هل تثق فى وعود الرئيس مبارك بتنفيذ المطالب ام لا تثق في وعودة ؟؟

**LanCeLoT** · 07-02-2011 02:56 AM

هوا انا كان ليا سؤالين كده خاطرين في بالي :
1
هوا ايه اللي يحصل لو الشباب بتوع التحرير ما روحوش و المعلم ما تنحاش
يعني هوا ايه وسيلة الضغط اللي هتبقى للمتظاهرين على النظام .. لان انا شايف الحياه ابتدت تمشي طبيعي ؟
2
المفروض ان احمد عز و حبيب العادلي هيتحاكموا ... سيبك من احمد عز
هوا معقول العادلي اللي قضى معاهم 13 سنه و عارف كل بلاويهم وخباياهم .. ممكن يتحاكم كده عادي .. ولا هنشوف فاصل من الردح .. وخصوصا اني مش متوقع ان الحكم هيكوم مخفف :))))

**ghazy12** · 07-02-2011 02:58 AM

المشاركة الأصلية كتبت بواسطة mr_7oda

انا مش فاهم يعنى لما رئيس يشوف نتائج الاستطلاع فى شعبه عاملة كده .... المفروض يعنى يخللى عنده دم ويحس بقى ويمشى بقى او يفوض سلطاته للنائب بتاعه

مش فاهم انا ياربى الناس ده جايبه البرود ده كله منين

الجميل في الامر ان حسني مبارك في يوم من الايام كان بينصح الرئيس الراحل صدام حسين الله يرحمه
بالتنحي و النزول على رغبة الشعب العراقي اللي مش عايزه, و كرهه, و زهق, و طهق من الديكتاتوريه...

طيب لما هو عاقل قوي كده..!! ما كان يتنحى هو كمان و يخلصنا بقى..؟؟؟

**Mahmoud Nagieb** · 07-02-2011 03:04 AM

المشاركة الأصلية كتبت بواسطة ghazy12

الجميل في الامر ان حسني مبارك في يوم من الايام كان بينصح الرئيس الراحل صدام حسين الله يرحمه
بالتنحي و النزول على رغبة الشعب العراقي اللي مش عايزه, و كرهه, و زهق, و طهق من الديكتاتوريه...

طيب لما هو عاقل قوي كده..!! ما كان يتنحى هو كمان و يخلصنا بقى..؟؟؟

اول خطاب لمبارك بعد تسلمه السلطة ... كان بيتكلم عن تداول السلطة وقصر فترة الحكم عن فترتين متتاليتين

ويشاء القدير العليم .... بعد 30 سنة يا راجل .... يطلع ويتكلم عن تداول سلمى للسلطة وعدم ترشح نفسه للرئاسة

خايف اقول انه بعد 30 سنة كمان هيطلع يقولنا نفس الخطاب ...... ده تبقى مصيبة

**sara2001** · 07-02-2011 03:29 AM

المشاركة الأصلية كتبت بواسطة ashouhdy

شوفى هو من الأخر عايزين رئيس المحكمة الدستورية .. تيجى اذاى

مبارك حيسلم لعمر سليمان طب احنا مش عاوزينة مثلا عشان دة رمز من النظام القديم تقوم رايحة السلطة لرئيس مجلس الشعب طب احنا مش عاوزينة تروح لرئيس المحكمة الدستورية وتقوم حكومة انتقالية مدتها 60 يوم تتكون الحكومة و يكتب مجلس الحكماء مع الهيئة القضائية الدستور الجديد وتقوم انتخابات جديدة لمجلسى الشعب والشورى تحت الرقابة القضائية .. ها اية الاخبار كدة جت ولا لسة :)))

طب ايه المشكله ان المتظاهرين يتفقوا ان عمر سليمان يستلم السلطه
حتى موعد الإنتخابات وفي الفتره دي يتم تعديل الدستور وحل مجلس الشعب
وعلى حد علمي ان عمر سليمان رافض انتقال السلطه اليه

**nevozaky** · 07-02-2011 03:39 AM

انا لا اثق فى وعوده كلها .لكن المرة دى اعتقد انه سينفذ الوعد .والايام القادمة ستظهر كل شىْ

**heshamzaky** · 07-02-2011 03:51 AM

فى ظل الظروف الراهنة أعتقد أنة سيفى بما وعد لان خلفية ثقافتة عسكرية و أذا وعد أمام شاشات التيلفزيون للعالم و قال ما قالة فسينفذة . سيفكر بعقلية الشرف العسكرى و لن يمحو تاريخة العسكرى و يرجع فيما قالة

**ashouhdy** · 07-02-2011 03:03 PM

المشاركة الأصلية كتبت بواسطة sara2001

طب ايه المشكله ان المتظاهرين يتفقوا ان عمر سليمان يستلم السلطه
حتى موعد الإنتخابات وفي الفتره دي يتم تعديل الدستور وحل مجلس الشعب
وعلى حد علمي ان عمر سليمان رافض انتقال السلطه اليه

الشعب يريد أسقاط النظام

1- مين اللى حيعدل الدستور ؟؟ برضوا نفس الطباخين القدام ؟؟
2- حل مجلس الشعب ياريييت دة بيقولك حننظر فى الطعون ! ولما يتحل ويتعمل انتخابات مين حيشرف عليها ؟؟ اذا كان البند 88 بتاع السماح بالرقابة القضائية الأشراف ع الانتخابات متعدلش.

ببساطة شديدة كدة

لما يجيلك فيروس على الكمبيوتر بتعملى اية ؟؟

بتنزلى ويندوز جديد من غير فورمات --على نفس الفيروس---

ولا بتفرمتى و تنزلى الويندوز على نضافة ؟؟!!!

**ashouhdy** · 07-02-2011 03:06 PM

المشاركة الأصلية كتبت بواسطة ghazy12

انت متشائم قوي, يا راجل يا طيب 30 سنه تاني مره واحده..!!! ازاي بس..؟؟

هو هياخدله فتره رئاسيه كمان على السريع كده, و كلهم 6 سنين مش كتيير يعني, و يطلعلك
الناس اللطيفه اللي هتقولك ( يعني استحملتوا 30 سنه, مش قادرين تستحملوا 6 سنين كمان..؟؟ )

و هو ده العادي من عم نصر... ( عم نصر ده الاسم الحركي للريس في الاجنده بتاعته )

والله يامحمد انا واثق لو استمرت الأمور الأعلامية بالطريقة دى .... والله الشعب دماغة حتتلحس و حيقولك مبارك هو منقذنا من الدماار

ساعتها والله ... اشرفلى اشتغلك بتاع بيتزا فى امريكا على انى اقعد وسط شعب بالسذاجة دى

-

مشاهدة نتائج الإستطلاع: هل تثق فى وعود الرئيس مبارك فى تنفيذ المطالب ام لا تثق فى وعود الرئيس

الموضوع: هل تثق فى وعود الرئيس مبارك بتنفيذ المطالب ام لا تثق في وعودة ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

الرئيس مبارك : يا راجل كبر مخك

حبس الرئيس حسنى مبارك 15 يوم

ايه المطالب اللي اتنفذت فعلا من المطالب دي ؟

بعد خطاب الرئيس مبارك

الكلمات الدلالية لهذا الموضوع

المفضلات

المفضلات

ضوابط المشاركة