كفاية بقي يا اعضاء واخوات في الله-الرحــــمه

**khaled_yassin** · 05-02-2011 08:51 AM

لا اله الا الله

**mikho83** · 05-02-2011 10:00 AM

المشاركة الأصلية كتبت بواسطة medooo333

والله العظيم كل اللى فى الميدان اليوم شباب مش بيحب مصر لانه مش عايز يهدى كل المطالب اتنفذت عايزين ايه خراب ودمار ودم وفقر -حسبى الله على من يقظ الفتنة -لعن الله من ايقظها ولعن من ينفخ فى النار-الحكومة كلها بتتحايل عليهم عايزين ايه تانى بصراحة دا اسمه حقد وغل دفين -اللهم احمى مصرنا الحبيبة وارفع شانها وولى امرها لمن يصلح ومن يستحق اللهم بلغنا الهدوء والثبات على الحق والرشاد وارجع الى الشباب عقله الذى استغله اناس كثيرون للاسف منهم مصريون خونة ومتسلقين ومنهم اجانب ويهود ودول عربية غير صديقة خائنة حتى يكون لها دور مع من يحميها وهى تدفع له المليارات ويجندها لاغراضه فى المنطقة التى تخدم الصهيونية و اليهودية لعنهم الله -افيقوا يا شباب مصر المحترم احبوا بلدكم احبوا اخوانكم يحبكم الله ولا حول ولا قوة الا بالله -اللهم اجرنا فى مصيبتنا واخلف لنا خيرا منها -حفظ الله مصر اعظم الامم واطهرها وخلصها مما يدار لها من الاعداء ومن اهلها الذين هم ليسوا بمخلصين اللهم قد دعوت اللهم استجب يا رب يا رب يا رب يا رب ...........................

أنت بتقسم بالله إنهم مش بيحبوا مصر؟؟؟ روح اسأل شيخ عن كفارة القسم ده، وبالمرة اسأله قوله هو مين اللي بيحب مصر اللي في ميدان التحرير ولا في ميدان مصطفى محمود ولا النظام الفاسد الديكتاطوري وليس الديكتاتوري

**cheetos_892005** · 05-02-2011 10:11 AM

المشاركة الأصلية كتبت بواسطة gemy1

انا هنزل شغلي بكرة ، وانا هفتح محلي بكرة ، وانا رايح عيادتي بكرة ، اما انا هخد الولاد ونروح النادي وانا هروح اذاكر مع صحابي واحنا هنتعشي برة ، وانا هساعد في تنضيف الشوارع ، انا بالليل هتفرج علي المرشحين الجداد لرياسة الجمهورية في مناظرة في التلفزيون لأن الشعب قرر تجاهل المظاهرات هنسبهم في ميدان التحرير واي حته في مصر لوحدهم وهنشوف حيا...تنا ومستقبلنا
الشعـــــــــــــــــــــ ـــــب قرر تجاهل المظاهرات
ياريت كلنا ننشرها

ليه تجاهل ؟؟؟؟
ما اللي عندهشغل ينزله
انا شخصيا اخويا نزل و انا بعتصم
ليه التشدد ده
يا يمين يا شمال
يا اخي اعتبرنا حادثه عالكوبري و الناس و اقفه تتفرج
و ارجوكم كفايه الفاظ تجاهل والكلام ده عشان احنا مش بنروح نطلب هجره بره البلد مثلا والباقي يولع

**romioramy** · 05-02-2011 11:01 AM

حسبنا الله و نعم الوكيل ،،، اللهم ارضي عنا * اللهم ألطف بنا

يـــــــــــــا رب

**CryptonX** · 05-02-2011 11:57 AM

انا مش فاهم ايه علاقة ناس متظاهرة بميدان في القاهرة الكبرى بباقي الناس ؟؟

انا نزلت شغلي انهاردة عادي و حتكمل عادي .. .ليه كل حاجة قافلة في البلد ؟؟؟ الي عايز يشتغل و يوصل لشغله حيوصل ...

