الموضوع: انا اسف يارئيس مصر الاسبق

بص يا باشا لصاحب الموضوع

مش هقولك غير:



قال رسول الله صلى الله عليه وسلم: {كلكم راع وكلكم مسئول عن رعيته، الرجل راع في أهل بيته ومسئول عن رعيته، والمرأة راعية في بيتها ومسئولة عن رعيتها، ثم ذكر الولاة، ثم قال: ألا كلكم راع وكلكم مسئول عن رعيته }.

المسؤول الاول والاخير لكل الحاجات اللى بتحصل فى مصر دى هو الراعى وهو الرئيس .. لانه ترك الفساد ينتشر فى عهده ...

و كما قال لك الاخوه :

يا كاتب المقال لو كنت صادق مع نفسك ادعو الله ان يحشرك مع من احببت
اللهم احشره مع حبيبه مبارك

هارد على مقالتك الطويله اللى ما استحملتش اكملها

سيدنا عمر ابن الخطاب قال لو تعثرت دابه فى العراق لسئل عنها عمر (لم لم تمهد لها الطريق)
و دى الدابه
على الله تكون وصلت

ياااااااااااااااااااا رجالة ابوس ايديكم اتغيروااااااااااااااا
بلاش كلام القائمة السودا و اشفك عليك مما تلقاه و و و و
يا جماعة ثقافة الحوااااااااااااااااااااا اار ما تسيبوا الناس تقول اللى عايزاه
انا عارف ان الموضوع مستفز لينا كمعارضين و معانا الحق اعتقد بس فين الحرية اللى نادينا بيها اذا كنا هنصادرها على المؤيدين ؟؟؟

الاختلاف فى وجهات النظر لا يفسد للود قضية !!
كلنا اخوات فالله و مصريين و كل واحد حر فى رأيو

المشاركة الأصلية كتبت بواسطة dr-mohamed

محدش هيقرا ولا هايسمع متتعبش نفسك


تصدق راحت عن بالي الجزئية دي



انا قرات الموضوع بالكلمة والردود كلها بالكلمة والابتسامة لا تفارقني لسبب واحد تخيلت لو كتبت نصف ما جاء في الموضوع ماذا ستكون الردود
هدف صاحب الموضوع من المقال واضح جدا وهو ما ابتعد عنه الكثيرين ودعوا عليه بشكل غير مباشر بالالقاء فيالنار حتي لو ادعوا ذلك
هدف صاحب الموضوع ان يقول ان مبارك لم يكن فاسدا وحده بل الكل فاسدين ولكن الكل تناسي اخطائه والقوا بكل خطايا الكون على مبارك ونسوا ان كل منا ساهم بجزء في هذا الفساد
من دفع رشوة لانهاء مصلحة ساهم في الفساد
المدرس الذي لا يشرح في المدرسة ويجري على الدروس في منتصف اليوم الدارسي مساهم في الفساد
الطبيب الذي لا يرعي الله في المستشفي الحكومي ويكشف على مريضين تلاتة بقرف ويجري على العيادة الخاصة والمستشفي الخاص مساهم في الفساد
المهندس الذي يوقع على المستخلصات للمقاول وهو يعلم انه خالف المواصفات مساهم في الفساد
العامل الذي لا يتقن عمله ويتفغل صاحب العمل مساهم في الفساد
صاحب العمل الذي يمتص دم العامل لاخر قطرة ولا يعطيه حقه مساهم في الفساد
الزوج والزوجة الذين لا يرعيان الله في تعاملهما وفي اولادهما مساهمان في الفساد
الطالب الذي يعتمد على الغش لينجح مساهم في الفساد
دكتور الجامعة الذي لا يرعي الله في محاضرته ويجبر الطلاب على شراء الكتاب مساهم في الفساد

