الموضوع: مين في ميدان التحرير

المشاركة الأصلية كتبت بواسطة dr.amr

ومين قالك اني متعصب ؟؟
انت وافقتني الرأي في نص كلامي تماما في حكمي عليهم
ولم توافقني الرأي في النصف الاخر
لأنك ماخدتش بالك من جمله مهمه قلتها
انا قولت ان حكمي هذا من خلال من رأيتهم فقط وتعاملت معهم واعرفهم جدا وهم يعرفونني جيدا
وكثيرا مادعوني للانضمام ولكني رفضت ان اكون معهم
ورغم ذلك الود بيننا موصول

مش قصدي انك منفعل انا قصدي انك وصفتم باوصاف اكبر من ان يوصف بها بشر
وفعلا حكمك على اللى تعرفهم بس لكن انا اتعاملت مع كتير جدا منهم
متعرفش احساسنا كان ايه لما اتفقوا مع الحكومة علينا في اضراب اساتذة الجامعات في اطار صفقة مع الحكومة اللى كالعادة عملت الصفقة معاهم وبعد ما تركونا لوحدنا في وجه الحكومة وخصلت مصلحتها معاهم رجعت في اتفاقها معاهم
وغيره الكثير والكثير من المواقف التي تثبت ان الاخوان اكثر برجماتية في مجال السياسة من ميكيافيللي نفسه

المشاركة الأصلية كتبت بواسطة misoalex

هههههههههه هى وصلت لمعتقلات الاخوان

بص يا دكتور انا فاهم وجهه نظرك من ناحيه الاخوان وانا معاك فيها ومعاك برضه ان فيه محترمين منهم وفيه ناس ربنا يهديهم

بس لو الاخوان الى بيولعوها هما اول ناس حتمسك فيهم النار وانت متأكد من ده
بس لو الاخوان انسحبو يبقى دى نهايتهم فى مصر دا يادكتور الرئيس لو عاوز يقعد ومتمسك بالحكم لحد دلوقتى فعشان حجات كتير من ضمنها تدمير الاخوان والمعارضه وبكره تشوف وطبعا ساعتها امريكا واسرائل حتعمل عبده العبيط

فطبعا مفيش ادامهم غير الجهاد حتى الاستشهاد مهو كده كده حيموتو يبقى يموتو شهداء

وطبعا انا عارف ان كله عاوز يركب الموجه وكله عاوز هبشه من التورته بس حنعمل ايه

هايحصل ووالله يا ابو عبد الرحمن وهاتشوف مش انا كشخص لكن كتير جدا مننا وهاتشوف والايام بيننا

ولو ولعت هما مش خسرانين اي حاجة لان وضعهم مش هايتغير ولو انتهي الوضع وهديت هما اكتر ناس خسرانين لان هاتضيع فرصة العمر في القضاء على النظام كله من مبارك لاصغر مدير في اي مكان في مصر ويتم عمل فرمتة كاملة للنظام ليحل محلهم الاخوان

والرئيس دلوقت ميقدرش يعمل اي حاجة لان الحكم الفعلى الان في يد الجيش اللى ماسك كل الاوراق في ايده ومش هايسمح لحد يوصل للحكم الا اذا كان موافق عليه

واللى عايز يجاهد او يستشهد يروح فلسطين يحارب اليهود يا سيدي ولا الجهاد مينفعش غير على حثث الشعب المصري