مــا هــو الحـل فى ظهــور بقع بيضاء على السقف و الكبوت والشنطة - نيســان صنى 2008

**MM_Mohsen** · 06-04-2008 02:28 PM

المشاركة الأصلية كتبت بواسطة ayman

على فكره هل انت بتقف تحت شجر ومعرض السياره لفضلات الطيور لانها ممكن تؤدى لظهور تلك البقع وكذللك لو انت واقف فى جراج وفيه نشع من مواسير المجارى بتنزل على العربيه ولو بسيطه جدا سوف تؤدى ايضا لظهور هذه البقع وهذا حصل معايا

ما كلنا بنقف تحت الشجر !!! .. العيب مش فى العصافير !!!!!!!!

**youssef_sallam** · 07-04-2008 01:06 AM

ههههههههههههههههههههه
و الله تقريبا كلهم بتوع نوجا و عسلية يا مستر محسن
قابلت اليوم مدير الضمان و جابلى واحد كده إسمة مدير الدهان
المهم اول ما شافوا البقع قال بتاع الدهان ( نوع البقع المرة دية غير المرتين اللى فاتو ) المرة دية الموضوع حيخلص بشوية بوليش و الموضوع ينتهى و راح يجيب قطنة و بوليش و جايلي
قولتلة بسسسسسسسسسسسس
بوليش إية و زفت إية هو انا كل شهر حعمل بوليش و تسخين
انا شايف التاريخ بيعيد نفسة
قالولى بيتهيألك علشان إنت رابط الموضوع القديم بالبقع دية
المهم بعد كلام طويل عريض طخين و كلام بارد
قولتلهم انا لو عارف انني جاي علشان تفاصلوا معايا ماكنتش جيت
قاللى انا جايب بتاع الدهان علشان لو قال ايوة المشكلة رجعت تاني حغير العربية لسعادتك فورا
فرديت عليهم قولتلهم ياجماعة انتوا ممكن نجيب حجج من هنا للسنة الجايو و ما حدش بيغلط نفسة بتاع الدهان هوة اللى عالج فى المرة الأولى و التانية و عايز يعمل التالتة يبقى عمرة ما حيعترف بالغلط و هوة مش خسران حاجة ولا عمرة ما حيقول انا معنديش حل للموضوع ده علشان تغيروا العربية .
انا لو عارف إن الحوار ده حيكون بالشكل ده و الله ما كنت روحتلهم ناس ما تعرفش ربنا و حسيت إنني واقف مع شوية صنايعية حيودونى البحر و يرجعوني عطشان
مجمل الحوار معاهم و بعد شوية جنان معاهم قولتلهم شوفولى حد كبير أكلمه فى المصنع و بإختصار علشان ترتاحوا حتى لو انا متأكد إنها حتتعمل بالبوليش المرة دية و مش حاترجع , فا انا مش هعمل البوليش و بالبلدي كده انا لما صدقت إن البقع رجعت تانى علشان ازنقكم ( جيبتلهم الكلام بتاع قعر الحلة ) ( حسيت إن الكلام ده فى عينيهم فقولته ليهم )
المفروض بكرة حيكلموني و يحددولى ميعاد مع مدير الضمان و الدهان او العضو المنتدب

