النقل المباشر لاحداث الاضراب -الجزء الثاني

**otefa** · 02-02-2011 02:00 AM

المشاركة الأصلية كتبت بواسطة mmffor

انا اعتذر .. دول جايبين 200 جربوع! اعتقد معرفوش يكملوا ال 500 متظاهر للتأييد!!
و بيعلنوا حاليا عن تظاهرة مليونية لتأييد الرئيس غدا في المهندسين!

ياباشا كبر دماغك دي كلها أفلام فكر في النظرية ألي قلتها في أخر مشاركات هاتلاقي السيناريو واضح جدا
ضيف عليه ماجاء بخطاب أوباما لأظهار مدي نفوذ أوباما أولا وثانيا مدي دعمه للديموقراطية وثقته في الجيش المصري في أدارة الموقف

**mmffor** · 02-02-2011 02:07 AM

انا لا يهمني اوباما
انا يهمني ان الشعب المصري يبقى واعي لما يحاك له!
و للعلم يا اوتيفا ’ انا برضه كان ليا ضهر و الحمدلله مستوريين ! بس كنت افتقر للديموقراطيه!
انتخابات مجلس الشعب الاخيرة, اعرف بعض الناس ( افراد امن في الشركة التي كنت اعمل بها) مأجورين! كانوا بيلفوا على كل الدوائر الانتخابية يصوتوا في كل لجنه! صوتوا 19 و 20 مرة كل واحد فيهم!!!و كانت العملية حلوة و جميلة! و كلنا عارفين الدائرة بتاعة وزير الانتاج الحربي حصل فيها ايه! و دوائر اخرى تم تسويد جميع البطاقات لصالح الحزب الوطني!
و في مصر الجديدة شاب راح يصوت لاقى واحد صوت بداله!
في وسط الاجواء دي سيادتك تتوقع التزام بالديموقراطية؟ التزام بوعود؟ قالوا للحرامي احلف!!!
الفساد و المصالح و القذارة تغلغلت تماما في نسيج المجتمع المصري الى درجة انها يجب ان تنتزع بقوة حتى و ان انتزعت بالدم و المت الوطن!! كالورم الخبيث!!

**mmffor** · 02-02-2011 02:10 AM

بخصوص الافكار اللي انت اقترحتها, هي كويسة بس على فرض واحد, ان الجيش هو كيان نزيه كل قياداته نزيهة بتحب الوطن
و انا اشكك في الموضوع ده و الايام بيننا

**otefa** · 02-02-2011 02:18 AM

المشاركة الأصلية كتبت بواسطة mmffor

انا لا يهمني اوباما
انا يهمني ان الشعب المصري يبقى واعي لما يحاك له!
و للعلم يا اوتيفا ’ انا برضه كان ليا ضهر و الحمدلله مستوريين ! بس كنت افتقر للديموقراطيه!
انتخابات مجلس الشعب الاخيرة, اعرف بعض الناس ( افراد امن في الشركة التي كنت اعمل بها) مأجورين! كانوا بيلفوا على كل الدوائر الانتخابية يصوتوا في كل لجنه! صوتوا 19 و 20 مرة كل واحد فيهم!!!و كانت العملية حلوة و جميلة! و كلنا عارفين الدائرة بتاعة وزير الانتاج الحربي حصل فيها ايه! و دوائر اخرى تم تسويد جميع البطاقات لصالح الحزب الوطني!
و في مصر الجديدة شاب راح يصوت لاقى واحد صوت بداله!
في وسط الاجواء دي سيادتك تتوقع التزام بالديموقراطية؟ التزام بوعود؟ قالوا للحرامي احلف!!!
الفساد و المصالح و القذارة تغلغلت تماما في نسيج المجتمع المصري الى درجة انها يجب ان تنتزع بقوة حتى و ان انتزعت بالدم و المت الوطن!! كالورم الخبيث!!

الموضوع في الأساس مش أوباما
النقطة الأساسية عدم توريث الحكم لمدني+تضخم الجهاز الأمني ممثلا في الداخلية وأختلال التوازن في القوي الداخلية وأساليبه الملتوية لدعم رموز النظام
وبس ممكن ألي بين السطور يتفهم بسهولة
ماينفعش الشعب بيطلب الجيش يسانده وفي نفس الوقت بيتحداه زي ماحصل النهاردة لما طلب التحاور والنقاش
ده غير الجيش لايلوي ذراعه ده مبدأ مفهوم في سيستم المؤسسات العسكرية(أزاي هايتعملوا مع الشعب وخصوصا هم المسؤلين عن تنظيم أنتقال الحكم) الموضوع صدقني مش هاينفع يتحل بالعند لازم شوية مرونة ومتحدث أو مجموعة متحدثين بارعين للتفاوض معهم ومحاولة الوصول لأفضل المكاسب للشعب
أو البديل عند يؤدي الي تصادم مع الجيش لايحمد عقباه في جميع سيناريوهاته

**mmffor** · 02-02-2011 02:27 AM

للعلم انا اعتقد ان الانترنت سيظل مقطوعا الى اجل غير مسمى في مصر!
رئيس وزراء الجديد للحكومة الباطله قال ان قطع النت كان قرار لخبراء يثق فيهم و سيتم استمراره في الوقت الحالي!
افغانستان عندها نت!!!!

**otefa** · 02-02-2011 02:35 AM

المشاركة الأصلية كتبت بواسطة mmffor

بخصوص الافكار اللي انت اقترحتها, هي كويسة بس على فرض واحد, ان الجيش هو كيان نزيه كل قياداته نزيهة بتحب الوطن
و انا اشكك في الموضوع ده و الايام بيننا

المشاركة الأصلية كتبت بواسطة mmffor

للعلم انا اعتقد ان الانترنت سيظل مقطوعا الى اجل غير مسمى في مصر!
رئيس وزراء الجديد للحكومة الباطله قال ان قطع النت كان قرار لخبراء يثق فيهم و سيتم استمراره في الوقت الحالي!
افغانستان عندها نت!!!!

