كفاية بقي يا اعضاء واخوات في الله-الرحــــمه

**mahmoudysf** · 05-02-2011 12:07 AM

دكتور محمد فيه رد ليك في موضوع اللي بيحمل اسم الاخوان

**may_moon911** · 05-02-2011 12:08 AM

والله حضرتك معاك حق الناس يتموت عشان تجيب الحقوق لينا و ليهم و هما مش عايزين و بيحرضونا علي القعاد في البيت و كل حاجة هاتتحل ليه عشان يفضي الميدان و يختفو المتظاهرين و ساعتها يعملو اللي هما عايزينو فيهم و يقفشو فيهم زي ما هما عايزين
حسبي الله و نعم الوكيل

**may_moon911** · 05-02-2011 12:10 AM

او يمكن هما ما شافوش الناس اللي بتموت عشان التلفزيون المصري ما جبهاش
ماشافوش الناص اللي بتصلي و بيترش عليهم مياه في عز الساقعة و الجو الشتائي البارد و ما شافوش القنابل المسيلة للدموع ولا الرصاص الحي و المطاطي كل دا عشان يجيبو حقوق الشعب المضحوك عليه دا
اللي مش عايز حقوقة يقول و انا اوعدو اني علي قد ما اقدر مش هديهالو

**dr-mohamed** · 05-02-2011 12:43 AM

المشاركة الأصلية كتبت بواسطة mahmoudysf

دكتور محمد فيه رد ليك في موضوع اللي بيحمل اسم الاخوان

رديت عليه يا فندم ويسعدني التواصل والتفكير مع بعض للافضل للبلد

المشاركة الأصلية كتبت بواسطة may_moon911

او يمكن هما ما شافوش الناس اللي بتموت عشان التلفزيون المصري ما جبهاش
ماشافوش الناص اللي بتصلي و بيترش عليهم مياه في عز الساقعة و الجو الشتائي البارد و ما شافوش القنابل المسيلة للدموع ولا الرصاص الحي و المطاطي كل دا عشان يجيبو حقوق الشعب المضحوك عليه دا
اللي مش عايز حقوقة يقول و انا اوعدو اني علي قد ما اقدر مش هديهالو

لا ياسيدي شفناهم بس مش في الجزيرة زي ناس كتير بتتكلم علىالفاضي
شفناهم جنبنا في شوارع وسط البلد واحنا بننضرب بالقنابل والمطاطي والعصي العادية والمكهربة
وانضربت علينا القنابل مش المية واحنا بنصلي في عبد الخالق ثروت

وحضرتك تبقي مين علشان تدي الناس حقوقها ولا لا ؟
ده مبارك في عز جبروته لم يقل كلمة مثل هذه عن اي فئة من فئات الشعب

**thebunshar** · 05-02-2011 01:09 AM

جذاك اللة الف خير وهو دا الكلام المظبوط انا شاب بعانى وتعبان من النظام وخريج98 ولسة متعينتش والحالة ماشية يعنى بس الراجل دة كلامة عين العقل كفاية كدة احنا فعلا غيرنا نشوف اكل عيشنا ورانا مسؤليات

**thebunshar** · 05-02-2011 01:20 AM

على فكرة انا نزلت اول يوم المظاهرات فقط وبعد كدة بنزل علشان اتابع واعرف الاخبار وكل يوم فوسط البلد انا وصحابى بنرجع الشباب ونقلة تمام الرسالة وصلت والدرس مش هيتنسى واى فوضى الايام الجاية هتكون على حسابنا واحنا هنتحملها واى واحد مسؤل عن اسرة اعتقد هيكون معايا زهق وتعب من وقف الحال وكمان شوية ممكن منلقيش ناكل

**kotonona** · 05-02-2011 01:30 AM

بسم الله الرحمن الرحيم

أخواتي واخوتي
اريد ان اقول اننا كلنا كمصريين عانينا ونعاني بلا شك
وبلا شك ان حكوماتنا المتتابعة لم تكن تعير الطبقة الوسطي الاهتمام الكافي وبلا شك ان الرئيس مبارك أخفق في اشياء عديدة طيلة ثلاثون عاما ولكن اريد ان اقول بحكم اي شيء بحكم الحب بحكم السن بحكم العفو عند المقدرة او بحكم السنين الطويلة التي عشناها معه وعاشها معنا رأيسا يجب ان نكون عقلانيين اكثر من ذلك
الشباب الغير عابيء باي شيء الماكث بميدان التحرير
غير متصور معني رجل
في منتصف الثمانينات عاش ثلث عمره رئيسا لشعب يحبه ويحبونه وطبعا لا ننكر ذلك يريد ان يخرج خروج المطرود....
لا نحن كمصريين ليس من طبعنا الانتقام بهذا الحد اخواني قسما بربي انا غير منتمي لأي حزب سياسي او اي جماعة رأي حتي ولكن كلامي نابع من عقلي وقلبي واجزم اننا جميعا إذا تذكرنا عام 1995 عندما تعرض الرئيس إلي محاولة إغتيال في أثيوبيا وتذكرنا مشاعرنا سوف نجبر الشباب ومن هم غير الشباب علي الهدوء

**K_Morsy** · 05-02-2011 01:39 AM

ربنا يستر على البلد
طول ما الاخ اللي اسمه عمر عفيفي (عقيد أمن الدولة السابق المقيم في واشنطن) بيحرض ويرسم خطط على اليوتيوب وع الجزيرة والشباب ملتزم حرفيا بتعليماته وعمال يسخن فيهم يبقى لسة فيه كمان مشاكل تانية.. بعد جمعة الغضب سمعنا عن مسيرة المليون ثم جمعة الرحيل واخيرا اسبوع الصمود ... ومش بعيد بعد كدة (شهر التحدى) وهكذا .....
فيه للاسف تخطيط منظم من جهات خارجية واخرى داخلية باستخدام هؤلاء الشباب المساكين للنيل من البلد وتدمير اقتصادها حتى تنهار ... الأمر مش مجرد ثورة على الفساد او حل مشاكل البطالة والاجور او المطالبة برحيل الرئيس مبارك.. كل السياسيين والقانونيين يعلمون ان رحيل الرئيس مبارك الآن سيدخل مصر في فوضى ومأزق دستوري وخصوصا مع عدم شرعية مجلس الشعب الحالي ومع ذلك هناك اصرار رهيب على استكمال المخطط الذي لو تم تنفيذه هندخل في صراعات لا تنتهي...
ربنا يستر