الموضوع: كفاية بقي يا اعضاء واخوات في الله-الرحــــمه

المشاركة الأصلية كتبت بواسطة may_moon911

كل اللي سيادتك قولتو كويس لحد التلفزيون ليييه؟؟؟
هل المظاهرات اتعملت عشان تتجاهل و مييين الشعب اللي تجاهلها دا ..دا العالم كولو متابع يبقي فيين الشعب المتجاهل دا
و سيادتك هاتسيبهم ليه هوا سيادتك واخد حقوقك مالكش مطلب واحد عايزو دا كفايا ان صوت سيادتك بيتزور دي واحدة اهيه يعني لو قعدت مع سيادك دقيقتين ما بعيد ابين لسيادتك انك مش عايش من كتر الحقوق الضايعة

يا سيدى الفاضل ثورة بلا عقل = خراب و دمار

المشاركة الأصلية كتبت بواسطة yahyanaabil

انا مش عارف ازاى نتبع دستور تم تفصيله على مبارك وابنه انا شايف ان الدستور ده اصلا غير شرعى لنه تم تفصيله بمجلس شعب غير شرعى موجود بالتزوير

ادى زميل اهه ليه رأيى خطير جدا جدا ان الدستور اصلا غير شرعى و اكيد فى كتير رأيهم زيه و انا بصراحه فى واقع الامر كلامه اقنعنى بس تعالو بقى نتخيل ان الريس مشى دلوقتى او حتى فوض ايه اللى هايحصل اللى هايحصل فوضى عارمه لأن كده مافيش حاجه اسمها شرعيه و دى مصيبه و كارثه احنا لازم نتعقل شويه يا جماعه عشان نعرف المركب رايح بينا لفين و الريس عايز يرسينا على ارض صلبه هو خلاص عمل اللى عمله و خد اللى خده و ظلم اللى ظلمه بس احنا دلوقتى فى عرض البحر يا اما نغرق كلنا يا اما نوصل كلنا فلازم نوحد رأينا فى انه يقعد لحد ما نرسى على بر الامان و بعد كده اللى عايز يقول رأيه يقول بس فى ظل الشرعيه و الدستور عشان ما نديش الفرصه لفرض علينا وصايا اجنبيه متمثله فى قوات حفظ سلام او وجود مراقبين دوليين للإشراف على إنتخاباتنا الرئاسية الداخليه لازم نعى هذه النقطه جيدا

لان دول لو دخلو مش هايطلعو تانى و لا بالطبل البلدى زى ما حصل فى العراق كده و هنلاقى اسرائيل نطت على سينا عشان تسترجع ارضها المزعومه و فندق طابا و لتأمين مصالحها اللى موجوده داخل بلدنا و طبعا بلدنا الحلوه هاتضيع و الكعكه ستقسم فيما بينهم

-أسمحولي أحنا بنطالب بالعدالة والديموقراطية يبقى مانبدأش بالتعدي على الدستور والقوانين خصوصا هاتطلع أصوات كثيرة من حبايب النظام السابق يشككو في الشرعية وده هايخلق حالة رهيبة من هروب الأستثمارات وعدم المصداقية وبالتالي صعوبة جلب أستثمارات جديدة .
-المفروض ندي فرصة لتكوين حزب لشباب 25 وتنظيم أوراقهم لكي يكون لينا صوت رسمي مسموع في النظام الجديد بدل مانلاقي الحزب الوطني والأخوان ماسكين كل مقاعد المجالس (شعب وشورى) ونعيد الكره من جديد .
-مش عارف حقيقي أيه المشكلة لما نصبر شوية لغاية ما خطة( الأصلاحيين الجدد) تؤتي ثمارها الناس دي مش بتلعب وواضح أن عندهم خطة واضحة للأصلاح وليست وليدة الساعة زي ما معظم الناس فاكرة الفساد مستشري من فترة طويلة وما سابش حد ألا ما أصابه سواء مدنيين أو شرطة أو عسكريين وده متأكد منه من معارفي.
-علاقات وسياسات دولية يجب الألمام بها أولاااااااااا ورجل الشارع من الممكن معرفة خطوطها العريضة ومن الصعببببببب الألمام بتفاصيلها (قوانين دولية ومعاهدات وأتفاقيات)
وبفرض أن فيه مخرج في الدستور بس الموضوع مش بس حكاية قانونية وشرعية الموضوع السيناريو ألي هايحصل لو تم تنحي مبارك الأن هل هايوصلنا لبر الأمان أشك وبشدة!!
وأظن واضح جدا للمراقب لما يحدث من أصلاحات أن الحكم بالفعل الأن في أيد عمر سليمان

