الموضوع: مــا هــو الحـل فى ظهــور بقع بيضاء على السقف و الكبوت والشنطة - نيســان صنى 2008

المشاركة الأصلية كتبت بواسطة hh

معاها صني و أنا أولهم. زي ما قولت قبل كدة دي حالة فردية و مش ظاهرة في الصني عشان نقعد نشتم في المصنع و نقول و نعيد في التقفيل المصري. مفيش اي مصنع في العالم مش وارد انه يخرج منتج فيه عيب, طالما ده مش منتشر يبقى عادي, امال الضمان لزمته ايه؟ .

يا عمى تشطيب ايه و تقفيل ايه و حالة فردية ايه ؟.. مصنع ايه ده اللى مش عارفين يدهنوا عربية !! .. و يحاولوا يخترعوا اسباب وهمية لتبرير عيب زى ده ؟ و بعدين ترجع تانى و يتكرر الفشل فى دهان عربية .. ده نكته و الله .. و بعدين ايه الكلاحة ده لبتوع الصيانة اللى لا عايزين يعترفوا بعيب موجود فى عربية جديدة خارجة من عندهم و الراجل دفع دم قلبه .. فين الذوق و الضمير و الدين و الامانة و فين الاعتذار عن الخطأ و اصلاحة بدل اللكللكة و الهمبكة اللى عملوها ؟؟
لو قرأت اول مداخلة لى فى هذا الموضوع و قريت اللى انا كتبته عن ست قريبة لصحفية فى اخبار اليوم صادفت مشكلة العن بعد ان ضربت البارومة فى سقف العربية بالكامل .. اكرر : بارومة فى سقف العربية بالكامل بعد شهر واحد و برضه الست شافت الويل مع الشركة .. يعنى الموضوع مش حالة فردية بل عيوب جسيمة و متكرره ..

و الموضوع مش بس نيسان لكن موجود برضه فى ماركات عربيات اخرى تشطيبها زبالة و دايما العميل هو اللى بيدفع الثمن و هو اللى بيتعب و يدوخ السبع دوخات و يترجى علشان ياخد حقه لو قدر ياخد اقل القليل منه و تحياتى ..

المشاركة الأصلية كتبت بواسطة MM_Mohsen

يا عمى تشطيب ايه و تقفيل ايه و حالة فردية ايه ؟.. مصنع ايه ده اللى مش عارفين يدهنوا عربية !! .. و يحاولوا يخترعوا اسباب وهمية لتبرير عيب زى ده ؟ و بعدين ترجع تانى و يتكرر الفشل فى دهان عربية .. ده نكته و الله .. و بعدين ايه الكلاحة ده لبتوع الصيانة اللى لا عايزين يعترفوا بعيب موجود فى عربية جديدة خارجة من عندهم و الراجل دفع دم قلبه .. فين الذوق و الضمير و الدين و الامانة و فين الاعتذار عن الخطأ و اصلاحة بدل اللكللكة و الهمبكة اللى عملوها ؟؟ ..

..

+1000000000
يسلم بوقك يا باشا و الله بينقط عسل .. حاسس بيا

المشاركة الأصلية كتبت بواسطة youssef_sallam

+1000000000
يسلم بوقك يا باشا و الله بينقط عسل .. حاسس بيا

العفو ياباشا .. اى خدمة للاسف لو كنت سوبر مان او سبيدرمان او باتمان ( الواد ابنى متأثر بالجماعة دول قوى و بيقلدهم ليل نهار ! )
كنت طرت و رحت خرشمتهملك .. ياخسارة !

لسه ضربت فى دماغى فكرة طازة .. ايه رأيك تبعت جواب مسجل للمستشار التجارى لسفارة اليابان و تطلب ارسال شكوتك لشركة نيسان اليابان بعد
ما يئست من نيسان مصر و قول انهم بيضروا بسمعة نيسان اليابانية .. طبعا الجواب لازم يكون مكتوب بشكل راقى محترم .
اعتقد لو وصل للشركة اليابانية شكوتك عن طريق السلك الدبلوماسى حيهتموا بيك جدا ..جدا .. جدا و يحطوط فوق دماغمهم !
... بس ما تنساش اخوك يا يوسف :D

يا جماعة خلينا نتكلم صح اللي أيده في النار مش زى اللي أيده في الزبادي
يا جماعة أنا اكتر واحد حاسس بالأستاذ يوسف لان حصل معي نفس الموضوع
مع نفس الأشخاص اللي تعملوا معه تعملوا معي.
عربيتي راحت مرتين عندهم لنفس السبب يا جماعة الناس اللي هناك المفروض مش مكانهم المصنع دا تأنى مرة لما ذهبت بالعربية أبلت مدير الضمان وواحد تأنى عرفوني عليه وانه مدير الدهان وواحد تالت مدير الجودة ( بحكم عملي في شركة بترول عارف يعنى أية الجودة مش جودة مصنعهم) يعنى كلهم مديرين وبصريحة محستش بكد وطبعا انتو عارفين الألقاب في مصر الحاجة الوحيدة اللي مش بفلوس وهقول ليه . .
اولا – ( مدير الدهان ) أول ما شاف البقع اللي في العربية المفروض انه لسه معالجها امبارح بمنتهى البرود قالي الشمس ها ضيعها واقبل ما أرد رد عليه مدير الضمان قوله اعملها مش ها نستنا الشمس لما ضيعها لان بصريحة لو أنا رديت كونت ها رد بعنف عليه .
ثانيا – ( مدير الضمان ) كونت مستني العربية لما تخلص بسأل مدير الضمان أزى عربية تطلع كده من عندكم وان المفروض في أجهزة حديثة تعدى عليها العربية اقبل ما تروح للمستهلك اللي دفع دم قلبه قلى حاجة غريبة قوى إن بيعتمدوا في الموضوع مش على أجهزة وبيعتمدوا على النظر بالعين( يا حلاوة ) ومن حظنا أنا ويوسف وقعنا مع واحد نظره ضعيف حبتين( والحمد الله إن الموتور مش بالنظر كمان ) وتأنى حاجة بسأله على سعة تنك البنزين كأم قلى احتمال 47 لتر أو 50 لتر خلي بالكم من كلمة احتمال واللي بسأله دا المفروض انه مسئول في المصنع نيسان مش بسأله على عربية مرسيدس مش عارف التنك سعته كأم لتر بظبط .
ثالثا – مدير الجودة واقف بس متهيلى كان بيفكر في موضوع زحام العيش مع إن كان لسه الموضوع دا ماحصلش بس يمكن قلبه كان حاسس .
ياجماعة كل واحد يحط نفسه مكان التأني أنا عن نفسي بعت عربيتي القديمة وجبت جديدة عشان أريح دمغي مش عربية الاسم جديدة ويايانى وموديل 2008 وتعطلاني عن شغلي مكالمات للناس مش فهما حاجة في اى حاجة ونرفزة وحرقة دم وكبرياء وعدم الاحساس بالمسئولة وبعدين تشطيب إيه و تقفيل إيه يا جماعة دا عربية وكمان اسمها نيسان . وأنا لما بقول سبعاوى ماردش ليه لان من كتر كلامه على العربية دي إحنا اشترنها ثقة في كلامه.