اقتباس المشاركة الأصلية كتبت بواسطة ralliart مشاهدة المشاركة
ياااااااااااااه انت قديم بقى !!!
انا موبايلي اخر السنه بيبقى عليه مناهج كامله

صحيح نسيت اقولك طبعاً لما تيجي تزاكر الملازم هتنام من اول سطرين
الحل انك تجيب اي واحد فاضي في البيت (اخوك-والدتك- البواب- السواق..........) المهم تقعد تقرأ الكلام وتشرحهوله (قال يعني انت فاهم) بس على الاقل مش هتنام
انا عملت كده وجبت نتائج مذهله في ماده كده عن صناعة الخرسانه كتاب 200 صفحه حفظ ولغه عربيه فصحى تقيله
وخليت امي خبيره دوليه في الخرسانه وبقت تبص عالخلاطه من بعيد تقولك السقف ده هيعشش
طيب محدش يتريق

أنا كنت بحط المرايا قدامي ...وأقعد أشرح لنفسي
ههههههههههههههههههههههههه هههههههههههههههههههههه
أيام ثانوي ..وأول سنين في الجامعة