دي مبقتش مظاهرات دي قلة ادب

**mohabelnegm** · 16-02-2011 06:23 PM

أى حد يطلع فى أى احتجاج أو مظاهرة بعد التنحى يعتبر انتهازى و خاين و بيحاول يبتز البلد فى وقت حرج و لازم الناس اللى زى دول يتم التعامل معاهم بشدة لأن ألأمور كدة بقت مستفزة جدا...الناس ديه ضباع بتخرج فى الوقت اللى بيحسوا فيه بضعف الطرف التانى و أن لا حول ليه ولا قوة.

**misoalex** · 16-02-2011 08:14 PM

المشاركة الأصلية كتبت بواسطة mahmoudysf

والله يا جماعة انا حاسس ان فيه ايد خفية من بقايا النظام البائد بتحرك الكلام ده
وخصوصا ان الشرطة سايقين العوج وموقفهم مش واضح
يا ريت كلنا نحاول نهدى شوية
مش ده وقت المطالبات الفؤية
الناس دى كدة هتقلب الترابيزة علينا
وكمان حاسس ان الناس الفؤية دي محدش منهم شارك ف الثورة ولا حتى بنيته
ودلوقتي عمالين ياكلو في في الجيفة زي الضباع
الكلام اللي بيحصل هيودينا لاجارءات غير محبوبة ولا مطلوبة من الجيش

المشاركة الأصلية كتبت بواسطة mohabelnegm

أى حد يطلع فى أى احتجاج أو مظاهرة بعد التنحى يعتبر انتهازى و خاين و بيحاول يبتز البلد فى وقت حرج و لازم الناس اللى زى دول يتم التعامل معاهم بشدة لأن ألأمور كدة بقت مستفزة جدا...الناس ديه ضباع بتخرج فى الوقت اللى بيحسوا فيه بضعف الطرف التانى و أن لا حول ليه ولا قوة.

**ghada_zaky** · 16-02-2011 08:56 PM

المشاركة الأصلية كتبت بواسطة مصراوي جدا

عجبني جدا بيان البنك المركزي المصري في الصفحة الأخيرة في الأهرام النهارده علشان يوقف مظاهرات موظفي البنوك :

في الصفحة الأخيرة من اهرام الأربعاء 16 فبراير اعلان للبنك المركزي صفحة كاملة ده نصه:

بيان من البنك المركزي المصري

الى جميع العاملين في القطاع المصرفي المصري
...
اولا في ضوء الاحادث الجارية من تظاهر واحتجاجات للعاملين ببعض البنوك فان البنك المركزي المصري يهيب بجميع العاملين بالبنوك اهمية الانتظام في عملهم حفاظا على استقرار الاقتصاد الوطني

ثانيا يؤكد البنك المركزي المصري ويضمن بصفته الرقيب والمسئول الأول عن سلامة القطاع المصرفي في اتخاذ الاجراءات اللازمة لتنفيذ جميع المطالب المشروعة للعاملين في القطاع المصرفي

ثالثا يطلب البنك المركزي المصري قيام العاملين بهذه البنوك باختيار مجموعة منهم لا تزيد عن عشرين شخصا عن كل بنك تمثل قطاعاته المختلفة مع تحديد جميع المطالب كتابة لمناقشتها مع الادارة العليا لكل بنك في حضور السيد محافظ البنك المركزي ونائبه تمهيدا لاتخاذ القرارات اللازمة بشأنها وعلى ان تبدأ هذه الاجتماعات اعتبارا من الاحد القادم 20 فبراير 2011 وان يتم الانتهاء في مدة لا تتجاوز اربعة اسابيع

رابعا ان هذا القرار يأتي استمرارا واتساقا مع سياسة البنك المركزي الرامية الى دوام المحافظة على استقرار القطاع المصرفي وحقوق العاملين به ومكتسباتهم ودخولهم التي تضاعفت عدة مرات خلال فترة برنامج الاصلاح المصرفي

خامسا يطلب البنك المركزي المصري من جميع العاملين بالبنوك الانتظام في العمل حتى يتمكن القطاع المصرفي من الاستمرار في تأدية دوره الوطني في خدمة الاقتصاد القومي والحفاظ على المكاسب والنجاحات التي تحققت على ايدي العاملين به وقياداتهم خلال الأعوام السبعة الماضية في اطار برنامج الاصلاح المصرفي الذي حمى اقتصادنا الوطني خلال الازمة المالية العالمية بشهادة جميع الجهات المحلية والدولية

سادسا يؤكد البنك المركزي المصري عزمه الاستمرار في الحفاظ على الاستقرار النقدي واستقرار سوق الصرف وسلامة القطاع المصرفي وضمان ودائع العملاء

ويثق البنك المركزي المصري في وعي جميع العاملين بالقطاع المصرفي ووطنيتهم وتقديرهم للظروف الحساسة التي يمر بها وطننا العزيز مع التأكيد على الحفاظ على حقوقهم المشروعة

