انا كنت بفكر فيكو

**Moe86** · 04-02-2011 06:11 PM

شكر على سؤالك, كله تمام الحمد لله

**engahmedsamy** · 04-02-2011 06:18 PM

الحمد لله بخير
شكرا للسؤال

**Eng_Moh.Dewair** · 04-02-2011 06:20 PM

الحمد لله الذى لا يحمد على مكروه سواه
بس بجد انا حزين على بلدى و حاسس انى عايش فى كابوس و مش عارف اصحى منه مش مصدق ان ده حال ام الدنيا

**azmeralda** · 05-02-2011 08:43 AM

اولا الحمد لله انكو بخير وياريت باقى الأعضاء يطمنونا برضه

ثانيا الحراسة مش عبط طبعا ده من وجهة نظرى عين باتت تحرس فى سبيل الله
احنا مسكوا عندنا فى الشارع 25 بلطجى كانوا جايين فى عربية اسعاف وعدوا من الجيش كمان والحمد لله ان الشباب مسكوهم
طب ايه رأيك لو ينفع انا مستعدة امسك سلاح وانزل معاهم ادافع عن نفسى وعربيتى على الأقل(من قتل دون ماله فهو شهيد) ان مكنش عن اهلى
ومش هتصدق ان وصل بيا الرعب انى محضرة زجاجات وجاز عشان اعمل مولوتوف من البلكونة لو لزم الأمر لا قدر الله من اللى بسمعه ولما بروح الشغل باخد معايا حاجات للدفاع عن النفس
الله يرحم ايام ما كان الواحد بيرجع فى نص الليل وحاسس بالأمان طبعا لولا ثقتى ان ربنا هو الحافظ ايا كانت الظروف اكيد كنت اتجننت من يوم الجمعة

ربنا يسترها علينا جميعا

**azmeralda** · 05-02-2011 08:50 AM

المشاركة الأصلية كتبت بواسطة AHMED REFAT

الحمد لله الذى لا يحمد على مكروه سواه .. انا والحمد لله فى فضل ونعمة من الله عز وجل رغم الاسى والحزن الذى امتلك كل اوصالى على حبيبى ام الدنيا .. ولكن لنا الله .. وطبعا علشان لسه ما استلمتش والله اعلم ها استلم امتى بقى

يعنى اعمل فيك ايه

ده المفروض تحمد ربنا اهو kik زعلان واكيد فى منتهى القلق طبعا ربنا يحفظ للجميع عربياتهم يا رب
مش شايف عربيات الناس اللى ملهمش ذنب بيحصل فيها ايه انا لو مكانك مردش على اوماترا اصلا دلوقتى حتى لو جابوها

انا شخصيا بركب مواصلات وراكنة عربيتى واعصابى تعبانة عليها وبدعى ربنا يحفظها ليل ونهار هو اعلم هو من عليا بيها ازاى ومش لاقية جراج ثم المواصلات بقت احسن لأن ناس كتير مبتخرجش

**khalid_adel** · 05-02-2011 08:54 AM

الحمد لله كله بخير والحراسات الاهليه مازالت مستمره والجراج مقفول بعربيات بس مفاتيحها مع عم على وان شاء الله ميبقاش في مكروه لاي حد مننا
وشكرا على الموضوع وعلى السؤال

**yoko** · 05-02-2011 03:15 PM

سمسم كلمني من شويه بس كنت نايم ومردتش عليه

**azmeralda** · 06-02-2011 08:20 AM

على فكرة اسلوبى هو اللى وصلك غلط ولا بتهكم عليك ولا بعنفك
بس فعلا محستش انك بتهزر وحبيت الفت انتباهك بس ان عسى ان تكرهوا شيئا وهو خير لكم
وبعدين انا مش كاتبة راكنة ابقى اخى فى الله وصاحبى ازاى بقىانثى والله
واضح انك حتى مركزتش فى قراية الكلام سورى يا سيدى مكنش قصدى انرفزك

وعالعموم انا قلت قبل كده ان عندى مشكلة فى الهزار الرجالى ومبيوصلنيش انه هزار وطلبت الهاند بوك بس محدش جابهولى طب اعملكو ايه
ابقى اكتب بين قوسين هزار ماشى

وانت بقى اللى لو تعرفنى هتعرف انى لا بتريق على حد ولا احب ازعل حد واصلا الموضوع عاملاه عشان كنت بفكر فيكو وبطمن عليكو كلكم يبقى دى اخرتها
طب انا بقى اللى زعلانة واتقفلت عالصبح