اتحداكم انكم تقولولى على شخصية واحدة فى البلد تتفقوا عليها

**smsm_cato** · 26-02-2011 01:04 PM

المشاركة الأصلية كتبت بواسطة cayman69300

اتحداكم للمرة التانية و الاخيرة
و لا شخصية فى البلد عجباكم
لا عمر سليمان لانة مجرد كان فى عهد جسنى مبارك
و لا احمد شفيق اللى الناس فى المطار بيبكوا بالدموع على انه مشى و دة لانة كان فى عهد حسنى مبارك
و لا طنطاوى لانه كان فى عهد حسنى مبارك
و لا فتحى سرور لانة كان فى عهد حسنى مبارك
و لا البرادعى & و لا احمد زويل & و لا محمود وجدى & و لا اى حد فى البلد حتى لو كان نازل من السما عازين تتفقوا على انة كويس
و دايما تطلعوا فية القطط الفطسانة
و الكلام دة واضح ان فية ناس تموت و تشهوة سمعه البلد و تتلذذ بدة
و الدليل على كلامى
فى موضوع مظاهرة بقطر على الفيس بوك يوم 16 مارس كان من ضمن سياق الكلام ان الشيخ حمد عنده قواعد امريكية و موانس مع اليهود و كمان نصيب الفرد من اعلى الانصبة فى العالم و هنا كان التعليق منكم برضوا انة كويس ان نصيب الفرد عالى و محدش خد باله من ان الشيخ عميل لاسرائيل و عنده قواعد امريكية
على العكس فى مصر
اللواء اللى انتوا بتقولوا انة هدد بقتل المتظاهرين
طب خلو بالكم من كلمة لو سمحتوا يعنى الراجل بيطلب بادب من الناس انها تتحرك من على المنصة
و الصوت مش واضح فيها انة بيقول انة هيموت حد
بس لية مش لازم نولعها و نخرب البلد
فعلا فى ناس بتبص على نص الكباية الفاضى و قمة التشائم
" من كان يؤمن بالله و اليوم الاخر فليقل خيرا او ليصمت "
يعنى اللى عارف خير يتفضل و اللى مش عارف يتفضل يسكت برضوا
و اخر حاجة
الاعتصامات يوم الجمعة ................. يا حلاوتكم
و طبعا فاكرين بكدة انكم مش بتضروا البلد
يعنى انهى مستثمر حمااااااااااااااااااااااا ر هييجى البلد يعمل مصنع و لا نيلة على دماغة و هو شايف فى قنوات الاخبار بالاعتصامات
هى الاعتصامات يا فهيمة يا ناس اللى بتفهم الطاير معناها اية ......... ناس راضية على البلد و لا ناس مش راضية ؟
و الناس اللى مش راضية يبقى بالعقل فى حد يفكر يروحلها برجلية علشان يعمل استثمار و لا حتى يروح سياحة
احمدوا ربنا انة متعملش فينا زى القذافى
دا انا شوفت ناس ايديها متربطة ورا ضهرا و ميتة و هى على بطنها
يا جماعة
اتقوا الله ....... اتقوا الله
و حسبنا الله و نعم الوكيل فى كل مردد اشاعة و صاحب فتنة

والله كلامك عين العقل وانا قولتها قبل كده الناس دى لو اتحقق مطلبها برحيل مبارك بردوا مش هيرضوا بحاجة وكل شوية الشعب يريد ..... الشعب يريد ......... الشعب يريد ......... يا خوفى بعد كده الشعب ينسى هو يريد ايه

**SkyBird** · 26-02-2011 01:06 PM

موضوع غريب
لا يمكن تلاقي اجماع على شخص واحد
امال اخترعوا الانتخابات ليه ؟!!!!

الناس اللى بطالب بتغيير كل رموز النظام القديم

ليه ما بيطلبوش بتغيير وزير الدفاع !!!!!

تناقض رهيب فى الطلب نفسه
مش برضه من رموز النظام القديم و تقريبا اقدم وزير فيها !!!

سؤال جيد واجابته سهله باذن الله :
طنطاوي والجيش نالوا الشرعية الثورية بعد انضمامهم لثورة الشعب
ولكن رموز النظام السابق المطلوب عزلهم هم اولئك الذين لم يطهروا انفسهم ومازالوا عقبة في وجه تقدم الثورة كما انهم رمز للفساد

**Sharky** · 26-02-2011 01:10 PM

المشاركة الأصلية كتبت بواسطة skybird

موضوع غريب
لا يمكن تلاقي اجماع على شخص واحد
امال اخترعوا الانتخابات ليه ؟!!!!

صح الكلام دا
لكن الوزراء حيتم تعينهم برده بالإنتخاب !!!

المشاركة الأصلية كتبت بواسطة skybird

سؤال جيد واجابته سهله باذن الله :
طنطاوي والجيش نالوا الشرعية الثورية بعد انضمامهم لثورة الشعب
ولكن رموز النظام السابق المطلوب عزلهم هم اولئك الذين لم يطهروا انفسهم ومازالوا عقبة في وجه تقدم الثورة كما انهم رمز للفساد

مين قال كده !!!
عمر ما المتظاهرين ما طالبوا قبل تنحى مبارك ان الجيش هو اللى يمسك الحكم !!!