والله ولي التوفيق
البنك المركزي المصري

انا شايفة ان ده حسن واذكى رد فعل اتعمل وهو كده عادل مع الناس من غير ما يظلم العمل والبلد ولا يظلم الناس ويقولهم مش وقته ويسبهم وخلاص ماهو احنا لازم علشان ندى قانون و نلزم الناس بيه لازم نكون قدرنا نحقق ليهم جزء من طلباتهم او على الاقل نبتدى فى طريق تحقيقها ونتحقق من كلامهم
كلنا فى اى قطاع سؤاء عام او خاص اتعرضنا وعنينا من فساد كبير وكل الناس ما صدقت تعرف تعبر وتطلب حقها وكيدين خايفين انهم لو مقلوش ان فيه مشكلة حقوقهم مش حترجع ابدا فكله بدافع احساس النجاح والتغيرات اللى حصلت اتحرك بناء على كده
اننا نطلب من الناس انها لا اشتغلوا وبعدين اشتكوا مش حينفع لان الناس مش ضامنة ولا عندها ثقة ان الوضع مش حيرجع تانى زى الاول
لكن تقول اشتغل و كون ناس من عندك تعبر عن مشارك واحنا ككجهة رقابية حنحضر ونشوف يبقى كده الاتنين يحصلوا اشتغلوا وحقوقكم فى نفس الوقت حيتحقق فيها لكن ان اقول لحد اشتغل والبلد اهم من الشخص حتلاقى احساسه بالظلم مش حيخليه يشتغل بالشكل اللى هو مفروض
ولازم ده يكون على كل القطاعات مش بس البنوك

**dr-mohamed** · 17-02-2011 12:09 AM

فلت الكلام ده مع ظهور المظاهرات الفئوية وهي بالمناسبة ظهرت قبل التنحي وقلت حرام عليهم هايضيعوا الثورة كل همهم نفسهم المفروض يهدوا شوية لما البلد يتصلح حالها وبعدين يشتغلوا واللى ليه حق يطلبه
فوجئت ببعض السادة المحترمين هنا في المنتدي مش ناقص غير انهم يقولوا اني خاين وعميل وبهاجم الثورة ومن بقايا النظام البائد
حاجة تقرف

**wael17** · 17-02-2011 01:59 AM

المشاركة الأصلية كتبت بواسطة mohabelnegm

الناس ديه ضباع بتخرج فى الوقت اللى بيحسوا فيه بضعف الطرف التانى و أن لا حول ليه ولا قوة.

التشبيه ده جامد و معبر قوي...تحس فعلا انهم زي الضباع!!! بعد ما شباب الثورة (الاسود) أسقطوا النظام الفاسد (الجيفة) طلعت الضباع تقول عايزة حقي...لا هم كان عندهم جرأة يطالبوا بحقوقهم قبل كده و لا هم اصلا اشتركوا في الثورة و دلوقتي افتكروا ان لهم حقوق

**wael17** · 17-02-2011 02:01 AM

المشاركة الأصلية كتبت بواسطة dr-mohamed

فوجئت ببعض السادة المحترمين هنا في المنتدي مش ناقص غير انهم يقولوا اني خاين وعميل وبهاجم الثورة ومن بقايا النظام البائد
حاجة تقرف

شكلك كده يا دكتور هاتنزل في القوائم السوداء

**medo_2060** · 17-02-2011 08:19 PM

المشاركة الأصلية كتبت بواسطة human12

اتفق معاك
بس كل ده من موروثات النظام القديم
معهلش
شويه شويه و ان شاء الله الدنيا تبقى احسن

المشاركة الأصلية كتبت بواسطة mahmoudysf

والله يا جماعة انا حاسس ان فيه ايد خفية من بقايا النظام البائد بتحرك الكلام ده
وخصوصا ان الشرطة سايقين العوج وموقفهم مش واضح
يا ريت كلنا نحاول نهدى شوية
مش ده وقت المطالبات الفؤية
الناس دى كدة هتقلب الترابيزة علينا
وكمان حاسس ان الناس الفؤية دي محدش منهم شارك ف الثورة ولا حتى بنيته
ودلوقتي عمالين ياكلو في في الجيفة زي الضباع
الكلام اللي بيحصل هيودينا لاجارءات غير محبوبة ولا مطلوبة من الجيش

+1

**dr-mohamed** · 18-02-2011 02:17 AM

المشاركة الأصلية كتبت بواسطة dr-mohamed

فلت الكلام ده مع ظهور المظاهرات الفئوية وهي بالمناسبة ظهرت قبل التنحي وقلت حرام عليهم هايضيعوا الثورة كلفوجئت ببعض السادة المحترمين هنا في المنتدي مش ناقص غير انهم يقولوا اني خاين وعميل وبهاجم الثورة ومن بقايا النظام البائد
حاجة تقرف

المشاركة الأصلية كتبت بواسطة wael17

شكلك كده يا دكتور هاتنزل في القوائم السوداء

هو انا لسة هنزل في القوائم السوداء ؟؟؟؟؟
هههههههههههههههههه
انا واثقيا وائل بيه ان زي ما كان فيه زمان اعضاء تبع الامن زي ما دلوقت فيه اعضاء كل همهم تصيد الكلمات واعداد قوائم سوداء كل منهم لحساب من ينتمي اليه
ولكن كما لم اهتم فيما مضي لن اهتم الان ولا تنسي ابدا انه لا حيلة في الرزق ولا شفاعة في الموت ومن كان من البشر رزقي عليه فليمنعه ومن كانت حياتي او مماتي في يده فليقضي علي والله حسبي وكفيلي

-

-

الموضوع: دي مبقتش مظاهرات دي قلة ادب

LinkBack

أدوات الموضوع

عرض

-

-

-

-

-

المواضيع المتشابهه

العربيه مبقتش ثابته

مبقتش فاهم حاجة والله

مبقتش فاهم حاجة مين فينا الصح

ال 128 مبقتش هادية زي زمان

مبقتش عارف أتصفح المنتدى

الكلمات الدلالية لهذا الموضوع

المفضلات

المفضلات

ضوابط المشاركة