الموضوع: انا اسف يارئيس مصر الاسبق

المشاركة الأصلية كتبت بواسطة kshussein

هو لسة فى ناس بالغباء و الضلال دة يارب احشرة مع حبيبة حسنى مبارك فى الدرك الاسفل من النار

الديمقراطيه أنك تحترم الرأي الأخر

أنا آسف يا ريس إننا صبرنا عليك 30 سنة و كان لازم نخلعك من 25 سنة

تابع

حملة آسفون يا مبارك (منقول من بريدي)

حيث أنه لم يتاح لي الانضمام الى مظاهرة الاعتذار ورد الجميل الى الرئيس مبارك ، وحيث أنني أثق أن الملايين من أبناء مصر (غير المندسين أو أصحاب الأجندات) يشاركونني نفس الشعور،

فأقترح الأفكار التالية ليكون "التكريم" لمبارك بشكل عملي:

· عمل مظاهرة تأييد لمبارك تبدأ من ميدان التحرير وتتوجه لشرم الشيخ لإعادة مبارك الى الحكم محمولا على الأعناق.
· تقديم اعتدار مكتوب للسيد الرئيس نيابة عن القلة المندسة التي وصلت الى 22 مليون متظاهر خلال الـ 18 يوم السوداء في تاريخنا.
· المطالبة بتعيين السيد جمال مبارك نائب والسيدة سوزان مبارك "نائبة" للرئيس.
· جمع حملة للتبرعات من الشعب المصري لتكملة الـ70 مليار الى 100 مليار (هي الـ 70 مليار يعملوا ايه اليومين دول)، ودلك بأن يتبرع كل مواطن بألف أو ألفين جنيه، وعلى المواطن الغير قادر أن يقوم ببيع كليته أو عينه أو أدنه أو أي عضو لا يلزمه، وادا لم يستطع دلك فيجب أن يقوم باشعال النار في نفسه قربانا للسيد الرئيس.
· اعادة جميع الأوضاع الى ما كانت عليه وأهمها عودة السيد حبيب العادلي الى منصبه مع منحه نوط "السلخانة" من الدرجة الأولى وتعويضه بالقبض على مليون أو مليونان من "المندسين" واطلاق يده للاستمتاع بتعديبهم حتى الموت بالطرق التي تروق لسيادته.
· اعطاء توجيهات لمجمع اللغة العربية لالغاء بعض الكلمات مثل "الفساد" و"ارحل" و"باطل" تحسبا لأي مظاهرات مستقبلية.
· اصدار قرار جمهوري بمنع أي شخص من الوقوف وراء السيد عمر سليمان.
· تسريح الجيش المصري بالكامل واستبداله بقوات من البلطجية الأشاوس المغاوير وانشاء قوات خاصة تابعة له من البغال والجمال والخيول و الحمير ويسمى سلاح الحيوان ويمكن اضافة حيوانات جديدة كالأفيال والكركدن ووحيد القرن والكانجارو.
· الاستفتاء على شعار جديد لوزارة الداخلية من أحد الشعارات التالية: "الشعب في خدمة الشرطة" أو الشعب في خدمة أهل الشرطة" أو "الشعب مالوش لازمة أساسا".
· تشكيل وزارة جديدة للردح والأباحة وتعيين السيد مرتضى منصور وزيرا لها مدى الحياة.
· تعيين الفنانة زينة وزيرة للثقافة والفنانة سماح أنور وزيرة للاعلام
· قيام حملة مشتركة من أمن الدولة مع السادة البلطجية لتطهير الفجالة من كل الأجندات الموجودة مع اعتقال جميع العملاء تجار الأجندات الذين يمولون من ايران وحزب الله وأفغانستان وأمريكا واسرائيل والسويد والنرويج وكوالا لامبور.
· اعادة مصانع الحديد للسيد أحمد عز مع تعويضه باضافة جميع مصانع النحاس والألومنيوم والزنك والقصدير وجميع معادن جدول مندليف الى ممتلكاته.
· عقد صفقة تصدير كل الانتاج المصري من الغاز والبترول والكهرباء والفحم والشمع والكبريت الى اسرائيل بربع التكلفة للمساهمة في تحسين اقتصاد تلك الدولة الشقيقة والصديقة وشكراً لها على حزنها على رحيل مبارك أكثر من أي أحد في العالم.
· تكريم السيدة الفاضلة عائشة عبد الهادي التي أعلنت أن تقبيلها ليد السيدة سوزان لهو شرف لها وذلك بأن يتم تنظيم مظاهرة مليونية تحت شعار "أبوس ايديك أوعي تمشي" وأن تحصل سيادتها على شرف تقبيل أيدي وأرجل كل المتظاهرين.
· اعادة السيد صفوت الشريف الى مهنته الأصلية (أيوه الأصلية خالص) التي يعلمها الجميع.
· تغيير اسم ميدان التحرير الى ميدان القلة المندسة.
· القبض على صاحب محلات كنتاكي واعدامه بالخازوق في ميدان "القلة المندسة".


