الموضوع: اوفست الجنوط

من الصورة على الشمال, + يعنى منتصف الجنط أبعد عن مكان تركيبه بالمسافة كذا, يعنى منتصف الجنط هيبقى بعيد عن الصرة قد أيه بمعنى أصح, وفى حالة ال+ منتصف الجنط هيبقى أبعد من الصرة لبره بمسافة كذا ملى.

أما الصورة اليمين,- يعنى منتصف الجنط أبعد عن مكان تركيبه لجوه (شمال يعنى) بالمسافة كذا.

زى الأتوبيسات اللى الجنط بيبقى كله لبره لكن مكان تركيب الجنط نفسه على الصرة لجوه, ده الأوفسيت بتاعه موجب.

أو الأتوبيسات اللى مكان تركيب الجنط بيبقى فى أول الجنط, لكن الجنط والكاوتش نفسه لجوه, ده الأوفسيت بتاعه سالب.

والصورة اللى فى النص بتوضح الزيرو أوفست, يعنى مكان تركيب الجنط على نفس المركز بتاع الجنط.

والمفروض أن الأوفست للجنط الجديد يبقى هو هو للجنط القديم, لأن تغيير الأوفست بيأثر على القيادة بتاعة العربية وممكن يبوظ أجزاء من العفشة.

وبيتقاس بالملى متر من مسافة مركز الجنط الى المكان اللى المسامير هتتركب فيه على الجنط.

وكل عربية ليها الأوفسيت اللى نازلة بيه, بيبقى فى الكاتالوج مثلا أو مواصفات العربية.

السلام عليكم
جزاكم الله خيرا على هذا الموضوع القيم
من بحثي فى هذا الموضوع لقيت الجزء التالى
وهاناخد المثال بتاعنا نطبق عليه المعادلة
وما ننساش نحول البوصة (مقاس الجنط دائما بالبوصة) لميلليميتر
بضرب الرقم (اللي بالبوصة) * 25.4 = المقاس بالميلليميتر

(قطر الجنط بالميلليميتر +(ارتفاع الكاوتش * 2))= القطر الكلي



13*25.4 + [( 100/ (185 * 65) )* 2] =570.7 ميلليميتر(القطر الكلي الأصلي)

لازم أي كاوتش تجيبه حساباته تديلك قطر كلي مساوي للقطر الكلي الأصلي علشان سرعة السيارة الحقيقة ما تختلفش عن سرعتها على العداد


عربيتي اكسيل مو 95 1500 وفيها جنط حديد 13 وكاوتش 175 * 70
لو عاوز اغير الجنط الى 14 ينفع الكاوتش الحالى يركب عليه ولا لازم اركب اعرض منه لزيادة الثبات
ياترى ايه المناسب للاكسيل شاسيه وعفشه ( جنط 14 ولا 15 )
ويعنى ايه الاوفست ؟؟ هل ده رقم لازم يساوى رقم المعادلات اللى اتذكرت فى الموضوع ولا بقارن بين اوفست الجنط الحديد واوفست الجنط اللى هشتريه ؟؟؟
اسف ع الاطاله ونرجو التوضيح بالصور او الفيديو ان امكن
ولكم جزيل الشكر

المشاركة الأصلية كتبت بواسطة mmamdouh

ينفع تركب جنط 14 و لازم تغير الكاوتش و تجيب كاوتش مقاس 185\60\14

mmamdouh

جزاكم الله خيرا
وما رايكم فى جنط 15
15 * 195*50
و لا هيضر العفشه والشاسيه ؟
وهل فى الوضع ده العربيه هتهبط ولا علوها هيكون زى ما هو مع اختلاف الشكل فقط
ولكم جزيل الشكر