملة اة وحشتينى اوى ياترى بيعملوا فيكى اة دلوقتى و عملة اة من بعدى

**limo** · 01-04-2008 03:58 PM

اه ه ه ه ه ه ه ه ه ه ه ه طبعاااااااااااااااااااااا ااااااااااااااااااااا
تصدق انى انهارضه لسه شايف عربيتى القديمه وهى لانوس 99 راكنه صف تانى فى ميدان الجامع طبعا شعورى وقتها انى كنت نفسى افتحها واسوقها تانى
نفس الشعور مع عربيتى القديمه خالص وهى كانت 127 والدى كان شاريها زيرو من سنه 82 وبعتها سنه 2005 بس ده بعتها لواحد صاحبى فكل شويه اروح عند بيته واركن واعد اتفرج عليها
بس طبعا العربيه ده مش قادر انساها لدرجه انى بحلم انى سايقها كتير وانا نايم
انا عربيتى الحاليه لانسر 2008 شكل قديم ورينو كليو 2003

**أبو ياسين** · 01-04-2008 04:14 PM

عربيتى القديمه ريتمو
شافت احلى ايام اهمهم لما ابنى اتولد بعد حوالى ساعتين خدناه بيها من المشتشفى على البيت و يميها بالليل قعد الف بيها على مكن البنوك عشان احتجت فلوس
دلوقت كل يوم بشفها رككنه قدام مدرسه فى شارع شبرا الاشتراها مدرس هناك و ديما بافتكر ايامى معاها و نفسى اشوفه عشان اخد بيها لفه زى زمان

**sasasony** · 01-04-2008 06:22 PM

يا انتا جييت علي الجرح احنا لسة بايعيين عربيتنا الادا مع ان انا كنت عايزها تتباع من كتر ما بتعطل ومن كتر ما زقيت فيها بس تصدق بعد ما اتباعت حسييت ان في حاجة ناقصاني ومضايق شوية
بس اكييدحزني ده هيختفي لما اركب عربية احدث منها واكتشف اني ماكنتش راكب عربية ان كنت بجاهد وكل مرة اركبها فيها باخد حسنات علي صبري عليها

**M_ashraf** · 01-04-2008 06:40 PM

ياااه انا لسه فاكر عربيتي ال128 البيضاء موديل 89
العربية دي امتلكها 4 بعدي مع اني بايعها منسنتين بس
و شفتها كتير بعدها
و هي دلوقتي عليها نمر كفر الشيخ بس عرفتها برضو
وقابلت اللي سايقها يوم احتفالات كاس الامم وقلتله دي كانت عربيتي سابقا
و دلوقتي بشوفها ساعات كتير راكنة في الجامعه مكتن ما كنت بركنها انا
سبحان الله تروح كفر الشيخ وترجع تاني المنصوره
وعلى فكرة مرة شفتها في معرض دخلت سالته عليها
لقيته بيبيعها ب 28 الف وانا كنت بايعها ب22 بس
شفتوا بقى وبياكد انها فابريقة بالكامل مع ان انا راشش فيها حتت
ولمل عملت نفسي بكشف عليها وقلتله العربية دي راشة كذا وكذا
قاللي لأ يا استاذ حضرتك مش واخد بالك
ربنا يسترها معانا يا رب

الموضوع: هل تشعر بالحنين لسيارتك السابقة

LinkBack

أدوات الموضوع

عرض

-

-

-

-

-

-

-

المواضيع المتشابهه

هل تشعر بالأمن

( باختصار) هل تشعر بالامان في مصر.!!

إستطلاع: هل تشعر بالأكتئاب؟

تجربتي السابقة مع الفلاير

الى مالكى الميجان..هل تشعر بالتميز؟

الكلمات الدلالية لهذا الموضوع

المفضلات

المفضلات

ضوابط المشاركة