وهدا أقل القليل تكريما لرجل لم يكن يوماً طالب سلطة على حد قوله ومع ذلك بقي فيها 30 عاما بالتزوير وبدون انتخاب،
هدا أقل القليل تكريما لرجلا عاش يدافع عن أبنائه المصريين على حد قوله ومع ذلك أمربقتل أكثر من 600 شهيد في مظاهرات سلمية،
هذا أقل القليل تكريما لرجلا أعلن أنه يحارب الفساد ومع ذلك سمح للفاسدين أمثال ممدوح اسماعيل وأحمد عز وصفوت الشريف وغيرهم المئات بأن يرتعوا بالفساد في أنحاء البلاد،
هذا أقل القليل تكريما لرجلا عاش-كما يدعى- يدافع عن كرامة مصر ومع ذلك سمح بإهانة واستباحة دماء وأعراض وأموال المصريين في مصر و العراق والسعودية وغيرها،
هدا أقل القليل تكريما لرجلا عاش - كما يدعى - يدافع عن أمن مصر ومع ذلك فرط في أمن مصر المائي في افريقيا وأمن مصر الغدائي ,أمن مصر الحدودي مع اسرائيل،
هدا أقل القليل تكريما لرجلا عاش-كما يدعى- يدافع عن دور مصر الأقليمي ومع ذلك بنى الجدار العازل وأغلق المعابر وشارك في تدميرغزة و العراق وتفكيك السودان وكان أول المطالبين ببقاؤه قادة اسرائيل

المشاركة الأصلية كتبت بواسطة SALAHHAKIM

انا اسف يارئيس مصر الاسبق

بنغلط بدون منفهم بدون دليل ولما نقول ياجماعة عيب ده قذف محصنات يا جماعة دة بهتان

قال تعالى : ( وَ الَّذِينَ يُؤْذُونَ الْمُؤْمِنِينَ وَ الْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَ إِثْمًا مُبِينًا ) [ الأحزاب : 58 ] .
...
و المعنيّون بالوعيد في هذه الآية هم الذين يستطيلون في أعراض المسلمين ظلماً و عدواناً ( أي ينسبون إليهم ما هم برآء منه لم يعملوه و لم يفعلوه " فقد احتملوا بهتاناً و إثماً مبيناً " و هذا هو البَهت الكبير : أن يحكيَ أو ينقل عن المؤمنين و المؤمنات ما لم يفعلوه على سبيل العيب و التنقص لهم ) كما قال ابن كثيرٍ في تفسيره .