الي بيقول ان المظاهرات هي الي مبوظة البلد .. للاسف لأ ... الامن هو الي بوظها و اختفى ... و الان الموضوع رجع تدريجيا امنيا على الاقل زي الاول ...

الي عايز يروح شغله يروحه .., و ميتلككش .... !

والدليل ان الجيش قلل حظر التجول ليسمح للناس تمارس شغلها عادي ...

انما مش ناس تبقى مراحتش اصلا ميدان التحرير ( انا منهم ) و مش فارق معاهم .. ويقولك لأ مش حروح الشغل علشان المظاهرات !

الي متضرر فعلا هو اي حد عنده شغل في ميدان التحرير نفسه ! انما انا اعرف مكاتب وشركات في شارع طلعت حرب نفسه و حيتفحه انهاردة عادي ...

بلاش موجة ان المتظاهرين دول مش بيحبوا مصر و عايزين يخربوها و الكلام ده ... في فلسطين في حروب و قرف و اسرائيل و يهود ؟ هل الفلسطينيين او حتى الاسرائيلليين بيعدوا في بيتهم ؟ بيقولوا مش حننزل ؟؟؟ و دول عندهم حرب مش مظاهرة ..

ما في الاف في العالم في اي دولة بيتظاهرو و يعتصموا !!! محدش قال ان في كائنات فضائية نزلت و عايزة تبوظ البلد عندهم ليه ؟

و اخيرا حقتبس لللاسف من راجل امريكي جملة .. و لكن ياريت ننسى مين قالها و نفهم معناها

Those who desire to give up freedom in order to gain security will not have, nor do they deserve, either one."
Benjamin Franklin.

و على فكرة انا مش بقول للناس تنزل تتظاهر .. انا نفسي منزلتش ... بس متقوليش ان البلد بايظة بسبب التظاهر .....

البلد اصلا بايظة .. و انت لو مش فارق معاك او مش متاثر او مش قريب او فعلا خايف على اقتصاد بلدك ... انزل شغلك و اشتغل و بلاش حجج و كلم مديرك او صاحب عملك او صاحب مصنعك و قوله يفتح ويشتغل !! بلاش كسل و نوم !

و هي كدة ولا كدة كلها كام يوم .. اسبوع او اكثر و الموضوع حيحهدى لوحده .... ان شاء الله خير يعني .

**MAKHARETA** · 05-02-2011 01:47 PM

اللهم أحفظ مصر من الخراب

**marwan_147** · 05-02-2011 02:41 PM

حقك علية يا بلادى

**may_moon911** · 05-02-2011 03:28 PM

المشاركة الأصلية كتبت بواسطة dr-mohamed

رديت عليه يا فندم ويسعدني التواصل والتفكير مع بعض للافضل للبلد

لا ياسيدي شفناهم بس مش في الجزيرة زي ناس كتير بتتكلم علىالفاضي
شفناهم جنبنا في شوارع وسط البلد واحنا بننضرب بالقنابل والمطاطي والعصي العادية والمكهربة
وانضربت علينا القنابل مش المية واحنا بنصلي في عبد الخالق ثروت

وحضرتك تبقي مين علشان تدي الناس حقوقها ولا لا ؟
ده مبارك في عز جبروته لم يقل كلمة مثل هذه عن اي فئة من فئات الشعب

