الموضوع: اتحداكم انكم تقولولى على شخصية واحدة فى البلد تتفقوا عليها

المشاركة الأصلية كتبت بواسطة col. Eng. Khaled

الكلام دا حضرتك أنا معاك فيه لكن مع العقليات المثقفة ، لكن مع الغالبية الساحقة من الصنايعية بتوع يوم بيومه

صدقني يا فندم الكلام دا لا محل له من الإعراب عندهم .

حضرتك أو غيرك و محتاج يصدق كلامي يشرفني ساعة في الحرفيين و يسمع و يشوف بنفسه .

و أتمنى من كل من عنده "مَلَكَة" الإقناع يشرفني و يوعّي الناس .


بالمناسبة ............. لو حد حلف لي عالمياه تجمد بإنه ديموقراطي بنسبة 100 % في أهل بيته على الأقل مش حصدقه ، و لا أستثني نفسي .

الكلام ده صحيح 100% للاسف
انا كتبت قبل كده انا مش خايف من الجيش ولا الزاره ولا اى حد
اللى خايف منه هم رفقاء الوطن

المشاركة الأصلية كتبت بواسطة sharky

طب ممكن نعرف من حضرتك بالأدلة و المستندات فساد الوزراء الحاليين و اولهم احمد شفيق؟؟

لا نا معنديش دليل ادانه على شفيق بس وجوده فى وزارة مبارك كفاية اوى
لو محترم كان عمل زى الجنزورى او الكفراوى
اما الوزراء فوزير الاسكان الجديد محمد فتحى البرادعى كان محافظ دمياط سابقا
1- خصص قطعة أرض بمنطقة اللسان بمدينة راس البر لفندق موفين بيك بالامر المباشر اللى صاحبه زهير جرانة
2- باع اراضى مساحات خضراء بمدينة راس البر لرجال اعمال لبناء فيلات عليها بالامر المباش
3- ردم قطعة من البحر وحط مصدات للمياه خرصانية لبناء فيلا فى مكان مينفعش اصلا يتبنى فيه
ده اللى ظاهر قدامنا كشعب والله وغير كده كتير
4- عن لسانه " انا عارف انى لما امشى من هنا محدش هيرحمنى وهيحاولى يوقعونى" من مصدر موثوق منه بمجلس ادارة المناطقة الحرة بدمياط اللى هو يرأسه

المشاركة الأصلية كتبت بواسطة sharky

طب ما طنطاوى كان برضه فى وزراة مبارك و اقدم وزير كمان
ليه مايتشالش طالما كان فى عهد مبارك !!!!!!!!!

و كل اللى مكتوب على وزير الاسكان الجديد برضه كلام
فين المستندات و الدالة على الكلام دا ؟؟؟؟؟؟؟؟؟؟؟

لا حضرتك ده مش كلام دى حقيقة بس عشان حضرتك مش قلب الحدث مش هتحس بيه

من غير مستندات و ادله حقيقية تقدم للنائب العام لن اصدق اى تهمة فساد تقال على اى مواطن مصرى

الناس دى ممكن تعمل اى حاجة عشان تخفى الادلة

ماليش حد ياريت حضرتك تقولى بالمستندات و الادلة عمل ايه و بالمرة نقدمها للنائب العام علشان يحكم بصحتها

المستندات تقدم للنيابة ومش للنت

البينة على من ادعى و اليمين على من انكر
و اعتقد المعنى واضح
و اللى معاه يتفضل تحط الورق اللى معاه او يجيب اللينك بتاعة او حتى يوصف لينا الورق فين و احنا نروح ناخد منة نسخة ورق تصوير
لكن كل الحكومة نيلة و البلد نيلة و بصراحة الحكاية مش ناقصة نيلة
و فى الاخر الكفراوى و الجنزورى اقيلوا و ليس استقالوا