**MM_Mohsen** · 07-04-2008 12:51 PM

المشاركة الأصلية كتبت بواسطة youssef_sallam

ههههههههههههههههههههه
و الله تقريبا كلهم بتوع نوجا و عسلية يا مستر محسن
قابلت اليوم مدير الضمان و جابلى واحد كده إسمة مدير الدهان
المهم اول ما شافوا البقع قال بتاع الدهان ( نوع البقع المرة دية غير المرتين اللى فاتو ) المرة دية الموضوع حيخلص بشوية بوليش و الموضوع ينتهى و راح يجيب قطنة و بوليش و جايلي
قولتلة بسسسسسسسسسسسس
بوليش إية و زفت إية هو انا كل شهر حعمل بوليش و تسخين
انا شايف التاريخ بيعيد نفسة
قالولى بيتهيألك علشان إنت رابط الموضوع القديم بالبقع دية
المهم بعد كلام طويل عريض طخين و كلام بارد
قولتلهم انا لو عارف انني جاي علشان تفاصلوا معايا ماكنتش جيت
قاللى انا جايب بتاع الدهان علشان لو قال ايوة المشكلة رجعت تاني حغير العربية لسعادتك فورا
فرديت عليهم قولتلهم ياجماعة انتوا ممكن نجيب حجج من هنا للسنة الجايو و ما حدش بيغلط نفسة بتاع الدهان هوة اللى عالج فى المرة الأولى و التانية و عايز يعمل التالتة يبقى عمرة ما حيعترف بالغلط و هوة مش خسران حاجة ولا عمرة ما حيقول انا معنديش حل للموضوع ده علشان تغيروا العربية .
انا لو عارف إن الحوار ده حيكون بالشكل ده و الله ما كنت روحتلهم ناس ما تعرفش ربنا و حسيت إنني واقف مع شوية صنايعية حيودونى البحر و يرجعوني عطشان
مجمل الحوار معاهم و بعد شوية جنان معاهم قولتلهم شوفولى حد كبير أكلمه فى المصنع و بإختصار علشان ترتاحوا حتى لو انا متأكد إنها حتتعمل بالبوليش المرة دية و مش حاترجع , فا انا مش هعمل البوليش و بالبلدي كده انا لما صدقت إن البقع رجعت تانى علشان ازنقكم ( جيبتلهم الكلام بتاع قعر الحلة ) ( حسيت إن الكلام ده فى عينيهم فقولته ليهم )
المفروض بكرة حيكلموني و يحددولى ميعاد مع مدير الضمان و الدهان او العضو المنتدب

كان الله فى عونك .. متعرفش شغل استعباط والا استهبال و الا جهل من عمال و مديرين جاييبنهم من ع الرصيف بدون ان معرفة او خبرة .. و انا اشك انهم بيستخدموا خامات صاج محلية قديمة معاد تجميعها من الخردة و تشكيلها اى كلام لزيادة الارباح علشان مش صدفة تكرار شكوى عملاء كتير بالذات من البقع و البارومة .. و لاحظ ان ما بيحصلش شكاوى من عربيات نيسان الاخرى المستوردة ..لا يمكن تلاقى نفس الكلام فى تيدا او اكس تريل او صنى القديمة قبل التجميع المحلى .. حاول تبعت شكاوى للشركة الام فى اليابان و تهددهم انك حتنشر شكاوىفى الصحافة .. الذوق مينفعش مع الناس ده مع الاسف .. لو التوكيل بيخاف على سمعته او مش بيستهين بعملائه ما كانش عمل كده لازم حاجة تفوقهم .. طيب روح و اسأل على مستر ساتو بتاع الصور ده و شوف رأيه ايه !! او بلغهم انك حتروح تعمل محضر و بلاغ للنيابة
بتسليمك سلعة فاسدة لا تطابق المواصفات ..

**fiatmomo** · 07-04-2008 01:17 PM

اية الكلام الغريب دة !!!!!!!!!!!!!!!!!!!!!!! المشكلة رجعت تانى
امال هما عملو اية ؟؟؟؟ وانفرا ريد .. واشعاع نووى ... وحرب الفضاء الى قالو حيعملوها للعربية ؟؟؟؟؟؟؟؟

العربية الصنى ديه غريبة الصراحة ؟

من برة العربية شكلها جميل جدا وفخمة

تفتحها تلاقى خاماتها الداخلية سيئة جدا جدا؟ مش فاهم لية

حتى الدهان الى يعتبر حاجة تافهة مش عارفين يعملوها صح ؟ طيب فين مراقبة الجودة ؟؟؟؟؟؟؟؟ وفرحانين اوى بكلمة صنع فى نيسان ؟

والله يا استاذ يوسف ... لو عاوز الحق ... انتا المفروض تطالب بأسترداد فلوسك مش تبديل العربية ؟؟؟؟؟؟؟ التوكيل الى يعمل كدة ويستهبل يبقى توكيل فاشل فاشل فاشل.

وعماتا انا حسوأ سمعتهم فى كل حتة .. لان كان فى واحد قريبى عاوز يشتريها وعجباه .. ححكيلو كل الى حصل معاك .

التوكيل الى يستهبل لام يستحمل كشف سمعتة الزفت قدام الناس

مرة تانية يا استاذ يوسف حاول بشتى الطريق انك تسترد فلوسك ... ومتصلحش العربية تانى .. مهما كان الكلام الى حتسمعة منهم .

