الموضوع: لماذا الان

المشاركة الأصلية كتبت بواسطة wael17

انا كمان تشرفت بمعرفتك

حتي لو كانت الخامة لا تصلح لصنع ثوب جميل فعلي الاقل يمكن ترقيعها لستر العورة حتي تصبح الظروف مواتية لتغيير الثوب بالتدريج

يعني ممكن طبعا تغيير الاليات اللي كان بيتم علي اساسها قبول ضباط الشرطة عن طريق الواسطة و الرشاوي و دي ممكن تكون من الموضوعات اللي ها يناقشها البرلمان المنتخب لان مش هيكون فيه قانون طورائ و خطوط حمراء و الداخلية لن تكون فوق المسألة لمجرد انها تبع النظام و بتحميه
لو اليه القبول لكلية الشرطة اتصلحت و المناهج و اساليب الدراسة ركزت علي اعلاء سلطة القانون و احترام المواطن يبقي ان شاء الله في خلال عدة سنوات هيكون عندنا ظباط شباب منشرين في الشوارع زي الفل
لكن الاستغناء عن مئات الالاف من وظيفة محددة فجأة و اخذ الصالح بالطالح هيؤدي لكارثة...هيشتغلوا ايه و هيصرفوا علي عائلتهم منين؟ و خلي بالك الانسان العادي ممكن يبقي مجرم لو وصل انه مش لاقي يأكل عياله

و بعدين رغم كل شيء استحالة يكون 100% من ظباط الشرطة فاسدين و كانوا بيعذبوا الناس..و لاحظ ان شعبنا في خاصية ان كل واحد يشوف اللي حواليه بيعملوا ايه و يقلدهم. يعني مثلا تخيل ظابط ابن ناس قاعد في القسم و بيكلم مواطن بأدب و يقوله حضرتك...تخيل كمية التريقة و الاستهزاء اللي هيسمعها من زمايله و بالتالي هايجاريهم و يشتم في الناس..و امين الشرطة اللي مش هياخد رشوة و يلاقي نفسه مضطر يعيش هو و ولاده ب 800 جنيه و كل الامناء حواليه بياخدوا رشوة و كمان بيقسموا مع الظابط يا تري هايستحمل قد ايه قبل ما يعمل زيهم...الناس عندنا تحس كده انهم ماشيين مع الموضه...لو الموضه رشاوي يبقي الحق خد رشاوي...لو الموضة انك تبقي شريف يبقي كله هايتعدل
يعني أنا مثلا شايف الموضة اليومين دول المظاهرات...امبارح الشغل وقف في المستشفي و العيانين مش عارفين يصرفوا علاج عشان السكرتارية و التمريض و العمال عاملين مظاهرة..و انا مروح لاقيتهم قاطعين الشارع علي العربيات و عمالين يزيطوا...سألت سكرتيرة انتو ا بتعملوا كده ليه قالتلي عشان نتثبت و هانفضل قافلين الطريق لحد ما الجيش يجيلنا!!!! و بصيت علي وشوش الناس اللي في المظاهرة ولا واحد فيهم كان يعرف حاجة عن مظاهرات 25 يناير و لا نزلوا فيها و لا هما فاهمين هما عايزين ايه اساسا هما بس سمعوا ان الكل بيعمل مظاهرات اليومين دول و اللي مش هايلحق يتثبت او يزود مرتبه اليومين دول الفرصة مش هاتجيلوا تاني...يعني اللي ماشي في البلد اليومين دول المظاهرات

مرة تانية
و تالتة
و رابعة
تقبل تحياتى وتقديرى لعقليتك الواعية
فعلا كليات القمة محتاجة عقليات معينة

وده برضه مربط الفرس
كيف يمكن ان تشرح لشخص حاصل على مجموع 50% بالعافية الجملة اللى جاية
pre-systolic mid-diastolic accentuation

