الموضوع: وماذا بعد سقوط ليبيا ؟؟؟؟؟؟؟؟؟

هو ايه المشكلة في التقسيم ؟
ايه المشكله لو جماعتين مش طايقين بعض ما ينفصلوا بالحسنى ؟!!!
هي الحدود اللي حضرتك خايف عليها هو احنا اللي رسمناها ولا الاستعمار ؟

ومعلش تعليق اخر
اللي بيحصل في الدول العربية مش شغل صهاينة ومؤمرات لا
ده شغل عقول عربية
في حاجة اسمها الوعي الجماعي وده مُعدي بين جماعات البشر
يعني لما حصلت الثورة في تونس كلنا اعجبنا بيها واتفتح في عقل كل شاب وعي جديد انه قادر يغير
كنت فاكر تعليق من احد الاخوه هنا لما بوععزيزي اتحرق وقامت علشانه ثورة في تونس كان قال "بصو يا جماعة علشان محدش يقول ان واحد فرد ميقدرش يغير يعني حش يقول وانا مالي "او كما قال مش فاكر النص
الوعي الجماعي اتنقل للمصريين اللي هو الوعي بالقدرة على تغيير الحاكم المستبد وفعلا الشباب نزل وكل ما يهزم فرد عسكري شرطه كل ما وعيه يزيد وكل ما يهزم مدرعة جنود الوعي يزيد لغاية ما هزم جهاز شرطة كامل تعداده اكثر من 2 مليون وخلاهم يهربوا بعد كده كل مدى ما باب الوعي عنده يكبر ويكبر كل يوم لغاية ما طالب باسقاط الرئيس لغاية ما حصل
علشان كده لو تفتكر ان طلبات الثورة كانت بتزيد يوم بعد يوم وكانت السلطة متأخرة يومين عن سرعة وعي الشباب لغاية ما حصل اللي حصل
انا معاك ان في ناس باب الوعي معاها اتقفل بعد يوم او يومين بس تاثيرهم السلبي مقدرش يأثر على الوعي الجمعي للاكثرية اللي اتركزت في ميدان التحرير وفي ميادين المحافظات
معلش انا رغيت كثير بس عايز اقول
ان الوعي ده بيتنقل عن طريق المتابعة والمشاهدة (الفضائيات) واللي اتركزت على ميدان التحرير لمدة 18 يوم واتنقل لليبيا اللي اساسا متركزة بين وعي شباب تونس ووعي شباب مصر وبعدين اتنقل للبحرين والاردن واليمن
الغريب انه بدأ يتنقل عالميا ووصل للصين ايوه الصين هناك الشباب عايز يعمل ثورة ياسمين
صدقني لا امريكا ولا اسرائيل عملت ده ولا قادرة تصد اللي يتعمل ده
دي معجزة الهية
اللي حصل في مصر ده شبيه بمعركة بدر الكبرى لان الوعي ده دفع رباني والهام سماوي
الحرب دلوقت هي حرب بين وعي ايجابي يسود ووعي سلبي ممتعض
علشان كده لازم نركز في ميدان التحرير
اسال اللي نزلوا ميدان التحرير عن شعورهم وهما يهتفوا في الميدان وشعورهم بعد ما يرجعوا البيت هيقولولك على شعور لا يمكن وصفه حسوه وسط الجموع في الميدان

شفت لما التلفزيونات عرضت الشباب والاولاد وهما يكنسوا الشوارع ويدهنوا الارصفة اراهن اي حد في القاهرة مثلا قادر يمنع عياله انهم ينزلوا يشاركوا زملائهم

عرفت ان العميل هو وعي وادراك الناس مش امريكا ولا اسرائيل