الموضوع: شركتك وضعها ايه دلوقتي

المشاركة الأصلية كتبت بواسطة أحمد كمال

فرق السما من الارض بين شركة بتروح لها برجليك و بتختار تشتغل فيها و تقدم و تسعى و يمكن كمان تدور على واسطة تزقك لجوة ........ و بين وطن اتولدت فيه و ما اختارتوش زي بالظبط الاب و الام اللي محدش بيختارهم .......

كده الكلام بمثالية جامدة اوى
يعنى كل الناس الى شغالين فى الشركة يتقدمو باستقالتهم علشان الشركة بتصدر الغاز لاسرئيل مع ان المسئول عن قرار زى ده ناس اعلى منهم كلهم
لو انت شغال فى الشركة دى و مرتبك و وضعك و صل لأعلى درجة هتسيبها لو عملت كده؟

لا حول ولا قوة الا بالله.كان متوقع موسم ممتاز للسياحة السنة ديه وكان عندى حجوزات لحد شهر مارس واول ابريل كمان ودلوقتى للاسف.بقالى 3 ايام بقابل وبرد على مكالمات اعتذار على النت والايميلات.وربنا يسترها ونخلص بقى من الموضوع ده كله والاوضاع تهدى.

ده انا مكنش عندى الغاء حجوزات بالطريقة ديه ايام الارهاب فى الاقصر.

والحاجة اللى خنقتنى بقى واحد بيتصل يلغى الحجز ومتاثر وزعلان على الحال وكان نفسه يجى مصر ويشوف ويتفرج وفى الاخر يقولى ايه: بس اهم حاجة كويس انك عايش. ليه بس يا خواجة هما قالولك احنا بنقتل فى بعض ولا ايه.الموضوع كله فى ميدان التحرير.وهنا بقى حسيت انه : والناس اللى بتتسرق والاجانب اللى بيمشوا والطائرات اللى عمالة ترجع الناس والسجون اللى اتفتحت والمولات والبيوت اللى اتسرقت وهنا بقى الخط بداء يقطع واتقطعت المكالمة.

ربنا يقدرنى بامره اننى افضل واقف على رجلى واصرف لحد ما تنزاح الازمة.