انتا لو فى بلد غير مصر .. كان التوكيل خد العربية منك واداك عربية التيما ولا حتى سكاى لاين .. تعويض عن الضرر الى حصلك وعلاشان لما تتكلم عن التوكيل تقول دة توكيل محترم وغيرولى العربية مش تقول دول جهلة وحرامية ...........

**mahamedaraby** · 08-04-2008 07:24 AM

خلاص مفيش حل غير نيسان اللى فى اليابان ابعت ليهم مشكلتك
انا معرفش ازاى نيسان تغامر باسمها وتطلع عربيات فيها عيوب كده

اشمعنا التيدا و اكس تريل ماشيه وزى الفل

دى ناس فى اليابان ليها سمعه جامده جدا ازاى تجى تبوظها فى مصر

ومعرفش امتى بقى هنبقى زى جنوب افريقيا ونعرف نجمع عربيه حتى رش العربيه مش عارفين نعمله

**youssef_sallam** · 08-04-2008 10:35 AM

انا بعت لنيسان اليابان إيميل جامد جداا
و ربنا يكرم و يطلع كارلوس غصن مهتم بنيسان بما إنة رئيس مجلس الإدارة فى اليابان و كمان عرفت إنة من أصل لبناني ( يعنى شقيق ) ههههههه

**fiatmomo** · 08-04-2008 02:45 PM

المشاركة الأصلية كتبت بواسطة youssef_sallam

انا بعت لنيسان اليابان إيميل جامد جداا
و ربنا يكرم و يطلع كارلوس غصن مهتم بنيسان بما إنة رئيس مجلس الإدارة فى اليابان و كمان عرفت إنة من أصل لبناني ( يعنى شقيق ) ههههههه

لا ماتقلقش كارلوس غصن .. راجل عِتره ومجدع وبيحب يخدم :D:D:D ههههههههههههههه

خير ان شاء الله ...

**MM_Mohsen** · 08-04-2008 02:49 PM

المشاركة الأصلية كتبت بواسطة fiatmomo

لا ماتقلقش كارلوس غصن .. راجل عِتره ومجدع وبيحب يخدم :D:D:D ههههههههههههههه

...

انا خايف يطلع كارلوس الارهابى الدولى الشهير :D:D:D يحط ليوسف قنبلة فى العربية علشان يريحه منها خالص !!!!!!!!:D:D

**youssef_sallam** · 08-04-2008 02:52 PM

تصدق إحتمال برضة

**youssef_sallam** · 09-04-2008 04:24 PM

أنا خلاص مش طايق نفسي من الناس دية
أخر حاجة كلمنى مدير مدير الضمان و الدهان من مصنع نيسان
بدا الكلام إن المصنع عاملين الواجب و زيادة و فوتر خيرهم و إن انا معايا ضمان و مصنع مية مية
المهم تناقشنا و الكلام راح و جة
و بعدين جينا للنقطة الحاسمة
قولتلهم انا مش عايز العربية قاللى إحنا لو عملناها مش حيرجع العيب تانى
عند أمة يا أدهم
ما انا سمعت الكلام ده كتير و أخر مرة قولتم لو تكرر العيب يبقى طلباتي مجابة
قاللى انا اول مرة اقول كده . رديت انا بتعامل مع مصنع و إدارة و ليس مع أفراد, الكلمة بسمعها من مصنع نيسان و ليس من فلان او علان
قاللى انا قدامى تقرير من مدير الدهان إن الموضوع حيخلص بالبوليش فى خلال خمسة دقائق إنت لية مش عايز تعملها و مش حترجع تاني .

هما حاسسين إننى بتللكك و بيقوللى انا مش كل واحد عندة كلكس باظ أغيرلة العربية ؟
هما ولا فارق معاهم سمعة عربية و لا سمعة مصنع ( هما بيقولو انهم مهتمين ) بس الواقع غير كجه تماما
قولتلة الناس اللى عندك مفيش واحد فيهم شجاع عايز يعترف و يكتب فى تقريرة إن العربية جات مرة و إثنين و رجعت المشكلة تالت مرة و إننا فشلنا فى الإصلاح .
قولتله حجيبها تانى بس تمضيلي على ورقة بتقول إن العيب لو رجع تانى تصرفولى تعويض بربع مليون جنية
رفض طبعا
المهم طولت عليكم و أدينى مستنى و المرة دية حطول بالى جدا و الموضوع شكلة عايز سياسة النفس الطويييييييييييييييييل