احذروا الثورة المضادة ..... النظام لم يسقط بعد

**ALSHaRKAWY** · 17-02-2011 06:55 AM

يا جماعة انا شايف انه لا يجب عمل اى وقفات يوم الجمعة او غيرها لان الاخ اللى عاوز يرد الجميل اكيد عارف ان ممكن يندس مخربين وسط هذه المظاهرات وايضا لا داعى لعمل وقفات لذكرى الثورة لان ايضا سيكون هناك مندسين لعمل وقيعة فالحمد لله الثورة نجحت وشهد العالم لذلك والشهداء الان فى منزلة افضل مننا وعاوز الكل يعلم ان كل من يدعوا لهذه الوقفات سيتحمل ذنب من سيصاب بأى اذى وكل من يشارك ويحدث له مكروه فيستاهل ما يحدث له ولم نقول عنه انه شهيد / ارجو تحكيم العقل والمنطق وحتى لا نرهق قواتنا المسلحة اكثر مما تحملته لاننا فعلا شعب مستفز

**waleedraafat** · 17-02-2011 08:07 AM

انا هتشل يا ناس ، لو لسه في ناس كده
وابوس ايد كل مؤيد ما تضحكوش علينا العالم بعد ما اخيرا احترمنا وعمل لينا قيمة

**hossaam** · 17-02-2011 08:29 AM

ماكنتش عاوز اقول ده..
بس انا رايي للاسف ان قرار ترك ميدان التحرير قبل اقالة الحكومة والغاء قانون الطوارئ ...كان متسرع

ربنا يستر على اللي جي

**تامر.محمد** · 17-02-2011 10:25 AM

المشاركة الأصلية كتبت بواسطة د.أبونضال

رؤيتي لما يحدث على الساحة تقول أن هناك خطة واسعة يقوم بها النظام القديم من أجل العودة بعد إجراء بعض عمليات التجميل والبكاء والتطهر وذبح بعض القرابين.
أخطر شيء إن "حسام بدراوي" ناوي يأسس حزب ويسمية "شباب 25 يناير" شفتوا تيييييت أكثر من كده

مسيرة رد الجميل في حد ذاتها هي اجراء للثورة المضادة حتى لو نفى المشاركين فيها ده
هدفها ببساطة -سواء اللي هايشاركوا فيها عارفين ده ولا لأ و نيتهم كده ولا لأ -محاولة تجميل وجه النظام السابق, رغم انه "ايش تعمل الماشطة في الوش العكر".
هدفها اظهار ان فيه فتنة بين ابناء الشعب , و يا سلام لو تحصل بجد يبقى عظمة اوي

باختصار ,
أسف يا ريس , مش هاشارك في مسيرة رد الجميل , لأنك حرامي و ما رديتش فلوسي لبلدي , و قتال قتلا و اخويا لسه ما اخدتش العزا فيه , و حتى جراح اخويا التاني لسه ما طابتش

ماكنتش عاوز اقول ده..
بس انا رايي للاسف ان قرار ترك ميدان التحرير قبل اقالة الحكومة والغاء قانون الطوارئ ...كان متسرع

هو يمكن ما كانش صحيح , بس للحق , لو الناس فضلت كانت ناس كتير هاتفقد ايمانها باللي بتعمله , و الناس اللي مش فاهمين و عايزين ياكلوا و يشربوا و خلاص و واقفين على الحياد بين الظالم و المظلوم هايكرهوا الناس اللي في الميدان اكتر

متهيأ لي احسن حاجة هي فعلا النزول بأعداد كبيرة بكرة ان شاء الله

**Egyzizo** · 17-02-2011 12:29 PM

بدون اهانه لأى حد حاسيس انى هرجع

نفس الاحساس اللى كنت باحسه بالظبط لما كنت باقرا لافتات ميدان التحرير من شاكلة (ارحل يا خنزير) ، و(يا مبارك يا خسيس) .. إلخ.

**م. حاتم السباعي** · 17-02-2011 01:11 PM

السلام عليكم و رحمة الله و بركاته
حينما يسود الظلم (( يظهر شعاع نور ))
حينما يسود الفساد (( يظهر القليل من الشرفاء ))
و كذلك
حينما يغلب حب الانتقام (( تظهر جماعة تدعو للرحمة ))

ارجو ان يظل كل واحد في مكانه و في معتقده و بلاش نصدر غل النظام لنفوسنا و بلاش الله يكرمكم احكام علي خلق الله
و بلاش بالله عليكم احكام علي (( الشهداء )) فلا يعلم النيات سوي الله و بلاش بالله عليكم نغمة ضد الثورة لحسن دي بداية النهاية
و ليظل كل واحد لا (( يرجع )) علي كلمات غيره و لا حاجة
مين عارف مش يجوز بكره و لا بعده يجد من (( يرجع )) علي تعليقاته
و معتقداته
يا ليتنا نتعلم احترام اراء بعض

م.حاتم السباعي

**Egyzizo** · 17-02-2011 01:40 PM

شوف بقه...
ياذن الواحد الاحد...لن يرى حزني اقصد حسني وعيلته الحكم
ولا اي احد من اذنابه او اتباعه ابدا...

حضرتك معانا هنا واللا ردك ده لموضوع تانى وحطيته غلط؟

**تامر.محمد** · 17-02-2011 01:50 PM

يا رجالة بالله عليكم
مفيش داعي للتشاحن

-

الموضوع: احذروا الثورة المضادة ..... النظام لم يسقط بعد

LinkBack

أدوات الموضوع

عرض

-

-

-

-

-

-

-

المواضيع المتشابهه

ممدوح حمزة راعي الثورة المضادة والأعتصامات...أحد رموز الفساد في النظام البائد

الحمد لله اخيرا انتصرت الثورة وتم القضاء على الثورة المضادة

للفهم و ليس المجادله - الرئيس اتخلع و لم يسقط النظام بعد

الثورة المضادة - احذروا من وقودها

الكلمات الدلالية لهذا الموضوع

المفضلات

المفضلات

ضوابط المشاركة