الموضوع: الى شباب الامتحانات :(

المشاركة الأصلية كتبت بواسطة momo_sunny

عيب عليك ياعم خالد
لما تبقى فى اداب طنطا ومش عارف تغش
سؤال هية المادة كام ورقة والامتحان امتى؟

والله فى اولى كنت زهقان من كتر الغش بس اتنقلت من اللجنه حد بلغ عنى تقريبا ..
دلوقتى بقى ...متوزعين بعيد اوى عن يعض !! ومحدش بيقول لحد حاجه ...وانا معرفش حد اظبط معاه
الامتحان السبت الماده من الملخص 50 ورقه

المشاركة الأصلية كتبت بواسطة osamalover

والله انت جيت على الجرح .. بس انا بعرف اتصرف شوية .. انا معايا 4 اصحابي كلنا في لجنة واحدة .. بنقعد جمب بعض و اول صف في المدرج .. طول ما في واحد بس هو اللي بيتكلم مفيش حد هيكلمنا .. السنه دي بقى كان معانا وسيلة مساعدة .. Ipod nano الجديد .. منزلين علية صور الحاجات المهمة في المنهج ... ولو حد قرب مننا بيجيب اسكرين الساعة ... وبردو اخر امتحان شيلنا ظلط

يا ريت يبقى معايا حد اعرفه فى اللجنه ههههههه هقر عليك انا كده

المشاركة الأصلية كتبت بواسطة mr_7oda

هههههههه الطريقة ده لسة نافعة معايا من يومين بالظبط

كان عندى رسم هندسى وكنت مصور الرسومات اللى متوقع تيجى ... وهوب فيه رسمة جت فيهم فكنت بطلع الموبايل (اكنى بشوف الساعة يعنى ) وابص على الرسمة ..... لحد لما لاقيت المراقب باصصلى وجاى من اخر اللجنة
الواد اللى ورايا قاللى الله يخرب بيتك اقلع الساعة من ايدك ... طبعا مفيش وقت روحت لاعب فى عقارب الساعة فى الخباثة كده

جه قاللى بتعمل ايه ... قولتلو بشوف الساعة قاللى امال اللى فى ايديك ده ايه ... قولتلوا مخرفة بس وربك بيعديها

بص بقى انت حلك يا معلم انت تصحى كده الصبح بدرى قبل الجمعة على الساعة 8 ( ومتقوليش نومى تقيل )

تمسك الملزمة وانت بتشرب الشاى ومتقراش بصوت عالى ... بص بس كده حتى بعينيك بس يعنى حاول تقرا بضمير شوية
خلصت الملزمة قشطة عليك

على العصر او المغرب امسكها تانى وحاول بس تفهم الفولة .... حتى علشان تعرف تكتب اى حاجة فى الورقة

اهم حاجة بقى تروح قبل الامتحان بساعة ولا ساعة ونص تتشقلب هناااك ... تعرف العيال بتذاكر ايه وايه المهم ولو فيه حاجات متوقع تيجى ... ولو فيه كام ورقة تبص عليها .... فى الكلية هتلاقى كلوا بيذاكر وانت هتلاقى نفسك بتذاكر معاهم

بالتوفيق يا زعيم ... انتم السابقون ونحن الاحقووون

ايوه ايوه ...بدأت اسخن اهو ومتقلقش انا متعود اصحى بدرى اصلا