يكون الرد ان انا تبع الحزب او عميل

انا اسف يارئيس مصر الاسبق

لان شعب مصر بينسي بينسي حتي صورة في فليم من السبعينات لمشهد اتوبيس نقل عام او بالاصح علبة سردين وكان عددنا اربعين مليون ولما بقينا 85 بيقينا زحمة بس مش سردين

واخترعنا الاسلوب الجديد ناكل فول من عربية في الشارع واحنا عارفين بيغسل الاطباق فين ولما يجلنا فيرس سي نتهم مبارك

و مين المسئول عن وجود عربية فول ما بتغسلش أطباقها كويس فى الشارع أقولك مين بالترتيب:
1- المسئول عن وصول حالة الفقر لصاحب عربية الفول إنه يلجأ لها
2- المسئول عن عدم صدور ترخيص لعربية الفول
3- المسئول عن عدم التفتيش على الأدوات و الكشف على بائع الفول
4- المسئول المواطن الغلبان اللى مالاقاش غير عربية الفول عشان يفطر منها لأن سندوتش شامى صغير لا يسمن و لا يغنى من جوع فى أسوأ و أصغر محل بجنيه و برده مانتش ضامن نظافته
5-المسئول البلدية اللى سايبة بائع متجول بدون رخصة يبيع فى سبيل إنهم ياخدوا ببلاش.



نشرب قصب واحنا بردو عرفين الاكواب عمرها ماشافت صابون ويجلنا تيفود ونتهم مبارك , ناكل كشري في علب مصنوعة من مخلفات طبية ونتهم مبارك انة السبب , نشتري العاب اطفال مصنوعة من خراطيم اسطرة واقطان جراحة ونتهم مبارك , نزور ونطمس لوحات السيارات ونتهم مبارك , طبق 10 جنية واديها لأمين شرطة عشان حزام مش مربوط ونتهم مبارك ,تروح تطلع رخصة وانت عبقري بطيخ وتدور بالكوسة ونتهم مبارك ,نرفض استخراج بطاقة انتخابية ونزعل لما حزب يكتسح ونتهم مبارك , ده احنا حتي بنشكل وجدان وثقافة الاخرين مثال . صاحب محطة البنزين لعامل جديد انت حتاخد مرتب 100 انت ناسي انك حتاخد بقشيش جنية علي السيارة ده انت كمان حتدفع ربع البقشيش للمحطة ( الكلام ده فعلاً واقع) احنا بندفع للسايس شهرياً 70 الف جنية

عصير القصب
1- المسئول عن إن المحلات دى موجودة عينى عينك و عمر ما جالها تفتيش من وزارة الصحة عشان يتأكد من سلامة الأكواب أو عملوا اجراء و قفلوا محل مثلا عشان يتعظ الباقى
علب الكشرى
2- المسئول هو اللى ما عارف بتتصنع من إيه و سايبها تتصنع و تتباع قدام عينه مش المواطن الغلبان اللى ما عندوش ثقافة سعادتك أصلا عشان يعر ف المعلومة
عسكرى المرور
3- المسئول اللى خلى مرتبه فى مدة تجنيده 50 جنيه يعمل بيهم كل اللى انت بتعمله بمرتبك
الرخصة
4- المسئول قبل اللى بيرشى هو المرتشى اللى ارتشى لحاجتين أولا حاجته للفلوس لأنه مظلوم و ثانيا لأن ما لقاش حد يحاسبه
الانتخابات
5- لما حزب يكتسح سواء الناس انتخبت أو لأ يبقى المسئول هو اللى وصل للناس إن صوتكم مالوش وزن بدليل إن أحد المرشحين فى الانتخابات السابقة لم يجد صوته الشخصى فى النتيجة و هو مازال يؤكد أنه صوت لنفسه بس برده أخد صفر
محطات البنزين
6- المسئول هو اللى ما حطش حد أدنى للأجور عشان صاحب المحطة يتحكم براحته


حسب احصاء ميداني لمجلة عربيتي علي اكثر من 20 سايس, حد فكر في الكلام ده , اه منساش نتهم مبارك

ننسى ان الفساد موجود في كل عصر وكل زمان من اول الخلق حتي يوم الدين (قابيل وهابيل, عصور كل الانبياء , عصور الخلفاء الراشدين ) احنا بس كل الي علينا نحارب الفساد ومنسكتش علية لكن لا ءحنتهم مبارك


الفساد موجود فى كل العصور بس ده العصر الأبرز لأن مافيش جهة حاليا ما فيهاش فساد

ننسي ان احنا اصحاب ثقافة الستر والتستر نبقي عارفين وشيفين بعنينا ونقول اسكت دة عندة عيال يا عم ده فاسد ( ده بيكدب ده بيسرق دة بيرتشي ده بيخون ده بيقتل )الرد ديماً واحد استر علية ده عندة كوم لحم وطبعا نتهم مبارك .