يعني حضرتك شوفت بعينك الناس اللي طالعة بتقول عايزين حقنا بيتضربو شوفتهم بعينك و ما صعبش عليك منظرهم و هما بيتفرمو
و ثانيا انا مش حد و مش قصدي اني ادي سيادتك حقك او منعو عنك سيادتك فهمت كلامي غلط انا المغزي من كلامي كان عدم الحث علي عدم التظاهر سيادتك مش عجباك المظاهرة او رحت يومين لحد ما اللي انتا طالبو اتعمل في غيرك لسه ما اتعملهمش حاجة و الدليل ان المظاهرات بادية يوم التلات و السيد الباشا الريس طلع يوم الجمعة بعد ما جنودو و عساكرو داسو علي الناس مش برجليهم بالمدرعات و العربيات و القنابل بعد كل دا سيادتك مش عايز الناس تظل واقفة عشان تطلب حقها ازاي ؟؟ دا كلام متسرع و بدون تفكير (مع الاعتذار لسيادتك لان اكيد حضرتك رديت بسرعة)
حضرتك اقرا كلامي بتمعن و انتا هاتشوف بعنيك لية الناس واقفة لحد دلوقتي هناك
انا اسف لاني ممكن اكون بطريقتي الهجومية هازعل حد بس في الاول و في الاخر انا مصري لا انتمي لاي حزب او جماعة .. انا فقط احب بلدي و مش عايز لما اتخرج بعد سنه ابقي زي اخويا الكبير قاعد في البيت و ابويا بيصرف عليا
مش عايز صوتي الانتخابي يتزور
مش عايز ظابط شرطة يتسلي عليا
اظن ان الرسالة وصلت و ربنا يحمي مصر و انا ببقي سعيد لما بتناقش مع وجهة النظر المختلفة

**may_moon911** · 05-02-2011 03:35 PM

المشاركة الأصلية كتبت بواسطة kotonona

بسم الله الرحمن الرحيم

أخواتي واخوتي
اريد ان اقول اننا كلنا كمصريين عانينا ونعاني بلا شك
وبلا شك ان حكوماتنا المتتابعة لم تكن تعير الطبقة الوسطي الاهتمام الكافي وبلا شك ان الرئيس مبارك أخفق في اشياء عديدة طيلة ثلاثون عاما ولكن اريد ان اقول بحكم اي شيء بحكم الحب بحكم السن بحكم العفو عند المقدرة او بحكم السنين الطويلة التي عشناها معه وعاشها معنا رأيسا يجب ان نكون عقلانيين اكثر من ذلك
الشباب الغير عابيء باي شيء الماكث بميدان التحرير
غير متصور معني رجل
في منتصف الثمانينات عاش ثلث عمره رئيسا لشعب يحبه ويحبونه وطبعا لا ننكر ذلك يريد ان يخرج خروج المطرود....
لا نحن كمصريين ليس من طبعنا الانتقام بهذا الحد اخواني قسما بربي انا غير منتمي لأي حزب سياسي او اي جماعة رأي حتي ولكن كلامي نابع من عقلي وقلبي واجزم اننا جميعا إذا تذكرنا عام 1995 عندما تعرض الرئيس إلي محاولة إغتيال في أثيوبيا وتذكرنا مشاعرنا سوف نجبر الشباب ومن هم غير الشباب علي الهدوء

يا فندم اية اللي دخل السن في الظلم...العفو و المقدرة احنا اديناهالو و قلنلو اطلع بره منصبك (و ليس بره البلد)من غير محاكمة حتي علي الافعال الشنيعة الي حصلت في عهدك و هوا ما استجبش....حكم السنين الكويلة الي عشناها معاه انا ما شوفتش منها غير 10 سنين و يارتني ما شوفتهم لاني ما شوفتش فيهم حاجة كويسة...ميين اللي قال لسيادتك بقي ان الشباب الي في التحرير غير عابئ ازاي يعني هما قاعدين في كافتيريا دووول كانو 11 مليون علي مستوي مصر 11 مليون واحد نزل قالو مش عايزينك عايزين اية اكتر من كدا ننزل البلد كلها تقولو....سيادتك لازم يكون في انتقام من الشخص اللي كان بيدبح في اخويا و اخوك و في ابويا و ابوك و في شباب مصر اللي عجنوهم من يوم الاربع لحد الان...لازم القلب يخفق لما تعرف ان رئيسك كان هايغتال في بلد اخري او جوا بلدم لانو في الاول و الاخر بيمثل اسم مصر و اخيرا الشباب هادئ و الحمد لله بس سيادتك اقلب القناه المصرية و انتا هاتشوفهم قاعدين مسالمين بيرددوا شعارات لا ماسكين رشاشات ولا ماسكين قنابل ولا بيتداسو بالعربيات المصفحة ولا بيرشو مياه علي حد
اسف علي التطويل و ربنا يحمي مصر من الطغيان و يحافظ عليها