حضرتك ما سمعتش خطاب عمر سليمان الأخير
مبارك هو اللى اداهم السلطة دى
يعنى زيهم زى احمد شفيق اللى عينه :)

**Col. Eng. Khaled** · 26-02-2011 01:12 PM

يا جماعة الخير أرجوكم و بدون إساءة فهم ، يبقى مطلوب كمان كل واحد مننا يقدّر ليه المصنعيات في السوق على وشك

الزيادة للضعف ما لم تزد فعلا من البعض ، كلٌ حسب تضرره من الوضع الحالي فمضطر يرفع المصنعية لتعويض قِلّة الطلب .

حبيت أوضح شيء عايشه يوميا و شايفه بيحصل بقاله كام يوم .

**human** · 26-02-2011 01:15 PM

كل واحد راح التجنيد كان بيسب و يلعن فى اليوم ده
كل واحد راح يطلع تصريح سفر من الجيش كان بالنسبه ليه كابوس

اللى دخلوا احطياط كانوا بيصوتوا و فيه ناس اتكلمت كتير على اللى بيحصل
معظم الناس اصلا بتهرب من التجنيد ووصايت و كل الناس عارفه
اللى شغال مع الجيش فى شغل عارف ايه اللى بيحصل

ليه دايما التملق للجيش و دايما تبجيل ليه و تكبير؟؟؟
ماهو مؤسسه فى عصر فاسد لا نعلم عنها شئ

انا قلت قبل كده

الثقه و القوة الوحيده هيه الثقه فى قوة الشعب و قدرته على التغيير

**cheetos_892005** · 26-02-2011 01:20 PM

المشاركة الأصلية كتبت بواسطة col. Eng. Khaled

يا جماعة الخير أرجوكم و بدون إساءة فهم ، يبقى مطلوب كمان كل واحد مننا يقدّر ليه المصنعيات في السوق على وشك

الزيادة للضعف ما لم تزد فعلا من البعض ، كلٌ حسب تضرره من الوضع الحالي فمضطر يرفع المصنعية لتعويض قِلّة الطلب .

حبيت أوضح شيء عايشه يوميا و شايفه بيحصل بقاله كام يوم .

مع احترامي لحضرتك قوي يا سياده العقيد ....

مفيش ثوره بتقوم تاني يوم الصبح تلاقي الحياه رجعت لطبيعتها و الحياه حلوه محصلش فيها حاجه

خصوصا انها بتغير واقع كان موجود كان اسوء 100 مره من الاحتلال ....

وعايز بس حضرتك بخبرتك في السوق تقولي .... الحال كان عامل ازاي و كان بيتدهور ازاي كل يوم ؟؟

و معلش في اللفظ كنتوا بتدفعوا قد ايه اتاوات ؟؟؟؟
بكل معانيها ....

ارجوك يا سيادة العقيد متزعلش مني حضرتك عارف انا بحترمك قد ايه :b4_388:

**Sharky** · 26-02-2011 01:21 PM

حتى الان دى تصريحات قد تفسر على انها ضد الشعب

لكن ما هو اللى تم فعلى ضد الشعب من احمد شفيق ؟؟ من هو حسين مجاور و كان جايبه لوزراة ايه ؟ و ايه الدليل على كده ؟؟

ثم لو افترضنا ان وزير الداخلية طلع فاسد رغم انه لم يثبت حتى الأن هل يجب اقالة احمد شفيق ام وزير الداخلية ؟

و لو المفروض اقالة احمد شفيق لإنه اختاره يبقى الاولى اقالة القائد الاعلى للقوات المسلحة لانه اختار برضه احمد شفيق :)

**kono** · 26-02-2011 01:22 PM

يا ريت لو حضرتك مش مقتنع بالمظاهرات متفهش من اغراضها
الناس نازلة التحرير مش عشان اتخانقت مع خطيبتها
المطاللب واضحة ومشروهة محدش يقبل ان حكومته تبقى فيها رموز فساد
ولو حضرتك مش عارف فسادهم كتير جدا يعرفهم

**Sharky** · 26-02-2011 01:24 PM

طب ممكن نعرف من حضرتك بالأدلة و المستندات فساد الوزراء الحاليين و اولهم احمد شفيق؟؟

الموضوع: اتحداكم انكم تقولولى على شخصية واحدة فى البلد تتفقوا عليها

LinkBack

أدوات الموضوع

عرض

-

-

-

-

-

المواضيع المتشابهه

هي عشان واحدة ست تقوم تيجي عليها ...!!!

فيه واحد بينتحل شخصية الشيخ وجدي غنيم و عايز يخرب البلد !

المنتدى بقى غريب شويه تتفقوا معايا ولا لأ؟

اتحداكم جميعا

الكلمات الدلالية لهذا الموضوع

المفضلات

المفضلات

ضوابط المشاركة