المسئول عن النقطة دى بالذات هو إن الكبير ما بيقعش فى بلدنا فالكل و أنا معاك إن دى سلبية بيخاف يوقع الصغير لأن الصغير لو شايف الكبير نضيف أو بيتحاسب أو حتى هو عن نفسه واخد حقه ما كانش عمل كده و الناس اللى بتتستر بيصعب عليها اللى بيسرق عشان يعيش و على فكرة أيام الرسول عليه الصلاة و السلام لم يكن يقطع يد من سرق ليأكل.

ننسي عمل مقارنة بين العصور

في عهد الرئيس عبد الناصر ذو شعبية الملاين واخد مصر قطعة من الجنة حرية بنية اساسية وتحتية ومجتمع صناعي وزراعي كل دة راح فين محدش يقدر يتكلم ولا يفتح بقة لما ارسل شعب مصر (لتصدير الثورة )لكل من اليمن الكونغو الجزائر ليكون شعب مصر فداء لشعوب اخرى ويكون الخط الاول للدفاع وليس الثاني او خط الدفاع الداعم او المساند لاء خط الدفاع الاول والاخير والوحيد

هل تعلم كم جماعة سياسية انضم لها الرئيس عبد الناصر ؟ 6 جماعات وحركات حد يقدر يتكلم لاء الحدث الاهم في عهدة الميمون خطة الحرب والدفاع والتوزيع الاستراتيجى للحربية تنشر علي صفحات الجرائد صفحة اولى علي يد الكاتب العبقري محمد حسنين هيكل حد يقدر يتكلم طبعا لاء كل السيطرة دي بسبب علم الداعاية والحرب النفسية والاعلام

علي يد عباقرة هذا المجال مثل السيد محمد فايق والسيد عبد القادر حاتم . ننسى في الهزيمة الساحقة للشعب المصري خرج علينا العبقري الاعلامي حمدي قنديل ليعلن النصر الساحق للجيش المصري ولا حد حاسب ولا حد فاهم ده لحد دلوقتي والله بشوف ناس شايلة صور الرئيس عبد الناصر حرية شخصية

عارف ليه لأن كان ليك كرامة كمصرى وقتها كرامة ناس دلوقتى نسيتها و نسيت معناها و كل الناس فرحانة إنه ٌعدنا 30 سنة من غير حروب بس ده كان على حساب إيه؟
هل كان عن قوة و واقف دبلوماسية حازمة؟
للأسف لأ و الجميل إن الكل يقوللك ما استجابش للاستفزاز و دخل حرب لأأأأأأأأ أنا رأيى كان يستجيب للاستفزاز مادام على حساب كرامة الشعب والمواطن يعنى مش قوة لما حد يضربك على قفاك و ما يعتذرش حتى و انت تقول مش هيقدر يستفزنى إنى أتخانق معاه
و عشان كلامى ما يبقاش مرسل (إيه رأيك فى التلاتة المجندين اللى اتقتلوا على حدود رفح بالرصاصات الإسرائيلية و اسرائيل طلعت تقول معلش ضربناهم غلط!!!!!!!/ و إيه رأيك لما التلفزيون الغسرائيلى يعلن إنه قتل أسرى عزل من مصر بعد حرب 73 و ما يتحركش حد فى الدولة يقول دول حقهم فين) مين المسئول من وجهة نظرك

ننسي كم المدارس والمستشفيات والجامعات والطرق والكباري والمدن الجديدة والاهم محطات تحلية المياة ومحطات توليد الطاقة وشبكة الغاز العملاقة والمكتشفات البترولية والانفتاح الاقتصادى والمشروعات الخدمية العملاقة مترو انفاق وزارات

جديدة ومحافظات جديدة الخ كل ده مش مبارك الي عملة لا ده مبارك ده معملش حاجة ......

