الموضوع: وماذا بعد سقوط ليبيا ؟؟؟؟؟؟؟؟؟

المشاركة الأصلية كتبت بواسطة ghazy12

بصراحه يا دكتور, و مع كامل احترامي و تقديري لرأيك, لكن انا مش مقتنع...
اصل السيناريو ده غريب جدااا,
السيناريو ده والله يا غازي قراته في اواخر السبعينات في كتاب لكن طبعا مستحيل اجده دلوقت بس طبعا مكانش بيتكلم عن ثورات شعبية كان بيتكلم عن خطط للتقسيم وافتكرت الكلام اللى فيه مع توالي الثورات بالشكل ده ومتخوف ان يكون ده سبب او مقدمة للتقسيم

انا شخصياً شايف و حاسس ان كل ده هيحصل و بيحصل كمان...

عموماً الايام خير دليل على كلامي يا دكتور ان شاء الله, و يمكن اطلع غلطان,
و يمكن اطلع صح, و احساسي و وجهة نظري كانت صح, و الله اعلم...

تقبل تحياتي يا دكتور...

زي ما قلت لشهدي قبل كدة ما اتمني غير انك تطلع على صواب واطلع انا على خطأ

المشاركة الأصلية كتبت بواسطة tito17182

+1111111111111111

يا دكتور ماتزعلش مني أنا مقصودش حاجة والله

المشاركة الأصلية كتبت بواسطة ahmedjumpo

اذن يا دكتور حضرتك متفق معانا على ان هذه الثورات هى شعبية بالمقام الاول و ذلك بسبب الفساد و القهر و غباء الحكام و بالتالى اثبات ان ما يحدث لا يمكن ان يكون بترتيب او مؤمرات غربية و الرابط المشترك بين هذه الثورات هو فساد الحكام و غباءهم و سبب توالى الثورات هو ان كلما نجح شعب فى الاطاحة بنظامه كلما تشجعت الشعوب الاخرى و اكتشفت انها ايضا تستطيع هذا

متفق معك تماما طبعا

و شاهد مدى الضمت الرهيب فى العالم الغربى على المجازر التى ترتكبها تلك الانظمة الفاسدة و مدى شعورها بالصدمة من جراء هذه الثورات
الغرب لا يهمه الا مصلحته ولو وجد ان مصلحته ان يتولي الشيطان حكم اي دولة عربية سيساعده بكل الطرق

كمان حضرتك متفق ان السعودية تم تاسيسها من قبل المخابرات الاجنبية وبالتالى اى محاولة للتقسيم ليست فى صالح الدول الغربية

المصالح تتغير دوما يا صديقي

و اما ما يخص ان الامير نايف هو الاقوى فهذا ليس بصحيح لان كما تعلم حضرتك ان الامير سلطان هو اخر ولى عهد و ان الملك القادم سيختار عن طريق مجلس البيعة وهنا لا احد يدرى ما هى التربيطات الداخلية لاختيار الملك القادم

الامير سلطان هو الاخر كبير في السن ومرضه وعدم سطوته مثل الامير نايف وابنه محمد تجعل الاغلب الامير محمد وانت عارف جبروته دلوقت زي الامير سلمان في التسعينيات ولكن من يدري بما يجري في الكواليس

اما بخصوص ثورة يوليو فهذه لم تكن ثورة شعبية بل انقلاب عسكرى من ضباط بالجيش و ظن الشعب المغلوب على امره انها قد تجعل البلاد افضل و لكن بسبب الاستكانة الشعبية فتحولوا الى ديكتاتوريات و يا فرعون ايه فرعنك

متفق معاك لكن هايطلع لك واحد ناصري دلوقت يديك اتهامات محترمة زي اللى البهوات بيقولوها

شيئ طبيعى انك لما تريد ان تتخلص من نظام فاسد مستبد لابد ان تمر على مرحلة الفوضى لان هذا النظام الفاسد له اتباع و مستفيدين و لن يستسلموا بسهولة فهذه هى الحرب الازلية بين الخير و الشر
لما يكون المستفيدين دول مقتنعين بفكر يبقي فيه خطر كبير جدا زي حزب البعث في العراق مثلا لكن الحزب الوطني كان حزب مصالح وكلنا عارفين كدة كويس
حتي اعضاء الحزب الوطني اللى هنا وهما يعرفوا نفسهم اكتر مني وجايين يعملوا دلوقت من رواد الثورة ويرموا بلاهم عليا وعلى غيري علشان يغسلوا اديهم من وزر الانتساب لهذه الحزب للحصول على مميزاته يعرفون انه لم يكن حزب سياسي بل كانت شلة منتفعين

مازالت حضرتك لم تجاوب على السؤال يا دكتور ما هى كانت اهدافك من الخروج يوم 25 يناير و ما الذى تحقق منها حتى تكتفى بيه
و لو افترضنا جدلا ان الاهداف كانت بسيطة فى الاول و ده مش صحيح

ده الصحيح وراجع حضرتك موضوع الاضراب هنا وكان من 3 اجزاء بدات مع يوم 25

و تزايدت مع الوقت فده سلوك بشرى صحى ففى الاول كان الناس بتخاف و بتقول لو احقق جزء من الاحلام و لكنها وجدت ان الطريق ممهد لتحقيق باقى الاحلام فلما لا و ليه اقبل بالفتات طالما فى الامكان ان احصل على الكثير
صح هو ده اللى حصل وكل ما كان غباء النظام السابق بيزيد ويقتنع انه قادر على مواجهة الطوفان كل ما كان عناد المتظاهرين بيزيد وتتحول من مظاهرات الى ثورة
و هذا الفيديو اليك يا دكتور و هو من احداث 25 يناير و فيه تجد ان المتظاهرين فى ميدان التحرير طالبوا من يوم 25 يناير برحيل مبارك و ليس كما تقول حضرتك ان رحيل مبارك لم يكن من الاهداف و لكنه حدث مع ارتفاع سقف المطالب
[youtube]http://www.youtube.com/watch?v=dkkkyyoks10&nr=1[/youtube]

جملة الشعب يريد اسقاط النظام التي قيلت في التحرير يومها اقسم بالله ان معظم الموجودين لم يكونوا يقصدوا منها ما حدث الان وهذا الكلام من الموجودين وقتها في التحرير وكنت انا منهم وبالطبع انا اري ما حولي اكثر ممن يري في لقطة موبايل