انا نفسى أعرف حاجة يا اخوانى .... ايه الفرق بين انه يمشى دلوقت وللا يمشى بعد انتهاء الفترة الرئاسية بتاعته بعد شهور معدودة ؟
الشباب قام بالثورة وحقق جزء كبير من اللى عاوزه ... والراجل قال مش حا جدد ... وبيقول سيبونى اسلم الحكم للى بعدى بسلاسة وأمان
وقال الكلام على الهواء وأمام العالم كله
ولو طلع كداب ممكن نعمل مظاهرات تانى وتالت ورابع
انما نخلع النواية اللى ساندة الزير لأ
ناكل الراجل ونقل أصلنا معاه لأ
حرام علينا اللى بنعمله فى نفسنا ده