الموضوع: النقل المباشر لاحداث الاضراب -الجزء الثاني

الرجل فقد المصداقية والاحترام ولم يعد بصلح لاي مرحلة وسوف يلعب به الحزب الوثنى - لم يعد هناك مجال للتراجع

المشاركة الأصلية كتبت بواسطة mohamed_hegazy

الرجل فقد المصداقية والاحترام ولم يعد بصلح لاي مرحلة وسوف يلعب به الحزب الوثنى - لم يعد هناك مجال للتراجع

أؤيدك بشدة,
وحذار من وسائل الاعلام المصري القذرة. هم يريدون قلب الطاولة رأساً على عقب وتغيير الصورة الدموية للطاغية مبارك.

يا جماعه مش احسن من اللي حصل في تونس ..الراجل هرب على السعوديه وساب البلد

هايصه وبهدله في كل حته حطو رئيس جديد لغدايه ما يعملو انتخابات وبرضو في مظاهرات


مش عايزينه كل الف الفين مش عاجبهم الرئيس يعملو مظاهرة ...

لأ طبعا مش احسن من تونس!!!
يا ريت كان عمل زي رئيس تونس من يوم الجمعة اللي فاتت بعد ما الناس اكتشفت انه هو الذي اعطى الاوامر بحرق البلد
و اقسم باللهى الخطه اتكشفت لي تماما امس و زالت كل شكوكي لما واحده ست بتتصل و بتقول : مش كفاية كده احنا عاوزين منه ايه ! الشباب قاعدين في التحرير و البلطجية بيهاجموا البيوت!!!!!!!! ليه الشباب دول ميرجعوش بيوتهم علشان يحموها!!!!
خطة نشر عصابات مسلحة و بلطجية لمهاجمة البيوت الامنه اقسم بالله انها خطه وزارة الداخلية بامر مباشر من الملعون!
و لكنها فشلت!!!!!!! في عنصر صدمة في النظام الان!!! كل خططهم الشيطانية لم تؤتي بثمارها و اخيرا قاموا بالعودة الى النظام القديم من تجميع شوية صيع و حشاشين من العيال العواطليه اللي بيتعاملوا مع الحزب الوطني باستمرار و ادوهم قرشين و بعتوهم في الشوارع يعملوا مظاهرة تأييد! لا حول ولا قوة الا بالله! الناس دي يوم القيامة حتهتف لمبارك؟ والله متوقع! يبعث المرء على ما مات عليه! في ناس حتبعث و هي تقول كلمة حق امام سلطان جائر و ناس حتبعث و هي تحارب الله و رسوله! كان نفسي يقربوا من ميدان التحرير! نفسي! و لكن اللجان الشعبية المحيطة تصدت لهم و القوا القبض على 17 منهم بحوذتهم مطاوي و سنج!!! دول اعضاء مظاهرة تأييد مبارك! شوفتوا انتوا بقى اعضاء مظاهرة اسقاط مبارك؟ دول صوت الشعب! عزة الشعب!
الشعب يريد اسقاط النظام جملة بحلم بيها من 12 سنه و بفكر فيها صبح و ليل! بلاش تحرمونا من الحلم الجميل ده اللي شكينا في لحظة انه ممكن يتحقق!
صبرنا 30 سنه غصب عننا مش برضانا و لو كانت جت اي لحظة خلال ال 30 سنه دول مكناش ضيعناها
فازاي نصبر 8 اشهر !!! دلوقتي هي اللحظة! لان لو صبرنا تاني مفيش حاجة حتتغير! فتحي سرور الكلب حيفضل زي ما هو
صفوت الشريف
وزير الاعلام الرائع اللي كان صاحب القرار في قطع النت و التعتيم الاعلامي الكامل عن الشعب النزيه!
شوفتوا المصرية؟ بيقولوا اجانب يوزعون منشورات على المتظاهرين!!!!!!!! و بيقولوا بعض المتظاهرين في التحرير يرفعوا لافتات بالعبرية!!! اكمل الاعلام المصري بيقول ايه كمان؟ بلاش احسن
مبارك كان ممكن يكون ليه مصداقية لو عمل ال 5 امور دي
1- الغاء قانون الطواريء فوريا
2- محاكمة حبيب العادلي محاكمة عسكرية
3- الغاء مجلسي الشعب و الشورى و تشكيل حكومة وحدة وطنية
4- الاعلان عن انتخابات رئاسية مبكرة مع تعهد بعدم ترشح اي قيادة من الحزب الوطني فيها
5- اعادة الاتصالات بكافة اشكالها و اقالة جميع العاملين في الاذاعة و التليفزيون لاستخفافهم بعقول 80 مليون مصري


في الحالة دي فقط انا كنت قلت كفاية كده يا جماعة الراجل فعلا ناوي بجد انه يصلح و ان الضربة فوقتوا

شعار مبارك في الفترة القادمة: ........................................

http://www.youtube.com/watch?v=Mhob6S1kwfA

مراسل الجزيرة: وزير الإعلام المصري طلب من موظفي الإذاعة والتلفزيون التظاهر دعما للرئيس مبارك

المشاركة الأصلية كتبت بواسطة lonedoctor

المشكلة الراجل ده لسة فاكر نفسه رئيس جمهورية وعمال شغال احاديث وقرارات وتفويضات وفاكر الناس لسة بتاكل من الكلام ده
اعوذ بالله عامل زى السرطان موش راضى يستجيب للعلاج ابدا
عموما بالرغم من انى ارغب فى عودة الهدوء والاستقرار للبلد بعد الفوضى دى كلها لكن هذا الرجل فقد مصداقيته تماما ولايمكن يصدقه عيل بيرضع
انا موش عارف هو ليه موش عايز يتنحى ويسيب الحكم لاى واحد تانى والمفروض قانونا يكون رئيس المحكمة الدستورية العليا وهو شخص عاقل وليس له انتماءات سياسية وده مهم علشان ما يحصلش صراع على السلطة وفوضى بين المعارضة والاحزاب
وبعد كدة تكون فيه انتخابات والشعب يختار اللى هو عاوزه بمنتهى الشفافية والعدل
طول ماالراجل ده موجود الفار بيلعب فى عبى بصراحة
ولو كان عنده بوادر نية خير كان اعلن الغاء قانون الطوارئ وعودة الاتصالات وتكليفات للشرطة بحسن معاملة الناس
وبعدين مجلس شعب ايه اللى كلفه يغير الدستور المجلس ده اصلا باطل وما بنى على باطل فهو باطل
هو نفسه اصلا باطل
لابد ان يتنحى ويتسلم السلطة رئيس المحكمة الدستورية
والوزارة تبقى زى ما هى احمد شفيق رجل مشهود له بالكفاءة والذمة النظيفة وانا متاكد انه فيه وزراء كتير لم يختارهم اللواء شفيق فيجب اعطاءه الحرية فى اعادة تشكيل الوزارة مرة اخرى
وترجع الحياة فى البلد طبيعية زى الفل فى اقل من اسبوع
تنحى حسنى هو اول خطوة للحرية والديموقراطية بجد وبمصداقية
كفاية كذب وخداع 30 سنة لسة هنصبر 7 شهور تانى
الفرص لا تكرر مرة اخرى اخوانى الاعزاء

هل مبارك هو من يمسك النظام من يوم 25 بالفعل؟!
أشك