كفاية بقي يا اعضاء واخوات في الله-الرحــــمه

**mustafavet** · 04-02-2011 04:28 PM

السلبي هو اللي قاعد في بيته

**Jato.33** · 04-02-2011 05:59 PM

المشاركة الأصلية كتبت بواسطة mustafavet

السلبي هو اللي قاعد في بيته

فعلاً

السلبي هوا إلي قاعد على النت يشحن الناس ويبخ فيهم سموم الخوف والإضهاد والتفرقة

لازم كلنا ننزل الشارع وبعدين البلد بعد كده هيتصلح حالها

ممكن تقولي إزاي بتربط بين النزول إلى الشارع بلا هدف وبلا تفكير وبين الإيجابية

**samehafez** · 04-02-2011 05:03 PM

انا مش عارف احنا رايحين علي فين ..... مين اللي خللي ناس تروح تضرب نار علي الناس في التحرير ..... و دلوقتي بيقوللك في ناس ناوية تضرب في المظاهرات المؤيده لمبارك و يتهموها في الاخوان ..... و مبقاش فارقة يتهموها ولا فعلا الاخوان ولا الاخوان و
طبعا انا بكره كلمة بيقوللك ..... بس هعمل ايه مبقاش فيه علي لسان الناس غيرها .....

**ashouhdy** · 04-02-2011 05:19 PM

ياباشا مفيش ضرب خالص النهاردة انا لسة جى أطمن ومتابع بالتليفونات مع ناس فى التحرير مفيش ضرب نهائى

**icehearted girl** · 04-02-2011 05:29 PM

ياباشا مفيش ضرب خالص النهاردة انا لسة جى أطمن ومتابع بالتليفونات مع ناس فى التحرير مفيش ضرب نهائى

فعلا وف إحدي القنوات ذكروا ان في مؤيدين كتير فوق كوبري أكتوبر وتقريبا محبووسين مش راضيين يفتحولهم طريق للميدان عشان المشكلة متتكررش

**otefa** · 04-02-2011 05:53 PM

رأي لا معني لأستمرار المظاهرات ألا الفوضي والمساهمة في خراب البلد......الثورة حققت أيجابياتها أستمرارها ألي اليوم لامعني له بالمرة غير تخريب سواء عن تعمد أو بسطحية سياسية

**moha4tec** · 04-02-2011 05:59 PM

السلام عليكم
مش هقدر اقول اى حاجه غير
بسم الله الرحمن الرحيم
فَإِنَّ مَعَ الْعُسْرِ يُسْرًا (5) إِنَّ مَعَ الْعُسْرِ يُسْرًا (6) فَإِذَا فَرَغْتَ فَانْصَبْ (7) وَإِلَى رَبِّكَ فَارْغَبْ (8)

صدق الله العظيم
بسم الله الرحمن الرحيم
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آَمَنُوا مَعَهُ مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ
صدق الله العظيم
يا رب الازمه تعدى على خير و مصر ترجع احسن من الاول ان شاء الله
و يا رب ترحمنا برحمتك
اعتقد ان مصر ليها علينا حق
و لازم نوفيه
((((((بس كل واحد بطريقته))))))
يعنى انا ممكن اتبرع بالدم او اتبرع بالفلوس لمستشفى 57357 او اى حد محتاج او عيان و بفعل الخير عموما .......
على فكره المظاهرات مش اهم حاجه
اهم حاجه اللى بعد كده
اللى هو كلنا نتعامل بما يرضى الله و ضمائرنا
يعنى لو بقينا كويسين فى كل حاجه اظن مصر هتبقى الدوله رقم واحد فى العالم فى النهضه الحديثه (طبعا بالاخلاص و العمل الجاد و الصدق ,و غيرها من الاخلاق الحميده)
و كلنا نخاف على بعض و محدش يغش حد سواء فى البيع و الشراء او غيرها من معاملات حياتنا
انا مش مع اى اتجاه او حزب او حركه
انا فقط بحب مصر و مستعد افديها بروحى بس فى ميدان حرب مش ميدان التحرير
على الاقل هكون عارف بموت ليه و عشان مين ,لان لاسف فى ناس مدحوك عليها و مسيره و هما مش عارفين الاهداف اللى الناس التانيه عوزينها للاسف و بيكون قصده خير و لكن بيتورط فى حجات تانيه غير اللى كان قاصدها
و السلام ختام

