الموضوع: الى كل من يطلبون انتهاء التظاهر كفاية لو سمتحو

مش عارف ارد عليك ازاي عملت ردين على كلامي وكل واحد فيهم مختلف تماما عن الاخر وكان شخصين اللى بيردوا علي المشاركة وعامة هرد علي كل مشاركة فيهم بما تستحقه

المشاركة الأصلية كتبت بواسطة mahmoudselim

بص يا دكتور لو كنت هناك في التحرير شوفت الناس ال عشت معاها بتموت وتتصاب مش هيكون دا كلامك

كنت في التحرير من يوم 25 لغاية يوم 28 وانضربت بالغاز وبالعصي وعملت اللى عمله كل المتظاهرين ومعايا زكريات من احلي ايام حياتي منها زكريات على الجسد هاتزول بعد قليل ان شاء الله وزكريات اخري احتفظ بها للتاريخ مثل زكريات اخري في مظاهرات سابقة ربما كان بعضها وانت لم تعرف بعد طريق المظاهرات

وال قدام الكيبوردات دلوقتي معروفين انتا متعرفش انا فين دلوقتي بس انا متأكد انتا فين دلوقتي يا بطل.

متهيالي من مشاركات حضرتك واضح انك في البيت يا بطل المعارك
وانا عن نفسي مش محتاج تفكر انا فين انا بقولك وبقول اللجميع انا في بيتي ولن اغادره غدا الا لصلاة الجمعة والعودة لبيتي واغلق بابي ولن اشارك في فتنة ايا كان الرابح والخاسر فالكل فيها خاسرون والوطن وباقي المواطنين هم الخاسرون

المتظاهرين اصحاب ثورة 28 هما ال هناك دلوقتي وليهم حقوق مش مطالب وحقوق في صالح كل المصريين

لا يا ريس المتظاهرين اللى خرجوا يوم 28 كانوا اكتر من 2 مليون في الجمهورية ولاتحرير لوحده كان اكتر من نص مليون دلوقت فيه 10 الاف فقط ومش كلهم اشتركوا في يوم 28 او ما قبله والا فالاخوان والوفد وباقي الاحزاب اللى اعلنت انها لن تشارك كانت موجودة من يوم 25 والموجودين دلوقت اسئل معظم الناس في الشارع عن رايهم فيهم وشوف هيقولوا ايه

ولا يعرفوا حاجة عن الجزيرة ولا العربية

شكلك بقة انت اللى متعرفش اي حاجة عن التحرير لان من يومين فيه شاشات كبيرة بتتعرض عليها قناة الجزيرة لايف في التحرير انزل واتاكد

.. ولو انتا كمان شايف ان ال هناك مش صح انزل بكرة مع مؤيدين النظام محدش هيقولك حاجة..

طبعا مش صح لكن ما سيحدث غدا سواء من المعارضين او المؤيدين ستكون الفتنة وهي ما اناي بنفسي عنها

عاجبني توقيع احد الاعضاء هنا جدا
ويأبي العبيد الا ام يظلو عبيدا..للاسف

رغم التلميح الغير مقبول ورغم اني اقدر اوصف اي معارض ليا بانه عبد الدينارات القطرية والدولارات الامريكية التى توزع من البعض على البعض في التحرير الا اني لن اقول ذلك

دم الشهداء من يوم 25 لايمكن ههيدر ابدا .. دم الشهداء ال استشهدو برصاص نظام انتو بتدفعوا عنة.. عمر ما كان في حاجة من غير تمن والحرية ليها تمن
3 مليون بس في الميدان التحرير يوم الثلاثاء دا غير باقي مدن مصر كلها
تقول عليهم اية خونة مش كدا؟!!

الله ينور عليك يبقي بدل ما فيه دم 300 شهيد نخليهم 3 لااف او 30 الف ولا اقولك ممكن نضحي ب30 مليون المهم اللى في ميدان التحرير اسيادنا من الجماعات والاحزاب واللى مش عارفين هما بيعملوا ايه يرضوا عننا


نرد على ردود الشخص التاني بما يليق باسلوبه

المشاركة الأصلية كتبت بواسطة mahmoudysf

طيب انا متابع يا دكتور محمد مشاركاتك ودفاعك باستماتة عن وجهة نظرك وانت حر فيها طبعا

