انا اسف يارئيس مصر الاسبق

**FunnyMickey** · 22-02-2011 11:24 PM

يذكرني هذا المقال
بمقوله قيلت من القذافي تفسر كل ما جاء بالمقال

قال القذافي
لا اسنطيع ان اغلق الفيس بوك
ولكني سأعتقل كل من يدخل عليه

جميل جدا ان تعتبر انه من الحريه ان يقوم عبد الناصر باعتقال احمد فؤاد نجم والقرضاوي لمجرد انهم تكلموا بكلمه حق
ثم يأتي مبارك ليخرج نجم والقرضاوي من السجن المادي ويضعهم في السجن المعنوي

جميل ان يقوم بفتح صحف المعارضه وبرامج التوك شو ويسمح للناس بالكلام
ثم يقوم باارسال امن الدوله للقبض علي ابراهيم عيسي بدعوي مختلقه والقبض علي وائل الابراشي بتهمه ملفقه

جميل ان يقوم بالسماح للاعلام بالكلام ثم يقوم اتباعه بغلق ستوديوهات اوربت وتشريد مئات العاملين

جميل ان يقوم بتوزيع المواطنين الموجودين في اتوبيسات هيئه النقل العام علي ميكروباصات واوتوبيسات اخري لتظن ان علب السردين قد تحولت الي زحام عادي ولولاه لاصبحت علب السردين سندوتش مفتقه

واخيرا
شكرا لك علي حبك لمبارك ودفاعك عنه كانسان
واعتبار اخطاؤه خطأ بشري عادي

فارق شاسع بين موظف يسرق
ورئيس دوله يسرق

اذا فسد الراعي فسد الرعيه

**hossam_elwani** · 23-02-2011 12:07 AM

اليك رايى مع الاحترام لرايك

مبارك بكل ما له وعليه هو لم يقتنع ان دائما هناك الافضل وكان يؤمن ان لا يمكن ان يكون افضل مما كان

يعنى بكل سلبياته وايجابيته قدم الى عنده بعد فترتين 12 سنه

وفيه الى احسن منه اكيد يقدم برضه الى عنده ويروح بعد كده على بيته

السؤال الاعظم هل ما فيه مصر فى عصر مبارك على جميع النواحى هو ماتستحقه مقارنتا بدول فيها نفس خيراتها

لالالالالالالالالالالالال الالالا طبعا

عمل ايه انجاز كبير يعنى

عمر الصحراء الشرقيه و الغربيه؟؟

ازال الالغام فى الصحراء الغربيه؟؟

عمر سيناء بعيدا عن المنتجعات السياحيه الخادعه؟؟ التعمير الحقيقى هو انشاء مدن رئيسيه كبيره تفتح فرص عمل وسكن بعيدا عن وادى النيل والدلتا ...

حقق طفره فى الصناعه او الزرارعه او التعليم و الصحه ؟؟؟؟؟؟؟؟؟؟؟ لا طبعا كله زفت

اما بخصوص المفرنه بين ماكان فى 1981 وما فبل والان من حيث الطرق والعربيات وخلافه ده التطور الطبيعى للحاه الساقعه يعنى انت عايز ضرايب وموارد منهوبه وكمان مفيش انجاز ولو صغير عجبى ؟؟؟؟؟؟؟؟؟؟؟؟؟؟

العدل يوم الدين[/b]

**alynubira** · 23-02-2011 12:32 AM

نفسى اقولك حاجه بس مش عارف الاخوه الزملاء قالوا كل حاجه
اسال الله ان يهديك الى ما يحبه الله ويرضاه
الوزراء غلط طيب مين اللى عين الوزراء

**wael17** · 23-02-2011 12:58 AM

المشاركة الأصلية كتبت بواسطة ahmedsamir5edr

1. أسموا الرئيس السابق و ليس الأسبق ( جهل واضح في التفرقه بين الكلمتين عند حضرتك )

اسمه الرئيس السابق .. مش اسموا الرئيس السابق
معلش في شوية جهل عند حضرتك برده :b4_388:

**hobiko** · 23-02-2011 01:03 AM

الغريب في الناس دي ...... إن تطلع تعمل موضوع بنحب الرئيس و يجروا

مفيش حد يعد يناقش و يقنعنا ...... بتحبه على إيه

يقولو مثلاً ..... لأ دة مش فاسد ولا حرامي ....... بس محدش يقولك إيه الدليل

يقولو الحاشية هي السبب ..... طب هو صحا الصبح لقى الحاشية دي جمبو مثلاً ولا هو إلي جابهم

يقولو الوزراء هما إلي فاسدين ...... طب ليه هو مش بيراقبهم

يقولو هو حيعمل إيه ولا إيه ....... طب معلش لو مش ناوي يراقبهم ياريت حد يقولي إيه هو ال-job de......ion بتاع رئيس الجمهورية

كلمتين يترمو في موضوع و بعد كدة كلو يستخبى

**ahmedsamir5edr** · 23-02-2011 03:08 AM

المشاركة الأصلية كتبت بواسطة a7med_pharma

والله ياأحمد بيه
صدقني
أبواق كتيررررر لازم تطلع وتقول كلام زي ده
وكأننا إحنا ولاد كلب .. وإن الريس السابق(وليس الأسبق) كان ياعيني ياقلبي همه ع البلد وإحنا إلي فاسدين
طيب أقرب مثال
الشعب البرازيلي
كان معجنة من التخلف والمخدرات والدعارة والسلاح..وكانت أكبر صناعة عندهم ..هيا لعب الكورة
صح كده
شوف لما البلد مسكها واحد بيحبها ...في أقل من بضع سنين
وخد بالك إن الشعب هوا هوا ماإتغيرش
شوف البرازيل بقت فين .. وإحنا بقينا فين؟؟؟؟؟؟؟؟؟؟؟؟
أنا كل ماأقرأ عن تجربة البرازيل ..والله بحس بإحباط مقررررررف
وييجي واحد يقولك..حسني زي الفل..وإحنا إلي ولاد كلب