اذا كان عقله غير مستعد يفهم يعنى ايه stethoscope

وعلى كده تقدر تقيس تقبله لفكرة العدالة والحرية والمساواة

ان الجميع سواسية اللى لى ظهر واللى ملوش

عارف المشكلة فى ايه يا دكتور

ان انا و انت كنا بنتعامل كويس نظرا لمراكزنا الاجتماعية او طبيعة مهنتنا (و لو ان ده مش شرط <يا ما شفت أطباء و صيادلة بيحصل معاهم حاجات لا يمكن وصفها>)
لكن تفتكر لو احنا اشخاص بسطاء ( فلاح بسيط - عامل نظافة - موظف بسيط- أو أى شخص بسيط و ملوش ظهر) تفتكر كنا هنتعامل أزاى

المشكلة فى احساسهم ان القوى ميقربوش منو والضعيف يدوسو عليه
وللاسف طبيبى العزيز ان دى عقلية 95% من الضباط والامناء
اما الشرفاء والمحترمين فلم يصبح لهم وجود
كان اخرهم اللواء احمد رشدى (تعرف مشوه ليه)

كيف يمكن تطوير تلك العقلية الضعيفة المغلفة بقشرة من الصلف والغرور
و عدم احترام الضعيف و مواجهة الاقوياء
و الدليل انهم عند أول مواجهة حقيقية مع اشخاص اقوياء بجد (ورد الجناين اللى فتح فى ميدان التحرير)
قيست قوتهم الحقيقية و ثباتهم الانفعالى وقدرتهم على التحمل
وكانت النتيجة
صفر

كيف يمكن لمن خلع الزى الميرى و ولى هاربا عند أول مواجهة حقيقية ان تامنه على امنك و امن اسرتك

انهم سيدى ضعفاء من الداخل وان ظهر عليهم مظاهر القوة البدنية
فالشجاعة قلب ( و مطلعش عندهم منها شىء)
على عكس اخواتنا و ولادنا اللى وقفوا يتصدو بدون ادنى خبرة للبلطجية وعتاة الاجرام

لا و كمان اثبتوا تفوق على الامن اللى كان بيأديه الشرطة

مما أثبت فعليا انهم بلا فائدة
بدليل القدرة على العيش بدونهم

لذلك فانا بأيد احلالهم بافراد احتياط الشرطة العسكرية

والبديل ان تتكون لجان لاعادة تقييم جميع افراد الشرطة
فى صورة اختبارات نفسية لقياس قدراتهم العقلية الحقيقية (فاكر اختبار المتفوقين بتاع ثانوى)
ويكون فى اختبار زى اختبار رخصة القيادة (بتاعة بره مش بتاعة مصر)
اللى ينجح يكمل واللى يفشل
يجى يعيد الامتحان كمان شهرين (حاجة زى كادر المعلمين)
واللى ينجح يبقى ليه مرتب محترم

ده بالاضافة لتكوين لجان رقابة صارمة (موجودة فى كل قسم) ويكون دورها تقييم الضباط شهريا
ورفع تقريرات دورية
الضابط اللى تقاريره كويسة يكمل
واللى تقاريره فيه تجاوزات مع السلامة

واخيرا تقبل تحياتى

المشاركة الأصلية كتبت بواسطة otefa

ألي رأيه أن جميع أفراد الشرطة فاسدين ...............أستحالة طبعا
ملخص الحل في نظري وزي ماتفضلتم في النظام وقوانينه والصرامة في الألتزام بها والرقابة عليها قبل مايكون في سلوك أفراد وألي عاصر وزير الداخلية في أوائل الثمانينات(السيد الفاضل أحمد رشدي) هايعرف أن اللواءات كانو بينزلو الشارع ينظموه مروريا وأمنيا في أروع من كده
وطبعا الكلام ده معجبش ناس كتيرة ليها مصالح في الفوضى وبناء عليه ضبرت أحتجاجات الأمن المركزي المشهورة للأطاحة به
أذا صلح ولي الأمر صلحت الرعية..........بمزاجهم.............� �و بالقانون.

