الى شباب الامتحانات :(

**yoko** · 21-01-2011 02:58 AM

المشاركة الأصلية كتبت بواسطة dr.amr

وبعدين يا جماعه راعو مشاعر الواحد

الناس عماله بتقول نجيب الملخص ونقعد نقراه في يومين وندخل نعدي

ده احنا بنقعد نذاكر ونطحن في دروس وكتب طول السنه وفي الاخر بنقول يارب نعدي

بس الحمد لله

بنخرج نقبض 240 جنيه

ههههههه ما أنا هندسة الفكرة كلها إحضر طول السنة ومتذاكرش ذاكر قبل الإمتحانات ب 3 أيام وجبت مقبول أو تذاكر طول السنة وتجيب مقبول برده

**yoko** · 21-01-2011 03:15 AM

المشاركة الأصلية كتبت بواسطة dr.amr

الوش ده

بيستفزني قوي

عموما ياعم خلاص بقي الواحد دمه محروق

انا كنت داخل رياضه في تالته بس معرفش جالي هاتف قاللي حول روحت محول علوم

ولبست

انا كنت بره مصر ودرست الإتنين غصب مع غني بكرة العلوم جدا
وبجد الحضور بيفرق جامد خصوصا في الكليات المعقربه بتاعتنا دي طب علوم هندسة صيدلة حتى فنون جميله

**yoko** · 21-01-2011 04:01 AM

المشاركة الأصلية كتبت بواسطة AhMeD EzZ

يا احمد كليتك دي فيها دكاترة عايزة شهادة معاملة اطفال و الله
في دكتورة رياضة عندكو هي خريجة علوم رياضة
قالتها بالنص كدة في مخاضر ة
انا بكرة المهندسين و بحقد عليهم :(

ههههههههه إنت لسه عارف
إحنا عندنا واحدة بتاعت رياضة جابتلنا إمتحان 12 سؤال كل سؤال عايزة الحل بطريقتين مختلفتين ومتقلكش كمان أنهي طريقتين
النتيجة طلعت 5% نجاح 95% سقوط بعد الرفع النجاح بقى 60%
أنا في الإمتحان ده حليت سؤالين من ال12 والباقي مفكرتش أحله ولا أحط فيه قلم جبت جيد تخيل بقيت الدفعة كانت عامله إزاي!!!!
السنة الي فاتت نسبة النجاح في ماده المواتير الكهربيه كانت 48% وطبعا أنا من الي شالوها بلا فخر

**AhMeD EzZ** · 21-01-2011 04:10 AM

المشاركة الأصلية كتبت بواسطة yoko

ههههههههه إنت لسه عارف
إحنا عندنا واحدة بتاعت رياضة جابتلنا إمتحان 12 سؤال كل سؤال عايزة الحل بطريقتين مختلفتين ومتقلكش كمان أنهي طريقتين
النتيجة طلعت 5% نجاح 95% سقوط بعد الرفع النجاح بقى 60%
أنا في الإمتحان ده حليت سؤالين من ال12 والباقي مفكرتش أحله ولا أحط فيه قلم جبت جيد تخيل بقيت الدفعة كانت عامله إزاي!!!!
السنة الي فاتت نسبة النجاح في ماده المواتير الكهربيه كانت 48% وطبعا أنا من الي شالوها بلا فخر

ههههههههههههههههههههههههه هه
شكلها هي لانها لسة عاملة الحركة دي النهاردة في صاحبي
الواد يعني كان بيلعب في 30 درجة من 70 عشان ينجح يعني الحياة بيييييييييييس
طلع النهاردة بيقولي لو حبت 7 يبقي خير و بركة

المشاركة الأصلية كتبت بواسطة dr.amr

اللهم صلي علي النبي

سؤالين وجبت جيد

لو حد عملا عندنا ده ممكن يحولوه فراش

انت الي غلطان يا د/عمرو
ال 240 جنية زغللو عينك قوي كدة يا راجل

**yoko** · 21-01-2011 04:13 AM

المشاركة الأصلية كتبت بواسطة ahmed ezz

ههههههههههههههههههههههههه هه
شكلها هي لانها لسة عاملة الحركة دي النهاردة في صاحبي
الواد يعني كان بيلعب في 30 درجة من 70 عشان ينجح يعني الحياة بيييييييييييس
طلع النهاردة بيقولي لو حبت 7 يبقي خير و بركة