يا ريت حضرتك بالمرة ما دمت متابع مشاركاتي الحالية تتابع مشاركاتي في الايام من 23 الى 27 يناير لغاية ما النت اتقطع وتشوف ارائي ايه وهتلاقيه في التغطية الاولي لموضوع المظاهرات وهتعرف منها انا كنت فين ايام 25 يوم بداية الثورة ويوم 26 لما الناس ارتبكت بعد اول يوم ومكانوش مقررين يعملوا ايه انا كنت في وسط البلد عند دار القضاء العالي وكنا حوالى الف بس في مواجهة كل الامن المركزي طول الليل من المغرب لغاية نص الليل ويوم 28 كان النت انقطع لكني بردو كنت في وسط البلد من الصلاة لغاية الساعة 4 وبعد كدة اتنقلت لشارع الصر العيني الوحيد اللى استمرت فيه الاشتباكات حتي بعد انسحاب الامن المركزي في كل الجمهورية فللحظ لم يتبق من الامن المركزي في مصر كلها الا من كانوا في القصر العيني وكل ده موثق بفيديوهات وصور كنت باخدها في اوقات التقاط الانفاس

على الرغم من النسبة الكبيرة من المشاركات حاليا غير واثقة في التغيير والوعود بتاعة النظام
تصدق انا والله بيني وبيني نفسي حاولت اقتنع بوجهة النظر التانية وايه المانع وندي فرصة وكدة
لاكن عقلي يرفض وبالدلائل
وعن طريق المعطيات التى تم تقديمها وطريقة تقديمها

ومين قالك ان اي حد عنده ثقة في كلام اي حد دلوقت
الكل بيشك في كلام الكل ومحدش واثق في حد والخوف ان نتقلب لحالة حرب الكل ضد الكل وكله يحارب بعضه والكل يبقي على اقتناع انه الصواب ونعود لموقعة الجمل مرة اخري

وقراءة جيدة لحوارات رئيس الوزراء
وحوار عمر سليمان
وقوله انه يقدر جهاز الشرطة
وانه بدا الاعتداء يوم 25 دفاعا عن نفسة بعد ان بدا المتاظهرين الاعتداء
بالمناسبة مش انت كنت هناك 25
هل الشرطة سحلت الناس بالليل بعد ما الناس هاجمت الشرطة يوم 25 لو ده حصل بشهادتك
انا هقتنع بعمر سليمان وبالمرحلة القادمة
ولو ردك ما حصلش
يبقى يا ريت بلاش تقول نديهم فرصة تانى
الجواب بيبان من عنوانة
وده مش بان من عنوانة بس لاكن بان من عنو انة وما بين السطور

عمر سليمان بيحاول واحمد شفيق بيحاول لكن طبعا واضح ان فيه ناس مش من مصلحتها ان محاولاتهم تنجح بدليل اللى حصل امبارح
لا يمكن عمر سليمان او احمد شفيق يوافقوا عليه لانه بيهز مصداقيتهم بشكل رهيب تفتكر ممكن يوافقوا على عمل زي ده ؟
بالنسبة لكلامه عن الشرطة طبيعي جدا مش منتظر منه يقول الشرطة ولاد كلب لكن في نفس الوقت قال ان كل شئ يتم التحقيق فيه بمعرفة النيابة العسكرية واحمد شفيق قال ان اي حد يثبت خطاه سيحاكم ولما سئل حتي لو كان وزير الداخلية السابق قالهم حتي لو وزير لاداخلية اي مسؤل عما حدث من يوم 25 سيتم محاكمته
وكلامي انا الشخصي مقدرش والله احدد مين اللى بدا الضرب ومستحيل حد يحدد مين اللى بدا اللى بيحصل دايما ان واحد بيضرب والكل يبدا يضرب بعضه وطبعا انا مشفتش كل حاجة
لكن من تجارب سابقة طويلة جدا اقدر اقولك ان الامن هو اللى بدا

المشاركة الأصلية كتبت بواسطة a7med_pharma

يادكتور محمد
إتفقت معي أم لم نتفق...
العجلة دائرة بالفعل
المصريون بلغوا نقطة اللاعودة من يوم 25 يناير ...
والنظام ذكى غضب الناس بمئات الأفعال من يوم 25 يناير ..أولها سحل الأمن المركزي للمتظاهرينن..مرورا بالرصاص الحي من الشرطة لصدور الناس مباشرة ..مرورا بالخيول والمولتوف والجمال ..مرورا بمهاترات التليفزيون الحكومي والدنيا بمبي بمبي ..وصولا لمذبحة أمس والمذبجة المتوقعة غدا
أي ثقة في أي كلمة ممكن تتسمع دلوقتي من نائب الرئيس
نقطة اللاعودة بدأت من يوم 25
والنهاية ربنا يعلم هتكون إمتى..وفين ..وإزاي؟
أنا-بإذن الله-رايح بكره
مش للهتاف ضد النظام ..أنا رايح في المقام الاول تضامنا مع الناس إلي ممكن تموت هناك
وربنا يستر

دكتور احمد طول اليوم بقولك اهدا وانت مصم وعمال تسخن الجو اكتر
عايز تنزل انزل بس يا ريت الموبايل بتاعك ميفصلش المرة دي وتبقي ترد علينا لما نيجي نطمن عليك وانت وسط المعركة