هل كل منا قام بما عليه (كلكم راعي وكلكم مسئول عن رعيته ) هل قام كل منا بواجبه كراعي ؟
هل تطهر كل منا من خطاياه قبل ان يرمي مبارك بحجر
لا اقول ان مبارك لم يشجع الفساد في اخر 10 سنوات ولا اقول انه كان ملاك منزل من السماء فله خطاياه ولكن دعونا لا ننظر لخطايا الناس فتكبر في أعيننا وننسي خطايانا فتصغر في أعيننا حتي لا نراها
تخلصنا من حكم مبارك بحمد الله وعونه وحده ولو اراد الله لانتقل الحكم منه لابنه
فهل يبدأ كل منا في القيام بما عليه ؟
هل نتخلص من فساد نفوسنا ؟
هل بدأنا العمل بما يرضي الله ؟؟؟؟؟؟؟؟؟؟


لصاحب الموضوع اول مرة اقرا لك لكني اشفق عليك وقد وضعت نفسك في القائمة السوداء

اي حد كان يقدر يعمل حاجه, كان بيعملها على فكره, لكن بحدود لانه عارف ان بعد كده
هيبقى بصدد حاجه من 2... يا هيتهان و يتهزق و يخسر كرامته, يا هيتحبس و هيخسر نفسه...

على كلامك يا دكتور, و كلام صاحب الموضوع لو كان ده قصده, يبقى من المفترض فيه
ان كل الشعب المصري اللي رافض الفساد ده كله, و عايز يعيش في مجتمع محترم و نظيف
يهاااااااااجر و يسيب البلد سعياً وراء مجتمع به عداله و احترام و شرف و امانه و .........

لو البلد دي كانت ماشيه صح و حسب الدستور و القانون, كنت اقولك عندك حق و مبارك
مش هو اللي يشيل اي فساد او خراب حاصل في البلد, لان احنا كشعب اللي كنا بنوافق او بنرفض...

لكن البلد دي للاسف تم اختزالها في شخص واحد فقط و هو حسني مبارك, و بالتابعيه هو مد
سلطاته الى كل فرد من عائلته او قريب ليه, حتى الدستور فصله و غيره على مزاج سعادته
علشان يبقى مناسب و على مقاس الباشا الصغير ( جمال بيه مبارك ) او ( مبارك الابن )..!!

كل مؤسسات الدوله كان فيها ناس من نفس العينه دي, و مشتركين في مصلحه واحده و هدف واحد
و هو (( خرااااااااااااب البلد دي, و نهب و سرقة شعبها بكل السبل و الوسائل..!! ))......

يعني بالبلدي دي كانت العزبه بتاعة مبارك و العائله و الحاشيه و اللي منهم.... يبقى مستني ايه؟؟

عايز الناس تعمل ايه بس..!!؟؟؟؟ تطلع من هدومها..؟؟ ولا يدخلوا نفسهم السجن برجليهم..؟؟
ولا يروح يهزق و يهين نفسه بنفسه و برجليه بردو..؟؟؟ و ساعتها مافيش حد كان هيقول ولا هيفتكر
ان الراجل اللي اتهان او اتسجن ده كان صاحب حق, او راجل شريف و محترم... لأ...
كان هيبقى رد سجون و زباله و دون, و عيب الاختلاط بيه لانه اتسجن و ماحدش هيبقى عايز يشبه نفسه..

ارجوكم فكروا بالمنطق, لان كده الموضوع خرج عن كونه نقاش هادف و عقلاني, و بقى دروس
غير واقعيه بالمره للناس سواء في الدين او في السياسه او في المناقشه المتزنه و الحوار...!!!

انا بعتذر يا دكتور, لكن اللي بيقوله صاحب الموضوع او اللي بتحاول توصله حضرتك من ردك
انا مش قادر ابدااا ابداااااا اتخيله... كما لو ان الناس كانت عايشه في زمن غير الزمن اللي كنا فيه بجد...

عموماً... كل الاحترام لكل وجهات النظر