بصراحه يا دكتور, و مع كامل احترامي و تقديري لرأيك, لكن انا مش مقتنع...
اصل السيناريو ده غريب جدااا, و بعدين لو افترضنا ان دوله زي اسرائيل
على سبيل المثال ليها مصلحه في تقسيم مصر.. طيب ماهو كان عندهم
الكنز الاستراتيجي حسني مبارك (على حد تعبيرهم) و كان افضلهم
من ان الشعب المصري يثور و يفهم و يعرف ما له و ما عليه...
ده مافيش شخص في البلد مهما كانت ثقافته إلا و بيتكلم في السياسه و فاهم
قدر استيعابه بعض ما يدور حوله, و بعض السياسات...!!
ما كانوش يستنوا لما الوطنيه و حب الوطن اللي اتدفن داخل كل مصري
يصحى و يثور من جديد علشان يعملوا كده, لان افضلهم اننا نكون في حالة
خمول تااااااام و نسيان للوطن و الوطنيه و واجبنا تجاه بلدنا...
تصدق و تؤمن بالله... ان اسرائيل او امريكا او اي دوله في العالم تطمع
في مصر او ارضها فكروا بس انهم يهوبوا ناحية البلد, كل الملايين اللي
بتشوفها في الشارع و ميدان التحرير و اسكندريه و كل محافظات مصر
هيتقلبوا في لحظه لعساكر للجيش المصري, و العالم كله يعلم ما هو الجيش
المصري, و شوف لما البلد كلها تبقى جيش بقى...!! خلصت
كذلك اظن هيكون الحال مع كل الدول العربيه الثائره...
انت مش حاسس بالتلاحم العربي بين شعوب و دول الوطن العربي الفتره دي..؟؟
مش حاسس ان لو اي بلد في الوطن العربي اتلمست بعد الاحداث الجاريه
هيبقى في تكاتف تاااااام للعرب على كلمه واحده و موقف واحد..؟؟
انا شخصياً شايف و حاسس ان كل ده هيحصل و بيحصل كمان...
عموماً الايام خير دليل على كلامي يا دكتور ان شاء الله, و يمكن اطلع غلطان,
و يمكن اطلع صح, و احساسي و وجهة نظري كانت صح, و الله اعلم...
تقبل تحياتي يا دكتور...
المفضلات