أستهلاك بروتون جين 2 للوقود

**tutankhamoun** · 03-04-2008 09:36 AM

المشاركة الأصلية كتبت بواسطة Powert

اخي اسد بيجو لو ركبت الجين تو هتحس انها مش بتسحب بنزين نهائي

وسبب انك نازل من عربية غول بنزين لانها عربية قديمة وماتور قديم و 2000 سي سي

انا انصحك بجين 2 لانها هي نفس ثبات البيجو وانت لو ركبت السيتي هتحس انها عربية لعبة

وخفيفة بس هتحس بفرق جامد في القاعدة وطريقة القيادة ما بين بيجو القديم و سيتي الحديث

خليك في الجين تو هي بنسبة لبيجو بتشم البنزين وللحق السيتي بنسبة للجين بتشم البنزين برضه

+10000000000000
أوافق على رأي أخونا باورت
لو أنت عايز عربية شديدة و ثبات و عوامل أمان و منظر كبير و شكل خرافي و جودة عالية و قوة حصانية و عزم عالي و توفير في البنزين عندما تريد و قوة سيارة عندما تريد و شد و رجي و حركات
هي مفيش غيرها
بروتون جــــــــــــــين 2 ................. بالإضافة لسعر مناسب و كماليات ممتازة و أكثر من السيارات في فئتها و أكثر من سيارات أعلى منها سعرا

الحاجه التانيه فئه 1600 سي سي دي روعه بالنسبالي فكرت في الميجان مستعمل و البيجو 307 لان نفسي في عربيه تكون ليها شكلها علي الطريق ثبات وحجم كبير و الفرامل abs و الايرباج يعني عوامل امان ...
كل تفكيري انا قلته بالتفصيل
اما عربيه موفره للبزين و امكانيات و شكل و ثبات معقول
او عربيه موتور 1600 سي سي امكانيات عاليه و شكل جميل حاجه فخمه و ثبات عالي علي السرعات و تكون مستعمله بس انا خايف من المستعمل و قطع الغيار الغاليه
و لو ربنا كرمني و جبت عربيه بالمواصفات دي جديده يبقي عديت كده خلاص
تحياتي ليك يا استاذ توت عنخ امون و ارجو تعليقك علي كلامي و اي فئه تفضلها لي

لو الكلام على فئة 1600
زي ما أنا قلت سابقا في نفس هذه المداخلة
هي الجين 2
بس نصيحة
لو عايز تجيب 307 أو ميجان مستعملة ......... بلاش
لأنك بنفس الثمن تجيب جين 2 أو نيسان صني زيــــــــــــرو
طبعا فيه فرق بين الزيــــــــــرو و المستعمل مادام لديك الإمكانيات المادية لشراء جديد
الجين 2 فيها فرامل ABS و EBD
الجين 2 فيها 2 وسادة هوائية
الجين2 فيها قضبان جانبية لحماية الركاب من الصدمات الجانبية
و ثبـــــــات الجين 2 حكـــــــــــــــــاية
و أنا عارف إن أغلب العربيات الحديثة و الغالية فيها الكلام ده
و لكن الجين2 بتديك كل ده بثمن معقول جدا

أما لو فكرت في عربيات في فئة أقل
عندك الهوندا سيتي .......... أنا بعشق العربية دي
و عندك برضه الدايهاتسو زي ما سندباد أقترح و لكن شكلها مش بيعجبني و طبعا الشكل أذواق ( إنما كعربية و محرك و توفير بنزين أكثر من رائعة )
و فيه الياريس ........... ( شكلها برضه مش حلو ) و دي أذواق برضه و خفيفة في الجري ( يعني لا تقارن بالجين 2 أو البيجو 504 )
و لكن محركها رائع و ممتــــــــــاز بصراحة و قوي على 1300 و موفر في البنزين

و لو بتفكر في حاجة هاتش باك تنفعك في السفر و توفر في البنزين
برضه فيه الفيات البونتو كلاسيك
و فيه الإبيزا و لكن ثمنها غالي جدا و لكنها سيارة رائعة و ثابتة على الطريق و قوية

