الموضوع: النقل المباشر لاحداث الاضراب -الجزء الثاني

المشاركة الأصلية كتبت بواسطة semmsem

انا عندي سؤال بجد
لما الرئيس يتنحي
ونحل الحكومه
ونحل مجلسي الشعب والشورى
اللي عاوز يكلم حد في مصر يكلم ميـــــــــــــــن؟

يكلم الجيش

رئيس المحكمة الدستورية قانونا هو من يمسك بزمام الرئاسة مع القيام بانتخابات رئاسية خلال مدة اقصاها 60 يوما
ده الحل القانوني! و لو اني لا اعترف بالقانون القذر اللي فصلوه زبانية النظام

الحل الاخر و هو المقترح من المتظاهرين:
تشكيل لجنه من حكماء مصر ليس لها توجهات سياسية و رشحوا د.محمد زويل رئيسا ليها لادارة شئون البلاد بالتعاون مع الباقين من افراد الحكومة و ذلك حتى تشكيل انتخابات مجلس شعب جديدة و تليها انتخابات رئاسية جديدة بعد تعديل الدستور ليخطوا بمصر الى القرن الحادي و العشرين

على فكرة ا جماعه: حد بيشوف المصرية؟ انا قلت ابص كده.. مرارتي اتفقعت! جايبين بتاع 500 جربوع من العاطلين الموالين للنظام (انا عاملت امثالهم شخصيا) عمالين يتنططوا و يرقصوا امام الاذاعة و التليفزيون و عمالين يصوروهم من كل الاوضاع!!! و تبص في الخلفية تلاقي ناس لابسه بدل عمالة توجههم انهم يتجمعوا تحت بؤرة الكاميرا

بعد خطاب مبارك المخلوع أثبت لنا أن كل الفساد الذي كان يحدث فى البلد بعلمه بل ..وبقراره

المشاركة الأصلية كتبت بواسطة swimmer25

ان شاء الله مش دي بس هتكون نتائج الثورة
ان شاء الله الشعب هيقدر يغير النظام كاملا...مش بس هيغير الرئيس..

المشاركة الأصلية كتبت بواسطة horas3000

صحقي للجزيرة
الجيش يغير زية لان بعض المندسين دخلوا المظاهرات بلباس الجيش

اه يا ولاد ال........

المشاركة الأصلية كتبت بواسطة otefa

متفق معاك تمام وهو ده ألي بقوله في مشاركاتي الأخيرة
أن النظام فعلا بدأ وقوعه بذيوله كلها أبتداء من يوم الجمعة مساء و مع بداية وقوع نظام الشرطة ونزول الجيش للأرض وبداية أمساكه بزمام الأمور في الدولة وأعتقال وزير الداخلية بمعني شبه مؤكد وواضح تماما أن النظام وقع بالفعل بوقوع الداخلية
في رأي ليس مبارك من يتحكم في النظام مؤخرا وقبل الثورة بفترة
بالنسبة لنقطة تغيير الدستور وحل مجلسي الشعب والشورى أنا شايف أنه أمر مفروغ منه أكيد هايحصل
الحكومة الحالية هي مؤقتة أعتقد لأيام ولسيت لفترة طويلة
كل ألي بيحصل دلوقتي عبارة عن نقل السلطة بطريقة شرعية لا يشكك داخليا وعالميا في شرعيتها وأسلوب أنتقالها
أعتقد مايشغل القيادة العسكرية الحالية هو طريقة خروج مبارك من السلطة بطريقة غير مهينة له لعدة أعتبارات أنه رجل عسكري في المقام الأول والتانية ظروفه الصحية
أكيد فيه أصلاح للحياة السياسية والأجتماعية في البلد ده هايبان أساسياته وخطوطه العريضة في الكام ساعة ألي جايين
ربنا ييسر لما فيه الخير