عندك حق فعلا .. و الأمثله للدول اللي أتغيرت كتير و مصر مش أقل من كده

أنتا عارف في مثال بس بعيد شويه .. ألمانيا .. البلد اللي من أعلي 5 بلاد في العالم في كل حاجه .. زراعه .. هندسه .. طب .. صناعه .. سلاح .. أدويه ..

البلد دي كلها أتبنت من أول و جديد بعد الحرب العالميه التانيه .. يعني ما كانتش خارجه من حرب صغيره و لعب عيال مثلا زي 67 .. و لكن شوف عملوا ايه .. ( ساعتها كانت مواردهم صفر علي الشمال )

و لكن كل اللي عملوه و هما دوله كل ما تمتلكه من موارد هو أساسا بشريه ( حاليا 82 مليون و مساحتها 1/3 من مصر ) .. ( غرس قيمه العمل ) .. و شوف بقو ايه

تغيير شامل .. ما بالك انتا في مصر غاز و سياحه و شعب و قناه سويس و استثمار و نيل و زراعه .. كل ده و مش عايز تتنقل نقله تانيه ؟!!!

**نور القمر** · 23-02-2011 03:31 AM

معتقدش انه مقتنع بكلامه
غالبا هيكون كوبي بست وواضح انه طيب القلب زي كتير من المصريين بيشوف الايجابيات بس ومش شايف السلبيات
مش شايف مثلا ان الاعلام الحر من وجهة نظره في برامج التوك شو لهم خطوط حمراء لا يتعدوها واللي تعداها زي ابراهيم عيسى والابراشي وحمدي قنديل وعماد اديب تمت محاربتهم بكل السبل
مش شايف ان اراضي مصر كانت بتتباع بملاليم للاجانب ولكبار المسئولين وكانت بتتباع لشباب مصر الغلبان بالالف بالقسط والفوائد واللي يعجز عن السداد الارض تتسحب ويتسجن
مش شايف ان الغلبان اللي بياكل على عربية فول وبيجيله امراض بفرض انها طبيا معلومة صحيحة في المقابل في الاف المصريين من كل الاعمار اصيبوا بالسرطان والفشل الكلوي والكبدي بسبب التلوث والمسرطنات المستوردة من اسرائيل وغيرها
مش شايف ان الغلبان اللي مرتبه 100 جنيه قصاد منه في الاف المسئولين مرتباتهم تعدي المليون شهريا

**eng.m7md.ali** · 23-02-2011 04:03 AM

يعني هو هيقعد يفر في كل حاجة في البلد..... ياراجل .. كبر مخك

ههههههههههههه
كفاية الكلمة دي

**mahmoud19** · 23-02-2011 04:04 AM

موضوع مستفز لأبعد الحدود وأنا قريت اول كام سطر حسيت انى لو كملت كمان كلمتين ممكن الضغط يعلى عليا اكتر من كده وأموت فى المنتدى بتاعكو ده وأعملكو مصيبه هنا :)))
بس انا عاوز اقول بردو:-
أنا اسف ياريس على ان الناس مش لاقيه تاكل فى عهدك
أنا اسف ياريس على ان المصريين مالهمش ثمن داخل وخارج مصر فى عهدك
أنا اسف ياريس على طوابير العيش الى شفناها فى عهدك
أنا اسف ياريس على طوابير البوتاجاز الى شفناها فى عهدك
أنا اسف ياريس على انى صدرت الغاز لأسرائيل ببلاش فى عهدك
أنا اسف ياريس على ان الموظف بيقبض 200جنيه وك اللحمه ب70جنيه فى عهدك
أنا اسف ياريس على اهدار المال العام فى عهدك
أنا اسف ياريس على ان المسئول المحترم مبيعمرش فى مكانه فى عهدك
أنا اسف ياريس على ان 40%من المصريين بيعانو من الفقر فى عهدك
أنا اسف ياريس على ان اكتر من 10%من المصريين بيعانو من البطاله ى عهدك
أنا اسف ياريس على الكوسه والواسطه الى ظهرت فى البلد فى عهدك
أنا اسف ياريس على الزحام المرورى فى عهدك
أنا اسف ياريس على 70مليار$ الى أتسرقو طبعا طبعا طبعا
أنا اسف ياريس على ان جمال ممسكش الرئاسه بعدك
أنا اسف ياريس على الشهداء الى ماتو بأمر منك
أنا اسف ياريس على الظلم الى شفناه فى عهدك
أنا اسف ياريس على معامله جهاز الشرطه السيئه للمواطنين فى عهدك
أنا اسف ياريس على تزوير الانتخابات فى عهدك
هتأسف على ايه ولا على ايه
حسبى الله ونعم الوكيل

الموضوع: انا اسف يارئيس مصر الاسبق

LinkBack

أدوات الموضوع

عرض

-

-

الكلمات الدلالية لهذا الموضوع

المفضلات

المفضلات

ضوابط المشاركة