فودافون بتستهبل استهبال رسمي

**eng/muhamad** · 22-01-2011 07:08 PM

حصلت معايا قبل كده و عملت شكوى فى الجهاز القومى لتنظيم الاتصالات و بهدلتهم

**Hacker5** · 22-01-2011 07:10 PM

حصل معايا نفس الموضوع كنت بدخل على صفحتى فى موقع فودافون و اشوف رصيدى لقيتهم بيحاسبونى بـ29 قرش الدقيقة

اتصلت بيهم ردت عليا واحدة من بتاعت خدمة العملاء

انا : عايز استفسر عن حاجة
فودافون : تحت امرك يا فندم
انا : انتوا بتحسبونى بكام الدقيقة؟
فودافون : لحظة واحدة
انا : ...
فودافون : بـ29 قرش يا افندم
انا : ليه يعنى بأمارة ايه ؟
فودافون : ما هو حولنا كل عملاء نظام كل المصريين لحكاوى المصريين
انا : على طول كدة بدون اذن من صاحب الخط على اساس انى ماليش لازمة ؟
فودافون : لا العفو يا افندم احنا شوفنا ان النظام دة افضل و حضرتك ممكن ترجع لنظامك القديم لو تحب
انا : اة احب طبعا انا مش مناسبنى النظام الفاشل دة
فودافون : رسوم تحويل 1 جنيه
انا : لا ستوب بقى
فودافون : خير يا افندم
انا : انا مطلبتش منكم تحولوا الخط انتوا حولتوه من نفسكوا بدون استأذان او حتى تبعتولى رسالة تبلغونى ان الخط تحول لنظام تانى
فودافون : المفروض يكون جالك رسالة
انا : لا مجاليش حاجة يا انسة ( كنت ابتديت اتنرفز )
فودافون : ماهو لازم يا افندم دى رسوم تحويل
انا : عليا النعمة لو رصيدى نقص قرش انا محامى و ممكن اكبر الموضوع و هدخلكوا فى دوامة مشاكل لان الكلام دة مش موجود فى عقد الاذعان بتاعكوا دة
فودافون : طب لحظة واحدة
انا : ...
فودافون : خلاص يا افندم الخط اتحول بدون اى رسوم
انا : شكرا
فودافون : فى اى استفسـ ... قفلت السكة فى وشها

لا فعلا مش محترمين تحس انهم يهود

**A_H_M_A_D** · 22-01-2011 07:31 PM

والله جدع و برافو عليك

الناس دي ماتجيش إلا بالمعاملة اللي يستحقوها

**Maged_Samy** · 22-01-2011 07:43 PM

انا غيرت بقالى سنتين ونصف من فودافون لاتصالات بنفس الرقم ودفعت 75 جنيه وسمعت ان دلوقتى التحويل ب 25 جنيه بس
لكن مش متأكد من المعلومه .
كفايه ان اتصالات عندها مصداقية فى كل حاجة وهى اللى بتبدأ العروض .

**ابوهاشم** · 22-01-2011 08:19 PM

يانهار مش فايت
اتارى الرصيد معايا شغال طياره
لما اروح اشوف ليكون حولوه بيزنس وانا مش دارى

**نور القمر** · 22-01-2011 08:23 PM

المشاركة الأصلية كتبت بواسطة magid1010

ممكن الكود لو سمحت علشان اتاكد انا فى انهى نظام

اتصل ب 880
انا راجعت موبايل جوزي لقيته نفس الحكاية
هو قال مش محول تاني مدام الموضوع بجنيه وهنحول كلنا لاتصالات
انا هدخل اعمل شكوى في الجروب بتاعهم في الفيس بوك وهكتبلكم اللينك ياريت كل اللي حصل معاه كدة يدخل يشتكي على نفس اللينك ونهددهم باننا هانسيب الشركة
ده مش اسمه استهبال ده اسمه نصب