الموضوع: الى كل من يطلبون انتهاء التظاهر كفاية لو سمتحو

المشاركة الأصلية كتبت بواسطة ahmed anwer

ليه الحكومة الجديدة متأمنشي ميدان التحرير تماما ؟؟

ليه ميروحشي للمتظاهرين يتناقشوا معاهم ؟؟

ليه أختاروا الطريقة التقليدية يبعتوا البلطجية و القناصة و المولتوف ؟؟

يا احمد بيه الشيخ محمد حسان والشيخ خالد الجندي ومتهيالي فيه ناس كتير بتحترمهم اكتر ما بتحترم اي واحد في الحكومة نزلوا يكلموا الشباب في التحرير انضربوا والجيش لحقهم

المشاركة الأصلية كتبت بواسطة abou_ruqi

بصراحة أنا مش فاهمك قوي انت مع وألا ضد
إنما لو بنتكلم عن المواطنة فمن حق الإخوان كمواطنين وعددهم مساوي لعدد الأقباط الأورثوزوكس في مصر
فمن حق الإخوان الإشتراك في الحكم طالما الشعب انتخبهم انتخاب حر !!!
أما مسالة أنها محظورة فالقاصي والداني يعلم أنه تم حظرهم بسبب حادثة المنشية وهي تمثيلية اصطنعها عبد الناصر , كما ان الحكم بالحظز كان درجة أولى و حرم الإخوان من يومها إلى الآن في النقض والاستئناف
فلبانة المحظورة دي بقت ماسخة قوي , ويجب أن يأخذوا حقوقهم كاملة وألا يتعرضوا للإضطهاد مثلما يجب ألا يتعرض الأورثوزوكس للإضطهاد

هي دي الكارثة هانبدا نصنف بعض مع وضد
انا لا مع ولا ضد انا مع الحفاظ علي مصر سواء بقة على جثة مبارك ولا على جثة معارضيه يتحرق الكل انا يهمني مصر وبس
وعلى فكرة يا ابو رقية انا مبحبش اللبان ومش مع حكاية المحظورة دي راجع كلامي كويس
انا كتبت كلامي تعليقا على انك بتقول ان الحزب الوطني يتمنع وكل اعضائه يتمنعوا من الحقوق السياسية
ازاي يا راجل يا ديمقراطي عايز تبدا عصر ديمقراطي انك تحرم اكتر من 3 مليون كانوا اعضاء في الحزب الوطني من حقوقوهم السياسية ايا كان سبب انضمامهم للحزب
ومن ناحية تانية كلامي لم يشمل كل الاخوان وانما فقط من ضدرت ضدهم احكام جنائية لان بموجب القانون الجنائي يحرم من يحكم عليه بحكم جنائي من ممارسة حقوقهم السياسية لمدة 5 سنوات بعد الافراج عنه
انا مع ان الجميع في ظل النظام الجديد ان يتمتعوا بحقوقهم السياسية كاملة سواء كانوا من اعضاء الحزب الوطني وغالبا هايصبح السابق او من اعضاء الاخوان او الاقباط او غيرهم
لكن الحذر كل الحذر من لعب اي طرف بورقة الدين لانها ستكون فعلا الخطوة الحاسمة في تقسيم مصر لا نريد سودان اخري

المشاركة الأصلية كتبت بواسطة mahmoudysf

معنى كدة اللي ما يقدرش يكون موجود في التحرير لسبب ما
يمنع من طرح راية
وبالمناسبة لو انت من مؤيدي بقاء الرئيس لماذا لم تتواجد مع الؤيدين في الشارع
خلونا نتناقش بدون هجوم شخصي على بعض يا ريت

لا يقول رايه بمطلق الحرية لكن لا يهيج الاعضاء ويتهم من يجلسون في بيوتهم اتقاء للفتنة انهم تركوا اخوانهم في التحرير يقتلون الي اخر الهتافات التي لا طائل منها الا اثارة العواطف والتهييج
وانا من يوم 25 لغاية يوم الجمعة في الشارع مع المعارضين وقت ما كان المعارضين الحقيقيين في الشارع مش المنتفعين واللى بيدوروا على دور في الدولة الجديدة بجانب بعض من تبقوا من رجالة 25 الرجالة الحقيقيين
والان انا مع الحفاظ على مصر باي وسيلة ايا كانت ومن غير هجوم على اي حد اهوه وعلشان كدة لا نزلت مع المعارضين ولا مع المؤيدين لانها اصبحت فتنة القاتل والمقتول فيها في النار

المشاركة الأصلية كتبت بواسطة abou_ruqi

حبيب قلبي
أولا انا مش ديموقراطي (بجد والله أنا ليا أراء سيئة في الديموقراطية)
ثانيا بتسألني ليه عاوز أحل الحزب , هو نفس السبب اللي انت عاوز مبارك يتنحى بسببه مع إن مبارك منتخب إنتخاب شرعي من خلال انتخابات حره في وجود منافسين والناس ايامها عنلت مظاهرات تأييد
ده الملعن إنما أنا وان فهمين إنها تمثيلية و كذب و تزوير و خداع
ده نفس الموضوع , المعلن إنه حزب يلعب اللعبة السياسية إنما في الحقيقة هم مجموعة من المنتفعين يحكمون البلاد كأنهم ملاكها و لا يسمحون لغيرهم حتى بالإستفادة من ثروات البلاد , ونهبوا البلاد لمدة أربعين عام
أسيبهم ازاي في الحياة السياسية بعد كده ؟؟

حبيب قلبي يا ابو رقية
التيدا بتاعتك شكلها مش هاتتباع الا بعد خراب البلد
سيبك من اعضاء الحزب الوطني لان 90% منهم منتفعين لو شفت الحلقة اللى عملتها الحياة ولا مش فاكر المحور كانوا جايبين 6 على انهم من ميدان التحرير الكوميدي ان 5 منهم قالوا انهم اعضاء في الحزب الوطني وانضموا له علشان الرحلات والسادسة عضوة في الناصري وبتتكلم بغرور ولا غرور مبارك في عز جبروته
اللى اقصده ان بعد انتهاء حالة الفوضي الحالية يسمح للجميع بممارسة حقوقهم السياسية سواء بقة حزب وطني ولااخوان ولا وفد ولا تجمع ولا اللى هيظهروا جداد
والخوف ان الديمقراطية في اوقات كثيرة بتبقي نتائجها مرعبة يا تري هانقدر نتحمل الديمقراطية زي ما كنا متحملين الديكتاتورية ؟؟؟؟