احترامى مرة تانية دون اوتيفا
مش قولتلك كلامك غالبا مميز

لكن تفتكر من له العقلية التالية تقدر تأمنه على نفسك

وطبعا الكلام ده معجبش ناس كتيرة ليها مصالح في الفوضى وبناء عليه ضبرت أحتجاجات الأمن المركزي المشهورة للأطاحة به

فعند أول فرصة أو تخاذل فى المعاملةهيتقلبو على الشعب و ترجع ريمة لعادتها القديمة

عارف دون اوتيفا زى متكون مشغل ديب حراسة على الحملان

احكيلك حكاية ظريفة

عن ربيعِ ألأبرار أنَ إمرأةً خَرَجَت من دارها لحاجه تَبغيها فَصادفَت
في طريقها ذأباً صّغيراً لايقوى على القيام لصغرِهِ وضعفِ قواه
، فأخذته معها الى دارها وكانت عند المرأه شاة فاسترضعت
ابن الذئب من الشاة. وبعد زمنٍ كَبُرَ الذئبُ واعتدلَ قوامُه وصادف
يوماً أن خرجت المرأه لطلب حاجةٍ وحال رجوعِها الى الدار وجَدت
الذئبَ واقفاً وقفةَ المفترس وبأزائِهِ اعضاءُ الشاةِ متناثرةً
فاخذت المراةُ تنظر اليهِ وتقول
.
قتلت شويهتي وفجعت قلبي
وكنت لشاتنا ولد ربيبُ

شَرِبتَ بدَرِها ورضعتَ منها
فمن أنباكَ أن اباكَ ذيبُ

اذا كانَ الفِعالُ فعالُ سوءٍ
فلا لبنٌ يفيد ولا حليبُ

فهمت انا قصدى ايه دون اوتيفا

واخيرا تقبل تحياتى

المشاركة الأصلية كتبت بواسطة amado ibrahim

والبديل ان تتكون لجان لاعادة تقييم جميع افراد الشرطة
فى صورة اختبارات نفسية لقياس قدراتهم العقلية الحقيقية (فاكر اختبار المتفوقين بتاع ثانوى)
ويكون فى اختبار زى اختبار رخصة القيادة (بتاعة بره مش بتاعة مصر)
اللى ينجح يكمل واللى يفشل
يجى يعيد الامتحان كمان شهرين (حاجة زى كادر المعلمين)
واللى ينجح يبقى ليه مرتب محترم

ده بالاضافة لتكوين لجان رقابة صارمة (موجودة فى كل قسم) ويكون دورها تقييم الضباط شهريا
ورفع تقريرات دورية
الضابط اللى تقاريره كويسة يكمل
واللى تقاريره فيه تجاوزات مع السلامة

واخيرا تقبل تحياتى

انا موافقك في اعادة تأهيلهم و فرض رقابة صارمة عليهم و عقوبات قاسية لمن يخالف القانون

المشاركة الأصلية كتبت بواسطة wael17

انا موافقك في اعادة تأهيلهم و فرض رقابة صارمة عليهم و عقوبات قاسية لمن يخالف القانون

كده يبقى اتفقنا يا دكتور

بس مقولتليش برده رائيك فى حكاية

pre-systolic mid-diastolic accentuation

تقبل تحياتى

المشاركة الأصلية كتبت بواسطة otefa

أمادو باشا أتفرج على دريم2 فيه نقاش مهم

تحياتى دون اوتيفا

اولا بلاش موضوع< باشا> عشان شباب 25 يناير لغو البشوية

ثانيا انا تابعت الحوار كله بس لاحظت كام نقطة احب اخد رائيك فيهم

1- موضوع الصعبنيات بزيادة لدرجة انى حسيت ان اللى بيتكلمو متزعلش منى مش رجالة بجد
انا كنت فى الجيش وشوفت الرجالة بتستحمل اد ايه
لكن دول عند اول اختبار حقيقى بانو على حقيقتهم

و اتركك مع هذا الشعر اللى بيعبرعن معنى الرجولة
مش الصعبنيات بتاعة الجبناء والهاربين من الميدان

Self Pity


I never saw a wild thing
sorry for itself.
A small bird will drop frozen dead from a bough
without ever having felt sorry for itself.