النت هايرجع عادي بس أكيد هايبقي عليه رقابة أزيد

**lonedoctor** · 02-02-2011 06:00 AM

المشكلة الراجل ده لسة فاكر نفسه رئيس جمهورية وعمال شغال احاديث وقرارات وتفويضات وفاكر الناس لسة بتاكل من الكلام ده
اعوذ بالله عامل زى السرطان موش راضى يستجيب للعلاج ابدا
عموما بالرغم من انى ارغب فى عودة الهدوء والاستقرار للبلد بعد الفوضى دى كلها لكن هذا الرجل فقد مصداقيته تماما ولايمكن يصدقه عيل بيرضع
انا موش عارف هو ليه موش عايز يتنحى ويسيب الحكم لاى واحد تانى والمفروض قانونا يكون رئيس المحكمة الدستورية العليا وهو شخص عاقل وليس له انتماءات سياسية وده مهم علشان ما يحصلش صراع على السلطة وفوضى بين المعارضة والاحزاب
وبعد كدة تكون فيه انتخابات والشعب يختار اللى هو عاوزه بمنتهى الشفافية والعدل
طول ماالراجل ده موجود الفار بيلعب فى عبى بصراحة
ولو كان عنده بوادر نية خير كان اعلن الغاء قانون الطوارئ وعودة الاتصالات وتكليفات للشرطة بحسن معاملة الناس
وبعدين مجلس شعب ايه اللى كلفه يغير الدستور المجلس ده اصلا باطل وما بنى على باطل فهو باطل
هو نفسه اصلا باطل
لابد ان يتنحى ويتسلم السلطة رئيس المحكمة الدستورية
والوزارة تبقى زى ما هى احمد شفيق رجل مشهود له بالكفاءة والذمة النظيفة وانا متاكد انه فيه وزراء كتير لم يختارهم اللواء شفيق فيجب اعطاءه الحرية فى اعادة تشكيل الوزارة مرة اخرى
وترجع الحياة فى البلد طبيعية زى الفل فى اقل من اسبوع
تنحى حسنى هو اول خطوة للحرية والديموقراطية بجد وبمصداقية
كفاية كذب وخداع 30 سنة لسة هنصبر 7 شهور تانى
الفرص لا تكرر مرة اخرى اخوانى الاعزاء

**Everlasting** · 02-02-2011 06:47 AM

موقع الدستور الاصلي
اكبر خطأ ان تنسحب من ارض الميدان و انت تحقق النصر.

**Everlasting** · 02-02-2011 06:49 AM

R.N.N | شبكة رصد
مستشار الرئيس مبارك السابق: الرئيس مبارك يفتخر بأنه لديه دكتوراه فى العناااااد

**Ahmed Selim** · 02-02-2011 08:16 AM

ما قاله الرئيس مبارك فى خطابه أمس هو ما توقعته و لم أتوقع أكثر من ذلك.........و بصراحة شديدة.......شايف أن ده أحسن حل.

ليه توقعت كده و ليس اكثر.........لعدة أسباب
الرئيس مبارك رجل عسكرى منذ حوالى 60 سنة.........عارفين يعنى أيه 60 سنة ؟.........يعنى عمر فردين او تلاتة مننا بالكامل.
قدامى الجيش تعودوا على عدم الأستسلام بسهولة.....أنه ينسحب من الموقف ده فوراً حاجة مش سهلة عليه......و أكاد أكون متأكد أن الأنسحاب ليس وارد فى قاموسه.
ثانياً: فى حالة إنسحابه من سيتولى الأمور فى مصر؟ عمر سليمان الذى تم تعيينه......و لمدة 60 يوم حتى يتم إجراء إنتخابات رئاسية جديدة......طيب هل خلال الشهرين دول هل هيقدر عمر سليمان يعمل حاجة.....سواء إصلاح أو تغيير أو غيره ؟ معتقدش .
و فى نفس الوقت فى ناس بتطالب بعدم تولى عمر سليمان.....و عدم شرعية رئيس مجلس الشعب.....يبقى اللى يتولى هو رئيس المحكمة الدستورية العليا.

أنا شايف أن التخبط ده هيضر مصر أكتر ما هايفيدها.......خلاص الراجل قرر عدم الترشح لفترة أخرى......نصبر بقى الشوية دول......صبرنا 30 سنة مش عارفين نصبر أقل من سنة ؟

على الأقل فى الفترة دى يكون بعض من يريدون الترشح للرئاسة عرفوا يظبطوا نفسهم و يعملوا برامج إنتخابية حقيقية يقدموها للناس.......مش يعملوا برامج إنتخابية أى كلام فى وقت ضيق و خلاص....متنسوش أن أحنا معندناش ثقافة الإنتخابات الرئاسية فى مصر خالص.......يعنى شوف كام واحد يعرف إزاى يحدد هو هينتخب مين و بناء على أيه.........أعتقد النسبة هتكون قليلة جداً.

الموضوع: النقل المباشر لاحداث الاضراب -الجزء الثاني

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

النقل المباشر لاحداث الاضراب -الجزء الثالث

النقل المباشر لاحداث الاضراب

الموتور بيهبط شويه عند النقل الي الثاني

اوبل G T الجزء الثاني

الكلمات الدلالية لهذا الموضوع

المفضلات

المفضلات

ضوابط المشاركة