انا اسف يارئيس مصر الاسبق

إحنا مش ناكرين للجميل و لا بنقول اللى لينا و ننسى اللى علينا مافيش حد فى الدنيا مالوش حسنات زى مالو سيئات و احنا مش بنتكلم عن ملاك أو شيطان احنا بنتكلم عن بشر عمل حاجات كويسة زى ما عمل حاجات كتير سيئة لكن طبعا التقييم لازم يكون بالنتيجة النهائية و المحصلة إيه:
يعنى تصور مثلا كم المدارس اللى موجودة و انت عندك نسبة أمية مصنفة دوليا مين المسئول
ده حتى المتعلمين و واخدين بكالريوس و ليسانس و لا طلعوا بحاجة أكتر من إنهم بقوا يعرفوا يقروا و يكتبوا مين المسئول

المدن الجديدة اللى سعر المتر فيها ب8000 جنيه (مدينتى على سبيل المثال) و لا اللى سعر المتر فيها 40000 زى 6 أكتوبر و أقل مواصلة توديك و ترجعك منها بتعمل 5 جنيه فى اليوم على الأقل

و المواصلات و الطرق و كل حاجة اتعملت إيه نتيجتها الزحمة خفت مثلا و لا الخدمات كلها متاحة بسهولة لكل الناس فين النتيجة فى كل اللى انت بتقوله

انت الذي اخرج الشاعر الكبير نجم من المعتقل انت الذى اخرج صحف المعارضة الي النور انت الذي سمح لبرامج التوك شو بالظهور انت الذي سمح بافلام تحرض علي الثورة عليك للعبقري خالد يوسف انت الذي سمح بوجد عمرو الليثي ووائل الابراشي ومني الشاذلي علي ساحة الاعلام المعارض انت اخطائت يا رئيس مصر الاسبق

عندما سمحت للشيخ القرضاوي بمغادرة البلاد بعد ان كان يعتقل في عهد الرئيس عبد الناصر والرئيس السادات وخرج من مصر عام 70 وحاول العودة وانت اخرجتة بسبب ارائة في رموز مصر

انت الذي سمح بكل هذا

انت الذي سمح بوجود اشاعات مضلله عن شراكة ابنائك في اغلب مشاريع البلد . بدون حتي ان ترد يارئيس مصر الاسبق الشعب من كثرة هذا الكلام كان مقتنع ان السيد جمال وعلاء انهم شركاء حتي في محلات البقالة .

انت الذي اعطي الشاعر الكبير شقتين تكريما لة في اسكان الزلزال بالمقطم وليس هذا فحسب انما ابنتة ايضاً وبطاقة تموينية ومجانية تعليم تخيل يا رئيس مصر انك تهاجم الان منهم ...

انت الذي رفض وجود جهاز اعلامي مثل جهاز اعلام الرئيس عبد الناصر

تخيل يا رئيس مصر الاسبق ان رموز الثورة قالتها صريحة علي التلفزيون المصري في برنامج مصر النهاردة للاعلامي خيرى مع كل من السيد مصطفي النجار والسيد محمد دياب والسيد عمرو سلامة والسيد معتز

والسيد وائل غنيم

اولاً انهم تلقو تدريب وكورسات في عام 2005 ,ثانيا مقابلة الدكتور البردعي قبل اعلان الثورة مرات عديدة وثالثا حريق كل مقار الحزب الوطني وضرب ا99 قسم في نصف ساعة امر طبيعي رابعاً وجودهم جميعاً في منزل السيد وائل غنيم في وقت اعلان خطاب التنحي وليس ميدان التحرير ,ادعو الجميع لمشاهده تللك الحلقة والتركيز بها الموضوع سهل جدا اعمل بحث علي جوجل .