ومتهيألي ده أثبات جيد لمصداقية الأصلاحيين الجدد(عمر سليمان-أحمد شفيق) علشان ألي بيشكك في جديتهم في الأصلاح مين كان يتصور وقوع ومحاسبة أي منهم وليس مجموعة مرة واحدة!!!!!!!!!!!!!!!



62 مليار جنيه ثروة خمسة مسئولين سابقين بمصر

| 07-02-2011 09:47

كشفت مصادر قضائية مصرية أن إجمالي ثروة خمسة من الوزراء السابقين الذي تم تجميد أرصدتهم ومنعهم من السفر في أعقابا الاحتجاجات الشعبية التي شهدتها البلاد بلغت 62 مليار جنيه.

وذكرت صحيفة "المصري اليوم" أن محكمة استئناف القاهرة وافقت الأحد على قرار النائب العام بالكشف عن سرية حسابات كل من أحمد عز، أمين التنظيم السابق بالحزب الوطني، وزهير جرانة، وزير السياحة السابق، وأحمد المغربي، وزير الإسكان السابق، ورشيد محمد رشيد، وزير التجارة والصناعة السابق، وحبيب العادلي، وزير الداخلية السابق، وعدد آخر من المسئولين.

وأضافت "وكشفت مصادر قضائية أن المعلومات الأولية عن ثروة هؤلاء الأشخاص أوضحت أن ثروة عز تجاوزت 18 مليار جنيه، فيما تعدت ثروة المغربي 11 ملياراً، وجرانة 13 ملياراً، ورشيد 12 مليارات، والعادلي 8 مليارات، وجاءت ثروة باقي الأشخاص الصادر بشأنهم قرارات منع من السفر وتجرى التحقيقات معهم، تتراوح بين مليار ونصف و3 مليارات".

وتواصل النيابة العامة التحقيقات في البلاغات المقدمة ضد هؤلاء الأشخاص بتهمة الإضرار بالمال العام والفساد والاستيلاء على المال العام وتسهيل الاستيلاء عليه، وطلبت النيابة من البنوك إخطارها بشكل رسمي بأرصدة وحسابات هؤلاء الأشخاص، لضمها إلى ملفات القضايا.

كما طلبت استدعاء مقدمي البلاغات للاستماع إلى أقوالهم، ومن جهات رقابية وهى "الأموال العامة والرقابة الإدارية والكسب غير المشروع والجهاز المركزى للمحاسبات" تحرياتها بشكل عاجل حول القضايا المنظورة، ضد هؤلاء الأشخاص، والكشف عما إذا كان هناك آخرون اشتركوا معهم في ارتكاب تلك الجرائم.

أستاذ/ كريم
دكتورة ضحي
الاخوة الكرام



من شهادة دكتورة ضحي أن لما مسؤل أمني كبير يقول أنه ستتم أبادة هؤلاء المعتصمين بميدان التحرير و بعدها بساعات قليلة يتم الدفع ببلطجية لأبادتهم بأسوأ أسلوب و بطرق دنيئة , هل يكون هناك بعد ذلك أي ثقة في نظام أستخدم المكر و الخديعة و الخسة و الندالة في التعامل مع شباب شرفاء حملوا رؤوسهم علي أكفهم من اجل عزة و كرامة هذا الوطن

و الله و الله و الله لا و لم و لن أثق بهذا النظام الغادر أبدا بعدما قدم من أساليب لقمع ووأد هذه الثورة و سأظل علي موقفي هذا حتي يظهر الله الحق أو أهلك دونه و ياليتني أنال الشرف الذي سبقني أليه كثير من شبابنا الاحرار عندما قدموا ارواحهم و دمائهم فداء لنا و لهذا الوطن

مع خالص تحياتي
م/ سمير الشهاوي