المشاركة الأصلية كتبت بواسطة ahmed a.maksoud

خبر من تعليق على الفيس بوك...........طبعاً مش متأكد من صحته

منذ قليل تم توزيع بيان حركة 6 إبريل

إيقاف ما يسمي المظاهرة المليونية
تشكيل مجموعة حكماء يرأسها السيد عمرو موسي والدكتور أحمد زويل وتضم جميع رؤساء الأحزاب والقوي السياسية من أخوان وغيرهم للتباحث مع نائب رئيس الجمهورية وتحديد جدول زمني تفصيلي لتنفيذ مطالب الشعب
أن يعلن الرئيس عدم نيته الترشح للرئاسة أو أي أحد من أفراد عائلته
التعهد بعدم السماح لاي فرد من النظام بالسفر للخارج لحين التحقيق مع أي شبهات مالية أو جنائية لهم

المشاركة الأصلية كتبت بواسطة otefa

ده ألي عمال أقوله من أمبارح أن الموضوع تقريبا أتحل والدنيا هاتبقي زي الفل أن شاء الله وشكرا للشعب (المتظاهرين) من غيركم ما كناش هانوصل للنتائج المبهرة (ضرب مراكز القوي والبلطجية بداخل جهاز الشرطة+الأجهاض لفكرة توريث الحكم وخروجه من تحت سيطرة القوات المسلحة+وقوع الفاسدين من الرأسماليين ذو مصادر الثروة المشبوهة) حقيقي برافو أتلعبت صح الصح وأن شاء الله هاتكمل وطموحات الشعب هاتتحقق
مبروك لكل مصري الخلاص المبدأي من رموز الفساد في الدولة والتلاحم الرائع من قوي الشعب بجميع فئاته

المشاركة الأصلية كتبت بواسطة ahmed a.maksoud

طبعاً الإنجاز اللى أتحقق لحد دلوقتى لا يستهان به
بس تعالى كده نشوف بعض الحقائق الأخرى بفرض خطأ اللى أنا قولته قبل كده ( أن مبارك هيتنحى بس بمزاجه.......علشان منظره قدام العالم ) يعنى هنفترض بقاءه فى السلطة لحين إجراء الأنتخابات
1- هل هيتم حتى وقت الأنتخابات محاسبة الفاسدين ؟
2- هل هيتم إصلاح ما فسد على مدار 15 أو 20 سنة ؟
3- الوزراة الجديدة فيها 90% من الوزراة القديمة.....تفتكر ده كويس ؟

لو وقفوا المظاهرات دلوقتى مع الإكتفاء بما تحقق يبقى لو عايزين نغيره بعد كده أو عاوزين إصلاح أو أو أو........هنضطر نبدأ من أول و جديد.....و شوف أنت بقى :(

المشاركة الأصلية كتبت بواسطة otefa

1-أكيد سيتم محاسبة الفاسدين الجيش نفسه كان قرفان منهم
2-بأذن الله سيتم الأصلاح بزوال نظام فاسد ده غير أن المظاهرات نفسها حققت ترابط وتلاحم غريب كان من الصعب تحقيقه في عشرات السنين وده حصل في أسبوع واحد وده هايسهل الأمور
3-الوزارة هاتتشكل وفق رغبات الشعب يعني الحالية أكيد ناوين يقيلوها ويشكلوا غيرها

الجيش من قبل المظاهرة دي أهدافه و ناوي علي تحقيق الأهداف دي كلها الباقي هو رجوع واستتباب الأمن وبمنتهي الهدؤ ووفق رغبات الشعب

وماتنسوش نقطة في غاية الأهمية أوباما وعد وركز في خطابه الأنتخابي بتحقيق الديمقراطية في أنظمة المنطقة
وعليه أثبات ذلك تمهيدا لفترة رئاسية ثانية مع عدم المساس بنقطتين
-الجيش
-السلام مع أسرائيل

انا اعتذر .. دول جايبين 200 جربوع! اعتقد معرفوش يكملوا ال 500 متظاهر للتأييد!!
و بيعلنوا حاليا عن تظاهرة مليونية لتأييد الرئيس غدا في المهندسين!