**tutankhamoun** · 03-04-2008 09:45 AM

المشاركة الأصلية كتبت بواسطة معاذ الشرباصى

الف شكر لك يا باشا على الموضوع الجميل ده

هى فعلا القيادة الهادية اوى بتفرق كتييييير فى استهلاك البنزين

استاذ توت هلى الارقام دى بالتكييف, خاصة الخاصة بداخل المدينة

العفو يا أستاذ معاذ
و فعلا القيادة الهادئة بتوفر في البنزين

و التجارب التي قمت بها جميعا ما عدا حوالي 25 كم من تجربة المدينة كانت بدون تكييف
يعني مقدرش أقول إن تجربة المدينة كان فيها تكييف شغال لأنه أشتغل حوالي 25 كم فقط و تقريبا المغرب دخل عليا و الجو أحلو فرحت طافي التكييف و فتحت الشبابيك

و لكن لي ملحوظة التكييف لا يؤثر على اداء العربية و دي من الحاجات اللي أثرت في بالإيجاب ناحية موتور العربية دي

يعني أول ما تشغل التكييف و لا كأن حاجة حصلت
ما شاء الله عليها ........ و ربنا يحفظها لي و يحفظ عربيات أخوانا كلهم يارب

**Islam_galal** · 03-04-2008 10:06 AM

ما شاء الله عليك يا استاذ توت و ربنا يكرمك في عربيتك و يكفيك شرها
موضوع جميل جدا و مبني بشكل منطقي بدون أي تحيز عاطفي
جزاك الله خيرا

**tutankhamoun** · 03-04-2008 10:51 AM

المشاركة الأصلية كتبت بواسطة Islam_galal

ما شاء الله عليك يا استاذ توت و ربنا يكرمك في عربيتك و يكفيك شرها
موضوع جميل جدا و مبني بشكل منطقي بدون أي تحيز عاطفي
جزاك الله خيرا

شكرا يا أستاذ إسلام على كلامك الجميل و على مشاركتك الجميلة دي
و ربنا يبارك ليك يارب
و يكفينا جميعا شر الحسد يا رب

**ahmedsiyam** · 03-04-2008 11:32 AM

تقيمك كالعادة احترافى و جميل
بس طبعا الناس كلها تعمل حسابها على ان اكيد الاستهلاك مختلف تماما وانت داخل المدينة و ياسلام لو فى الزحمة و معاك تكييف الموضوع هايتغير خالص
طبعا انا متفق معاك تماما فى ان المحركات الـ 1300 هى الانسب داخل المدينة
بس مع كلامك و مع السواقة الهادية اللى انا كمان باسوقها يبقى الجين -2 فعلا هى الاختيار الامثل هاتوفر بنزين لو سواقة هادية و لو الواحد طلبت معاه اداء رياضى هاتبقى مناسبة برضه
مشكور يا غالى على الموضوع و فى انتظار المزيد من التقييمات و المداخلات المحترمة
ربنا يوفقك

**fiatmomo** · 03-04-2008 05:30 PM

رائع رائع رااااااااائع

موضوع اكتر مش رائع ..... انا شكلى كدة حبيع الواجا واشترى الجين 2 :D .. بهظر طبعا دة انا ملحقتش اركبها :D:D.

تقرير احترافى رائع يا استاذ توت . وانا شايف ان معدل استهلاك البنزين ... يعتبر كويس جدا بالنسبة لموتور 1600 - 2 كامه .

لما الحر يدخل اكتر منتظرين من حضرتك استهلاك البنزين مع التكيف حيوصل كام .

ياريت الموضوع يتثبت .. علاشان تعم الفايدة لجميع المهتمين بالجين 2 . لان كثر الكلام عن ان الجين 2 ( غول بنزين ) والموضوع دة بيصحح الفكرة دية .

