يا جماعة بذمتكم ،، يرضيكم اللي حصل

**casperinoo** · 26-01-2011 02:54 AM

معلش طالما متعرفش حاجه يبقي افضل ساكت
لو لحصل فينا النهارده ده في دوله محترمه كان يتشال فيها حكومه
ضرب نار وقنابل مسيله للدموع ومجموعه كبيره نزلت في الاخر كانت بتجري ورا الناس وتضربهم ويخدوهم ..
المظاهرة كانت سلمية جدا والامن هو اللي عمل القلبان ده كله
انا اللي زعلان عليه ان 90% من المظاهره ناس نضيفة ..اول مره احس ان فيه ناس بتحب البلد بجد مش مظاهرة علشان شغل ولا اجور متأخره...ناس عايزه مساواه وحرية و كل واحد ياخد حقة ((العدل)).الغلطان يتحاسب اي كان هو مين ...
.انما بقي الناس الغلابة المطحونين واللي طالع عينيهم كل واحد نايم في بيتة بيبكي علي حالة وبيفكر يأكل العيال ايه بكره

**mahmoudysf** · 26-01-2011 02:59 AM

انا ردي عليك ممكن يبقى بكلام كتير
لاكن هختصره في الاتي يا ريتني كنت مع الناس دي
وللاسف لما حبيت انزل كان صعب اوصل للناس بسبب الكردونات الامنية
وان شاء الله يطلع النهار واللي ملحقش ينتفض لكرامتة يلحق
قبل مانترحم على الكرامة والشجاعة للابد
ربنا يهدي الناس للحق

**smsm_nabawy** · 26-01-2011 03:02 AM

أستاذ نوبي ،، عندك حق ...
سبق السيف العذل

و لازم نقف مع بعض ،،

**A.Saad** · 05-02-2011 05:49 PM

المشاركة الأصلية كتبت بواسطة casperinoo

معلش طالما متعرفش حاجه يبقي افضل ساكت
لو لحصل فينا النهارده ده في دوله محترمه كان يتشال فيها حكومه
ضرب نار وقنابل مسيله للدموع ومجموعه كبيره نزلت في الاخر كانت بتجري ورا الناس وتضربهم ويخدوهم ..
المظاهرة كانت سلمية جدا والامن هو اللي عمل القلبان ده كله
انا اللي زعلان عليه ان 90% من المظاهره ناس نضيفة ..اول مره احس ان فيه ناس بتحب البلد بجد مش مظاهرة علشان شغل ولا اجور متأخره...ناس عايزه مساواه وحرية و كل واحد ياخد حقة ((العدل)).الغلطان يتحاسب اي كان هو مين ...
.انما بقي الناس الغلابة المطحونين واللي طالع عينيهم كل واحد نايم في بيتة بيبكي علي حالة وبيفكر يأكل العيال ايه بكره

البلد ادمرت
ياترى ده بيحصل فى البلاد اللى اكلمت عنها

**ashouhdy** · 05-02-2011 05:55 PM

بلد اية اللى اتدمرت ؟!

الاقتصاد قبل كان بيخسر ملايين فى حكم مبارك فقط من تصدير الغاز لأسرائيل بأقل من ثمن انتاجة تقريبا 13مليون دولار يوميا !

تفتكر لو النظام استمر حيخسر تانى اكتر كام ؟؟؟

البورصة :

خسرت فى مايو اللى فات فى ظل النظام المبارك الجميل اكتر من خسائر الانتفاضة بتاعة الشباب !!

يبقى بلد اية اللى خربت !!

**A.Saad** · 05-02-2011 06:02 PM

المشاركة الأصلية كتبت بواسطة ashouhdy

بلد اية اللى اتدمرت ؟!

الاقتصاد قبل كان بيخسر ملايين فى حكم مبارك فقط من تصدير الغاز لأسرائيل بأقل من ثمن انتاجة تقريبا 13مليون دولار يوميا !

تفتكر لو النظام استمر حيخسر تانى اكتر كام ؟؟؟

البورصة :

خسرت فى مايو اللى فات فى ظل النظام المبارك الجميل اكتر من خسائر الانتفاضة بتاعة الشباب !!

يبقى بلد اية اللى خربت !!

فيه طريقة نقدر نعبر فيها عن رأينا ياحمد مش لازم نولع فى كل حاجة وندمرها علشان نبنيها
انا مش بدافع عن شخص او حكومة لان انا معاك ان مساوئهم كانت كتير
لكن ممكن نطلب حقوقنا من غير تخريب
ايه الفايدة من حرق فنادق ومحلات وعربيات اصحابها زى وزيك
ايه الفايدة من ان كل شوية تلاقى واحد مطلع اشاعة ملهاش دعوة بالحقيقة
انزل وسط البلد والهرم وانت تعرف

**ashouhdy** · 05-02-2011 08:09 PM

منكرش ان حصل فوضى يوم الجمعة

بالذات بعد الساعة 5 اللى بقى لغز محيير محدش عايز يفسرة

لما الصراصير خرجت وحرقت كل حاجة ... بس اللى عمل كدة اكيد مش منا ؟؟؟ مين خرج المسجونين والمجرمين؟؟

اسئلة كتير

ومنكرش برضوا ان سكان الحزام العشوائى اللى بيحيط بالعاصمة و بأسكندرية كان ليهم دور رئيسى فى الفوضى

بسبب الغياب الأمنى المحير...

أنا عندى فيديوهات نفسى اعرضها بس خايف الناس تخاف

مصورهم يوم الجمعة فى عز لما الجرابيع طلعت تحرق فى البلد