D.H. Lawrence Poems)

- ضحالة الفكر ( مش عوز اقول حاجة تانية) عند السادة الضباط

والدليل عدم فهم معظم الاسئلة اللى سألتها منى الشاذلى

مثال:
سؤال: ايه نموذج الشرطة اللى بتابعه و نفسك تبقى زيه؟

جواب(عبقرى): معرفش انا مسفرتش بره
(على اساس اننا بنسأل المماليك عن بلاد الفرنجة)

3- ضعف القدرة على اتخاذ القرارات الميدانية لدى السادة الضباط
( و دى راجعة اعتقد لحاجة من اتنين
- سوء تدريب فى الكلية ( ودى تبقى كارثة)
- عدم توفر القدرات الذهنية (فروق فردية) لاتخاذ قرارات سليمة وفعالة فى المواقف الحرجة
(و ده راجع لاختيار ضباط الشرطة من فئة 50% اللى بينقصه الكثير على المستوى الذهنى ليكون ضابط امن < يبدو ان المنظومة كانت قائمة على البطش وليس الاعداد و التدريب>)

4- قرار الهروب الكبير راجع حسب كلامهم لقرارات فردية منهم
( و ده معناه خطير جدا ان يكون الخيار الوحيد لفرد الامن هو الهروب فقط حتى بدون استراتجية لتقييم الموقف و اعادة التنظيم ( طبعا الكلام اللى انا بقوله محتاج عقل يفهم يعنى ايه استراتجيات < معتقدتش ان احد السادة الضباط يقدر يدى تعريف ميدانى للكلمة دى)
(انه برده عدم اهتمام بتدريب افراد الشرطة على التصرف وفقا لتغييرات الظروف المحيطة
(بالبلدى حافظ مش فاهم)
(برده هناك نوع من عدم الثبات الانفعالى عند السادة الضباط
مش قادر استوعب ازاى راجل شرطة ناقص عليه يطلع يعيط فى التلفزيون
ده معناه ان تكوين شخصياتهم ضعيف وهش لابعد الحدود فقط الشخصية كانت مغلفة بطبقة هشة من البطش و الغرور)

5- عندما سألت منى الشاذلى ان لو حد فيهم قابل مواطن
والمواطن قالو انت ملكش كلام عليا دنت هربت هتعمل ايه؟
لقيتهم برضه مفيش قدرة على تخيل الموقف وكأن مفيش حتى قدرة على تخيل سيناريوهات غالبا ما هتحدث
(انت واخد بال حضرتك مفيش قدرة حتى على تخيل موقف فمابالك بوضع فرضيات للتعامل معاه <برضه رجعنا لموضوع الاستراتجيات>)

المحصلة:
يبدو للاسف الشديد ( وانا مكنتش متخيل ان الموضوع وصل بكلية الشرطة للدرجة دى) ان السادة الضباط غير مؤهلين للممارسة مهنتهم كضباط شرطة مدنية لا على مستوى الصفات الشخصية ولا العقلية ولا الدراسة اللى تتيح له اتخاذ القرارات و حسن التصرف فى المواقف العصيبة
( بامانة ربنا ربنا يستر لما ينزاو الشارع لانهم محتاجيين بجد اعادة تأهيل و تدريب)

اما بالنسبة لسيادة اللواء علام فربنا يديله الصحة لسة عايش بفكر الستينات
بتاع دور الاعلام فى تحسين صورة ضابط الشرطة

(لكن اللى استفذنى لما وصف الولاد البسطاء بتوع الامن المركزى انهم فرز رابع على اساس انهم مش بنى ادمين
اما لو كان يقصد على المستوى الذهنى فده برضه مش صح
( امال الساد ة الضباط دول يبقو ايه يا سياده اللواء)

اما الاستاذ امير
قال شوية كلام معقول لكن برضه خيالى