تركيب عدد 4 مساعدين و 4 كاوتش تراب في التوكيل بالتفاصيل

**WalidAdel** · 28-02-2011 10:05 PM

المشاركة الأصلية كتبت بواسطة ahmedbatoos

استاذ وليد لي سؤال بعد اذنك ما هي العربيه الاكثر اعتماديه الرينو ميجان ام الصني وهل بفارق كبير نتيجه لتجربتك
مع توقعي طبعا انك هتقولي ميجااااااااان مين وبتاع مين زي ما اغلب الناس بتقول :d

تصدق انا هاغيظك و اقولك الميجان اعتماديه عن الصني

بس كل حاجه بقي علي اد فلوسها يعني لما تقارن قطع الغيار للصني الياباني و قطع الغيار الميجان الفرنساوي هاتعرف الفرق الميجان ليها ناسها اللي فاهمه فيها و الحمد لله قسم رينوا شغال حلاوه و مش هايخالي في نفسك حاجه الا و تعرفها بس طبعا مشكلتها الحساسات الكتير و لو حساس باظ العربيه هاتقف و دا عن تجربه لكن الصني مافيهاش الحركات دي لو حصل فيها حاجه لاقدر الله هاتعرف تتصرف الميجان لأ ممكن تنام جنبها لو علي طريق سفر مثلا
و الميجان لازم كل ماتيحصل حاجه فيها بسم الله الرجحمن الرحيم تحطها علي جهاز ب 120 و بعدين نبتدي تصلح
بس العربيه في مجملها حلوه ماشاء الله بس دي فئه و الصني فئه اخري يعني ماينفعش المقارنه مابينهم هيا بس الميجان حضها انها في نفس الفئه السعريه و اي استفسار انا في الخدمه

**WalidAdel** · 28-02-2011 11:49 PM

المشاركة الأصلية كتبت بواسطة maged george

الف مبروك يا وليد باشا وربنا يكفيك شرها وتعمر معاك المرة ديه وعلى مهلك شوية بقى في المطبات لحسن في شوارعنا ديه كل يوم بيغيروا مكان المطب عشان بنبقى عرفنا مكانه وكان ليا عندك طلب لو وقتك يسمح تقولنا تفصيلة المصنعيات والف مبروك مرة ثانية.

ايه ياباشا انت فين كده ياعم اخبار سعتك ايه كده و اخبار المساعدني امونرو ايه معاك يامعلم

شوفت انا فاكرك ازاي

بالنسبه للمصنعيات 160 تغير 2 مساعد امامي + كاوتشت ترات امامي
160 تغير 2 مساعد خلفي + كاوتشة تراب خلفي
150ضبط محرك بالكمبيوتر

**WalidAdel** · 01-03-2011 06:42 PM

الله يبارك فيك
بس عموما بالنسبه للمساعدين بتوع حضرتك و اللي بتقوله دا كان حال المساعدين ال kyb بعد ماركبوا في العربيه و كنت تحس ان العربيه بترزع في المطبات و انتهي بيهم الحال ان المساعد تحسه مش بيطلع و ينزل علشان يتمتص الصدمه لا عادي عامل العبيط يعني اللي هو ايه دا دانا كنت المفروض اطلع و انزل علشان امتص الصدمه معلش بقي المره الجايه تيجي بقي تهزه من عند الرفرف جميل و شغال فل و تسمع صوت الفس فس بتاعة النزول و طلوع المساعد و دا اللي زقهني فيهم الصراحه بقيت اسمع دربكه و حرب زي ماتكون راكب عربيه مفيهاش اي نوع من انواع المساعدين مجرد شكل بس علي الفاضي و بعدين لاقيت التاثير ابتدي يظهر علي كاوتش بقي في عالي و واطي في النقشه بتاعته من كتر الرزع قولت لا وانا مش مستغني عن الكاوتش بردوا فقولت اغير بقي و خلاص بلاش دوشه و بعدين كنت ابتديت اقرف من العربيه من كتر الخبط و الرزع اللي كان فيها
بالنسبه للمساعدين بقي سيبك انت التوكيل توكيل بردوا العربيه رجعت كأني ليسه حاطط النيتروجين فيها و العفشه تمام و رجع بقي ايام زمان و الباور رجع طبيعي الحمد لله كده يعني و لو اخت مطب علي سرعه لا ماسكه نفسها مش هتلاقيها غربلت كده زي ماتكون نزلت في الترعه و طلعت تاني دا غير بقي الثبات علي سرعات عاليه رجع تاني ايام زمان لما كنت مثلا ماشي 160-170 و داخل علي ملف لا و كمان باخد غرزه عادي جدا يعني و بردوا
من ضمن الملاحظات المهمه كنت ببقي سايق بسرعه و اكبس فرامل جامد علشان اقف بحس اني حاتكفي علي التابلوه كده من كتر ماكان العربيه بتقع في الارض دلوقتي لا الحمد لله بفرمل عادي وانا قاعد في مكاني
حاجه اخيره بقي و دي مهمه اوي الفرامل بقي ادأها احسن الاول كنت بتدوس فرامل كان العجل يقفش منك و العربيه تسحف كده حبه كتير فكنت لازم اسيب و ادوس تاني دلوقتي طبعا الموضوع ده مابقاش موجود الحمد لله
بص عموما عموما يعني الحاجه بتاعة التوكيل احسن الف مره من ماتجيبها من بره لان هتلاقي اختلاف جااااااااامد في اداء العربيه وانت سايق او وانت علي سرعه