**tutankhamoun** · 03-04-2008 11:19 PM

المشاركة الأصلية كتبت بواسطة ahmedsiyam

تقيمك كالعادة احترافى و جميل
بس طبعا الناس كلها تعمل حسابها على ان اكيد الاستهلاك مختلف تماما وانت داخل المدينة و ياسلام لو فى الزحمة و معاك تكييف الموضوع هايتغير خالص
طبعا انا متفق معاك تماما فى ان المحركات الـ 1300 هى الانسب داخل المدينة
بس مع كلامك و مع السواقة الهادية اللى انا كمان باسوقها يبقى الجين -2 فعلا هى الاختيار الامثل هاتوفر بنزين لو سواقة هادية و لو الواحد طلبت معاه اداء رياضى هاتبقى مناسبة برضه
مشكور يا غالى على الموضوع و فى انتظار المزيد من التقييمات و المداخلات المحترمة
ربنا يوفقك

شكرا يا أستاذ أحمد ... و الحمد لله إن الموضوع عجب الأخوة الأعضاء و عجب حضرتك و أرجوا أن يكون مفيد لكل من يقرأوه
ووفقك الله ووفق سائر المسلمين

المشاركة الأصلية كتبت بواسطة fiatmomo

رائع رائع رااااااااائع

موضوع اكتر مش رائع ..... انا شكلى كدة حبيع الواجا واشترى الجين 2 :D .. بهظر طبعا دة انا ملحقتش اركبها :D:D.

تقرير احترافى رائع يا استاذ توت . وانا شايف ان معدل استهلاك البنزين ... يعتبر كويس جدا بالنسبة لموتور 1600 - 2 كامه .

لما الحر يدخل اكتر منتظرين من حضرتك استهلاك البنزين مع التكيف حيوصل كام .

ياريت الموضوع يتثبت .. علاشان تعم الفايدة لجميع المهتمين بالجين 2 . لان كثر الكلام عن ان الجين 2 ( غول بنزين ) والموضوع دة بيصحح الفكرة دية .

شكرا على المرور .......... و الحمد لله على إعجابك بالموضوع
و سيبك بقى من الواجا يا راجل و تعالى نجيبلك جين 2 و ندلعك . :D :D
طبعا أنا بهزر معاك ........... دي الواجا الأخت الكبرى العاقلة من أسرة بروتون :D

ربنا يباركلك في العربية و يبارك فيك
و إن شاء الله العلي القدير ........... سأقوم بإعداد تقرير قريبا عن السيارة بالتكييف في الصيف إن شاء الله
و شكرا

**M_HaFeZ** · 22-04-2008 03:49 PM

شكرا ياتوت على المجهود ده

**tutankhamoun** · 10-05-2008 07:37 PM

أخر تجربة قمت بها

قيادة مدينة و جزء على الطرق السريعة و جزء بالتكييف

عدد الكيلومترات 92 كم
الإستهلاك 7 لتر بنزين 92
الحمولة 3 أفراد حوالي 300 كجم
لا يوجد رياح
تغيير السرعة عند 3000 لفة في الدقيقة فقط
السرعة القصوى كانت 90 و أنا على الطريق السريع
و قيادة المدينة لم تكن مُزعجة من ناحية كثرة التوقف

--------------------------------------------------------------------

الأداء ......... متوتر جدا بسبب سواقين الميكروباصات و التاكسيات و العيال بتوع الغرز و النقل ........
مختصر المفيد التوتر جاء بسبب البهلونات اللي في الشارع

----------------------------------------------------------------------
و شكرا جزيلا لكم

**MohabSaeed** · 10-05-2008 10:58 PM

شكرا استاذ امون على التجربه و التقيم .

انا شايف ان معدل الاستهلاك معقول جدا.
فعلا القياده الهادئه بتفرق " كتيييييير" فى استهلاك البنزين + طبعا القياده على الطرق المفتوحه .

الموضوع: أستهلاك بروتون جين 2 للوقود

LinkBack

أدوات الموضوع

عرض

-

-

-

-

-

-

-

المواضيع المتشابهه

هل استهلاك الاوبترا الاوتوماتيك للوقود عالى?

ما هو الأستهلاك الطبيعى للوقود

استهلاك الساجا للوقود ..

السيارات الأقل أستهلاكاً للوقود

كيف تقلل استهلاكك للوقود

الكلمات الدلالية لهذا الموضوع

المفضلات

المفضلات

ضوابط المشاركة