**Hossam_Zaky** · 04-02-2011 06:11 PM

يا رب يعديها علي خير
انا كنت من أشد المعجبين بالشباب و أقول نعم للتغيير لكن
يا ريت الناس تشغل فكرها و متنساقش مع الكلام و مع الأتجاهات المختلفة و نركز علي كام نقطة
- الشباب المحترم اللي بدأ القصة دي كلها أكيد كان عنده حق لكن مالوش كبير و للأسف كل القوي المعارضة و بغض النظر عن اتجاهاتهم نزلت علي الشباب لما كفتهم رجحت عشان يركبو علي أكتافهم و يمسكو النظام
- دلوقت كل ما الكاميرا تصور مش لاقي شباب ! بلاقي ناس من الأخوان ( دقون ) و بلاقي ناس غلابة تهتف بدون ما تفهم تبعات طلباتهم ولا ايه المادة 77 من المادة 99 والله أعلم دخلو من غلبهم علي السنين اللي فاتت عاوزين تغيير وخلاص
- الشباب المصري اللي شارك في المسيرة و الأعتصام و الثورة و المرابطين في ميدان التحرير ( الرقم بالألف أو بالمليون متفرقش ) بيجيبو فلوس يصرفو علي أكل و شرب منين ( لازم كل واحد فيهم يفكر في الموضوع ده مين يقدر علي المبالغ الخيالية دي )
- كلنا شاهدنا الخطاب الأخير للسيد رئيس الجمهورية
ياريت تدوني عقلكم منين الرئيس بيتجاوب مع المطالب بمنتهي الرقي و أمام المجتمع العالمي المراقب و منين تاني يوم ينزل بلطجية بأسلحة بأسمه صراحة تدبح الشباب المسالم ( علي الأقل كان شال أسمه من الموضوع )
- و كلنا متابعين علي الفضائيات أخبار القبض علي أجانب في مواقع المظاهرات
- و برضه لو مبارك هوه اللي حرك العادلي عشان يدبح الشباب في الميدان و يدوسهم بالسيارات و يفتح السجون ( ليه قبض عليه )
- الشباب اللي وصل لمليون في مكان واحد في التحرير و استضافت البي بي سي البعض منهم و سألت صراحة ما هي الخطة في حالة أستجابة السيد الرئيس و التنحي الأن , محدش عرف يرد بكلام عاقل إلا بشعارات واحدة قالت حنتابع مطالبنا ! و التاني قال نشكل لجان ( من مين ؟ )
- لما سألوهم عن كبيرهم اللي حيتكلم بأسمهم قال لسه بيحاولو يختارو مجموعة من وسطهم !
- الشباب اللي عمرهم في المتوسط أوائل العشرينات و مالهمش كبير ( قائد ) و عاوزين التغيير و وصلو لنقطة التغيير فعلا لكن بحكمة الكبار و حتي الأحزاب المعارضة أقرت مبدأ النقاش عشان البلد متخربش لكن واضح وجود عملاء وسط الشباب تسخن المطالب و ترفع سقفها بحيث تفضل البلد مشلولة
- ياريت كل واحد يفكر لو السيد الرئيس تنحي دلوقت مين حيمسك الحكم و خلفياته أيه لما يطلع في وسط الفوضي بدون تمييز
- اللي بيحصلنا ده من رأيي الشخصي مخطط في ظاهره الرحمة و في باطنه العذاب و لمصلحة بعض الأفراد و أكيد لمصلحة قوي خارجية و أكيد في غير مصلحة مصر
- يارب نتوقف عند الحد ده و نترك البلد تستعيد عافيتها فيه ناس مش لاقية دلوقت فلوس تجيب دواء لأطفالها بسبب حالة الفوضي و ميصحش نقول عليهم يستحملو شوية علي أن ده عرف التغيير

-

الموضوع: كفاية بقي يا اعضاء واخوات في الله-الرحــــمه

LinkBack

أدوات الموضوع

عرض

العرض المتطور

-

-

-

-

-

-

المواضيع المتشابهه

عيد سعيد على كل اعضاء كيا - ليكوا واحشه و الله

نصيحة لوجه الله لكل الساده اعضاء المنتدى الكرام

موضوع مفيد لكل اعضاء المنتدى الكرام ان شاء الله

الى جميع اعضاء القسم afrtow رزقة الله يحي

الكلمات الدلالية لهذا الموضوع

المفضلات

المفضلات

ضوابط المشاركة