معركة ميدان التحرير .... الآن

**ahmed1981** · 02-02-2011 08:36 PM

المشاركة الأصلية كتبت بواسطة evram

يا جماعه فضو ميدان التحرير الان لان تم الاعلان من مصدر موثوق فيه جدا جدا ان جماعه من الاخوان و البلطجيه استولت علي سطع بعض الاسطح في البيوت و سوف ترمي المتظاهرين بكور من النار

الإخوان من فوق السطح هيرموا نار على الإخوان تحت في الميدان
ليه هما الإخوان من أتباع مبارك
يا ريت نحترم عقل السامع

**mostafa3000** · 02-02-2011 08:42 PM

لية الناس مش عايزة تصدق ان النظام نظام فاشل
ما احنا اديلنا اسبوع من غير شرطة ولا نظام ولم تحدث لنا اية سرقات او تحرشات او خناقات
النظام يتخبط والان هو كالثور الهائج

**تامر.محمد** · 02-02-2011 08:43 PM

استغاثة من ميدان التحرير

فيه واحد قريبي يا اخواننا في ميدان التحرير بيقول انهم متحاصرين و مش عارفين حتى يبعتوا المصابين المستشفيات و الوضع صعب جدا
بالله عليكم اللي يقدر ينقذهم يحاول

**dr-mohamed** · 02-02-2011 08:43 PM

المشاركة الأصلية كتبت بواسطة lonedoctor

انت راجل طيب اوى
انا ماكنتش متخيل انه مصر فيها ناس بالسذاجة دى

يعني هو اي حد مخالف ليكم يبقي ساذج ؟
وليه ميكونش انت اللى ساذج ؟
مجرد سؤال مش اتهام لا سمح الله

المشاركة الأصلية كتبت بواسطة wawoo

و عربيات الجيش بتجرى زيها زى الناس
حرام كفاية

المفروض عربيات الجيش تضربهم بالنار ؟؟؟؟؟؟
لو الجيش ضرب طلقة واحدة النهاردة هاتبقي مجزرة وعلشان كدة الجيش بيحاول يبعد على اد ما يقدر لان اي تدخل منه كل الدول الغربية هتقول الجيش بيقمع المتظاهرين واللى قابضين هيقولوا الجيش بيضربنا وساعتها تبقي تدخل اجنبي لحماية المصريين

المشاركة الأصلية كتبت بواسطة sharky

و ليه اللى يمسك البلد واحد هو مختاره
مش حضرتك و انا اللى نختاره عن طريق انتخابات شرعيه نختار بمزاجنا اللى عايزينه

مش دا اللى كنا نزلنا نتظاهر بيه
هو احنا نزلنا نتظاهر علشان يعين نائب رئيس فقط
هو حنا اتظاهرنا علشان نعين عمر سليمان رئيس الجمهورية !!!

هو ليه احنا بنبعد عن ثورتنا اللى قمنا بيها فى 25 يناير و 28 يناير و بقينا نردد كلام احزاب المعارضة و حبى البرادعى و الأخوان اللى عايزين ينتهزوا ثورتنا و يقعدوا على الحكم !!!

يا شاركي
الناس يا اما منزلتش اصلا وبتتكلم من منازلهم
يا اما بيجروا ورا كلام بتوع المعارضة ومش عارفين خلفية كل واحد فيهم وانهم لو واحد منهم مسك اقسم بالله هايبقي اوسخ من مبارك مليون مرة

المشاركة الأصلية كتبت بواسطة أحمد كمال

و عرفوا منين انهم اخوان؟ كان معاهم كارنيهات اخوان ؟؟؟؟؟

وعرفت منين انهم مش اخوان ؟ هل كان معاهم ما يثبت انهم مش اخوان ؟؟؟؟؟؟؟؟
على فكرة يا احمد بيه اي مبتدا سياسة ويعرف الف باء فيها يقدر يميز الاخوان وهما في اي تجمع فورا

المشاركة الأصلية كتبت بواسطة wael3m

وليه أفترضت انهم إخوان ؟؟ ايه الدليل على كدا
انا شفت الاشكال من البى البى سى فعلا عيال شبيحه بجد بلطجية
اللى بيستخدموهم فى الانتخابات
هتقولى عرفتهم ازاى ؟؟ اقولك انا اتربيت فى المحلة ..... فى منطقة اسمها سوق اللبن معقل البلطجية فى المحلة
وخالد ايمن ممكن يقوللك عليها
انا عمرى ما كنت من الاخوان ......بس بالنسبة ليا الاخوان خارج الخدمة من بداية الاحتجاجات

مع احترامي الكامل لكلامك يا وائل
انا كمان شفت الاشكال الشبيحة والعيال الصيع اللى القنوات دي عمالة تجيبهم من يوم السبت وهما في ميدان التحرير عاملين نفسهم معارضين ومتظاهرين
والاخوان دخلوا الخدمة يوم الجمعة ولو كنت في مظاهرات القاهرة خاصة شوارع التحرير والقصر العيني كنت هتتاكد انهم كانوا متواجدين وموجهين للضرب كمان

**تامر.محمد** · 02-02-2011 08:55 PM

لا حول ولا قوة الا بالله

انا ما كنتش اتخيل ان الاعلام الكذاب يغسل عقول الناس بالشكل ده

الشباب اللي في ميدان التحرير , بيروحوا هدر
احنا لسه شعب ما يستاهلش

:(

**biomedo** · 02-02-2011 09:10 PM

بدل مكنا اهلي و زمالك و اخرنا الكلام

بقينا مؤيدين و معارضين و مفيش مانع للقتل

ايه المشكله ان احنا نصبر كمان لشهر سبتمبر

دم الشهداء مش هيضيع "أحياء عند ربهم يرزقون" بس لو مسكتناش و هدينا و الغضب كبر هنلاقي نفسنا تحت ايدين امريكا و الدم الشداء مش هيكونوا 300 و لكن هيبقى بالملاين زي العراق

ربنا يسترها

**evram** · 02-02-2011 09:14 PM

خلاص يا جماعه انتو شايفين انهم مش اخوان انا اسف جدا جدا و سازج و مجنون كمان متاسف و اوعدكم مش مشارك في الاجتماعي تاني و لسه عند كلمتي ان الاخوان و امريكا و اسرائيل و البردعي و عمرو خالد ايل شتم في الريس علي الجزيرة و ايمن نور و كل دوللللللللللللللللللللللل للللللللللللل مع بعضهم و بيعزبوة و خلاص