اعذرنى إنى هلخص كل انت ذكرته هنا فى الحرية
بذمتك هى دى كانت حرية؟
أناشايف من وجهة نظرى إننا كنا بنتعرض لأسوأ أنواع الحرية و هى حرية التعبير فقط لأن ده كان آخر حدودها و ماكانتش بتتخطى الحدود دى لمرحلة التغيير أو الرد حتى يعنى بالظبط زى دكتور مستشفى الأمراض العقلية لما يسيب المرضى يشتموه هو كده من وجهة نظرك إداهم الحرية اللى نفسهم فيها


ننسى ان مشاهد صدم المواطنين بسارات الامن المركزي هو ناتج عن شيء اسمة غريزة البقاء غريزة انسانية تعالي احرق العربة المجاورة لك واحب اشوف رد فعلك حيكون اية ,نهجم علي قسم ونكسرة ونحرقة ولو مات فينا واحد حيكون شهيد انا لا انكر وجود الفساد ولكن حرق اخي المجند الذي يقود سيارة امن مركزي امر لايعقل تحت اي مسمي .

طبعا كان فيه تجاوز من بعض المغرضين و اللى ما ينتموش للثورة أصلا بس طلعوا فى الزيطة و لكن مين اللى وصل أصلا الاحتقان بين الشعب و الشرطة للمرحلة دى و مين اللى استخدم كل أنواع العنف فى قمع مظاهرات سلمية من يوم 25 يناير و أدى للتحول اللى حصل فى يوم 28 و مين اللى استخدم الرصاص الحى و المطاطى الممنوع دوليا و اللى بيسبب غرغرينا لأنه للأسف بيختر الجسم لو اتضرب من مسافات قريبة و طبعا ملوث مش معقم أكيد و اللى اتسبب فى إن مئات راحت عينهم لما اتضربوا بيه و مين اللى استخدم قنابل مسيلة منتهية الصلاحية عشان المادة اللى جواها تحرق جلد المتظاهرين اللى جت فيهم

ننسي الفرق بين سلام شيخ الازهر علي رئيس وزراء اسرائل وسلام الشيخ القرضاوي علي الحاخامات الاسرائلين الاول يطبق سياسة دولة وتنفيذ طاعة اولي الامر والالتزام بمعاهدة سلام ودين الاسلام وكل الاديان تحث علي ذالك اما الثاني فانا لا اجد مبرر لذالك غير الحرية الشخصية .ولماذا لم يقول لة ابنة شاعر الثورة عبد الرحمن يوسف القرضاوي اي شيء


أنا مش الناس اللى قالت شيخ الأزهر الحالى وحش أو الشيخ القرضاوى كويس أنا ببص على موقف موقف و انت عارف كويس إن الأزهر عندنا فى مصر و دار الإفتاء مسيسين تماما و يكفى إنهم بييجوا بالتعيين يعنى حتى لو حد فيهم شجاعته بدينه أقوى من مصلحته تانى يوم هيبقى بره السلطة دى
مثال اخير

عندما اغلق جهاز مباحث امن الدولة بعض المطابع التي تطبع كتاب الله واعتقلت القائمين عليها واخدتهم من منازلهم ثار اهلهم وقالو وقالو ولكن عندما علمو بمناشده الازهر الشريف لتلك المطابع لتحريى الدقة في الطباعة والتشكيل واخذ التصاريح الازمة للطباعة لم يقل احد من اهل المعتقلين ان اهلهم اخطئو فقط التزمو الصمت .اكرر انا لاانفي الفساد عن اي قطاع ولكن انا ضد التعميم .