انت الي غلطان يا د/عمرو
ال 240 جنية زغللو عينك قوي كدة يا راجل

هو في سنة كام لو 2 قوله أماني هتلاقيه إترعب ووشه جاب ألوان ويقولك أماني ﻷ ﻷملني ﻷ
ولو عايز تكدره أخر السنة قله العسال أو إبراهيم إسماعيل أو البابلي بس العسال وإبراهيم قبل ما يمتحن والبابلي هيقولك راجل كويس وبتاع أول ما يمتحن مش هيطيقة

وعلى فكرة اماني مهندسة مش علوم

**dr-mohamed** · 21-01-2011 04:28 AM

المشاركة الأصلية كتبت بواسطة ahmed ezz

و انا اقول كل مرة ليه لما افضي جيوبي يقولي شيل علبة السجاير
منكم نستفيد
بس و الله معلومات مفيدة منك يا دكتور
احذر اصحابي الي بيغشو من الطرق المحفوظة ليكو

ههههههههههههههههه
انسي يا ابو حميد
اي طريقة غش هاتفكر فيها انا عارفها من قبل ما انت تتولد
ايه رايك في الجملة دي ؟؟؟؟؟؟؟؟
تخلي ركب كل غشاش تخبط على اللى في المدرج اللى جنبه

المشاركة الأصلية كتبت بواسطة dr.amr

لسه في ربع اسطامبولي هنا

ده تلاقي الطلبه بتترعب لما تشوفك في الامتحان يا دكتور

بس علي فكره اكتر دكاتره احترمهم الديكتاتور العادل

والله بيحصل يا دكتور عمرو
بس بالله عليك
طالب حضر جميع المحاضرات وزاكر كويس يتساوي او ممكن يقل كمان عن طالب مكانش بيحضر ولا يعرف حاجة عن المادة ولا زاكر وهما البرشامتين وخلاص ؟؟؟؟؟؟؟؟
ماليش دعوة هاتستفيد منها ولا لا
و ده من اسباب تخلفنا
انت مكلف بعمل يبقي تأديه على الوجه الأكمل
اما النتيجة فعلى الله سبحانه وتعالى
والظلم الحقيقي هو ترك الغشاش يغش ويتساوي مع من لا يغش
وامثلة كتيرة بشوفها
مثلا زوجتي كانت مش هاتتعين في التربية والتعليم لان اخر المعينين جايبة اكتر منها بنص درجة من 960 درجة وزوجتي الحمد لله لا تعرف يعني ايه غش ولا تحبه
تفتكر ال500 اللى جايبين اكتر منها كلهم كانوا مش بيغشوا ؟
مثال تاني طالبة كانت في سنة تالتة واكتشفت انها من اوائل الدفعة والهانم كانت بتغش طول الامتحانات السنتين اللى قبلها لان اختها في الكلية وكانت بتدخل لها بالبرشام
لما طردت اختها ومنعتها من دخول اللجنة لم تجب عن سؤال واكيد رسبت في المادة دي
كل الطلبة الاوائل كانوا مبسوطين جدا لانهم كانوا حاسين بالظلم والقهر لانها بتغش ومتساوية معاهم ومتفوقة على بعضهم
هل ترك امثال هؤلاء يعتبر عدل ؟

-

-

-

-

الموضوع: الى شباب الامتحانات :(

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

المواضيع المتشابهه

يوميات الامتحانات

الامتحانات في الحر !!

هو مين بيحط جدول الامتحانات

اخبار الامتحانات ايه ؟؟

الغاء الامتحانات

الكلمات الدلالية لهذا الموضوع

المفضلات

المفضلات

ضوابط المشاركة