مثال تانى إخبارية لأمن الدولة من مواطن عن إن فيه مسجد فى المهندسين فيه اجتماعات إرهابية وصلتهم التحريات إن مسجد ما صلاة الفجر جماعة فيه عددها كبير شوية (مش متعودين طول عمر المواطنين نايمين) يقوم ينزل الفجر يقبض على كل الناس اللى بتصلى فيه اليوم ده و يصادر كمبيوتراتهم عشان عليها حلقات لعمرو خالد و ياخد منهم كتاب حصن المسلم على أساس إنه كتاب دينى و تناوله ممنوع و يحبسهم و يحقق معاهم 22 يوم و يضيع على طالب زميل ليا امتحانات السنة النهائية فى الكلية لذنب واحد بس إنه نزل يصلى الفجر يومها فى المسجد ده

واخيرا انا اسف يا رئيس الجمهورية الاسبق لكل ماسبق انا احبك واحترمك وذالك الشعور من الصعب شرح سببة

و أنا آسف لأنى بس رديت عن نقطك و لكن كان فيه أضعاف مضاعفة من الفساد اللى مسئول عنه أولا و أخيرا رأس الفساد لأنه إن كان يعلم فتلك مصيبة و إن كان لايعلم فتلك مصيبة أكبر

واحترم فترة الرئاسة التي حكمت فيها مصر وحزين علي طريقة معاملة الشعب لك ولكني في غاية الفرح من زوال رموز امثال عز واخرين

اسف للاطالة عليكم

قبل ان يتهمني احد بأنتمائي لحزب او جهة او خيانة او عمالة ارجو منك طلبان الاول تحري الدقه ومشاهده والتحقق من كل ما كتبت

والثاني عدم القاء التهم بالباطل بدون سند او دليل
متنساش تقول ثورة مضاده
اللينك بتاع الحلقة http://elarby.com/showthread.php?t=9783

و أخيرا أدعوك تقرأ المواضيع دى و أتمنى إن يتسع صدرك لقراءتها بالكامل يمكن تعرف منها هو مسئول عن إيه

http://www.nilemotors.net/Nile/200365-a.html

http://www.nilemotors.net/Nile/200604-a.html

http://www.nilemotors.net/Nile/20045...post3873277666

المشاركة الأصلية كتبت بواسطة ahmed1981

تابع

حملة آسفون يا مبارك (منقول من بريدي)

حيث أنه لم يتاح لي الانضمام الى مظاهرة الاعتذار ورد الجميل الى الرئيس مبارك ، وحيث أنني أثق أن الملايين من أبناء مصر (غير المندسين أو أصحاب الأجندات) يشاركونني نفس الشعور،

فأقترح الأفكار التالية ليكون "التكريم" لمبارك بشكل عملي:

· عمل مظاهرة تأييد لمبارك تبدأ من ميدان التحرير وتتوجه لشرم الشيخ لإعادة مبارك الى الحكم محمولا على الأعناق.
· تقديم اعتدار مكتوب للسيد الرئيس نيابة عن القلة المندسة التي وصلت الى 22 مليون متظاهر خلال الـ 18 يوم السوداء في تاريخنا.
· المطالبة بتعيين السيد جمال مبارك نائب والسيدة سوزان مبارك "نائبة" للرئيس.
· جمع حملة للتبرعات من الشعب المصري لتكملة الـ70 مليار الى 100 مليار (هي الـ 70 مليار يعملوا ايه اليومين دول)، ودلك بأن يتبرع كل مواطن بألف أو ألفين جنيه، وعلى المواطن الغير قادر أن يقوم ببيع كليته أو عينه أو أدنه أو أي عضو لا يلزمه، وادا لم يستطع دلك فيجب أن يقوم باشعال النار في نفسه قربانا للسيد الرئيس.
· اعادة جميع الأوضاع الى ما كانت عليه وأهمها عودة السيد حبيب العادلي الى منصبه مع منحه نوط "السلخانة" من الدرجة الأولى وتعويضه بالقبض على مليون أو مليونان من "المندسين" واطلاق يده للاستمتاع بتعديبهم حتى الموت بالطرق التي تروق لسيادته.
· اعطاء توجيهات لمجمع اللغة العربية لالغاء بعض الكلمات مثل "الفساد" و"ارحل" و"باطل" تحسبا لأي مظاهرات مستقبلية.
· اصدار قرار جمهوري بمنع أي شخص من الوقوف وراء السيد عمر سليمان.
· تسريح الجيش المصري بالكامل واستبداله بقوات من البلطجية الأشاوس المغاوير وانشاء قوات خاصة تابعة له من البغال والجمال والخيول و الحمير ويسمى سلاح الحيوان ويمكن اضافة حيوانات جديدة كالأفيال والكركدن ووحيد القرن والكانجارو.
· الاستفتاء على شعار جديد لوزارة الداخلية من أحد الشعارات التالية: "الشعب في خدمة الشرطة" أو الشعب في خدمة أهل الشرطة" أو "الشعب مالوش لازمة أساسا".
· تشكيل وزارة جديدة للردح والأباحة وتعيين السيد مرتضى منصور وزيرا لها مدى الحياة.
· تعيين الفنانة زينة وزيرة للثقافة والفنانة سماح أنور وزيرة للاعلام
· قيام حملة مشتركة من أمن الدولة مع السادة البلطجية لتطهير الفجالة من كل الأجندات الموجودة مع اعتقال جميع العملاء تجار الأجندات الذين يمولون من ايران وحزب الله وأفغانستان وأمريكا واسرائيل والسويد والنرويج وكوالا لامبور.
· اعادة مصانع الحديد للسيد أحمد عز مع تعويضه باضافة جميع مصانع النحاس والألومنيوم والزنك والقصدير وجميع معادن جدول مندليف الى ممتلكاته.
· عقد صفقة تصدير كل الانتاج المصري من الغاز والبترول والكهرباء والفحم والشمع والكبريت الى اسرائيل بربع التكلفة للمساهمة في تحسين اقتصاد تلك الدولة الشقيقة والصديقة وشكراً لها على حزنها على رحيل مبارك أكثر من أي أحد في العالم.
· تكريم السيدة الفاضلة عائشة عبد الهادي التي أعلنت أن تقبيلها ليد السيدة سوزان لهو شرف لها وذلك بأن يتم تنظيم مظاهرة مليونية تحت شعار "أبوس ايديك أوعي تمشي" وأن تحصل سيادتها على شرف تقبيل أيدي وأرجل كل المتظاهرين.
· اعادة السيد صفوت الشريف الى مهنته الأصلية (أيوه الأصلية خالص) التي يعلمها الجميع.
· تغيير اسم ميدان التحرير الى ميدان القلة المندسة.
· القبض على صاحب محلات كنتاكي واعدامه بالخازوق في ميدان "القلة المندسة".


وهدا أقل القليل تكريما لرجل لم يكن يوماً طالب سلطة على حد قوله ومع ذلك بقي فيها 30 عاما بالتزوير وبدون انتخاب،
هدا أقل القليل تكريما لرجلا عاش يدافع عن أبنائه المصريين على حد قوله ومع ذلك أمربقتل أكثر من 600 شهيد في مظاهرات سلمية،
هذا أقل القليل تكريما لرجلا أعلن أنه يحارب الفساد ومع ذلك سمح للفاسدين أمثال ممدوح اسماعيل وأحمد عز وصفوت الشريف وغيرهم المئات بأن يرتعوا بالفساد في أنحاء البلاد،
هذا أقل القليل تكريما لرجلا عاش-كما يدعى- يدافع عن كرامة مصر ومع ذلك سمح بإهانة واستباحة دماء وأعراض وأموال المصريين في مصر و العراق والسعودية وغيرها،
هدا أقل القليل تكريما لرجلا عاش - كما يدعى - يدافع عن أمن مصر ومع ذلك فرط في أمن مصر المائي في افريقيا وأمن مصر الغدائي ,أمن مصر الحدودي مع اسرائيل،
هدا أقل القليل تكريما لرجلا عاش-كما يدعى- يدافع عن دور مصر الأقليمي ومع ذلك بنى الجدار العازل وأغلق المعابر وشارك في تدميرغزة و العراق وتفكيك السودان وكان أول المطالبين ببقاؤه قادة اسرائيل

100%

يا اخى سبحان الله سيدنا عمر كان يخاف ان يسئل عن مسلم و انت بتقول الكلام ده
لا حول ولا قوة الا بالله