انا اسف ياجماعه (شفيق فعلا لازم يرحل)

**Qmax** · 27-02-2011 04:25 AM

انا منتظر عبدالله كمال وفرقته يدخلوا الموضوع ده ويقلبوا الليله على عمرو الليثي ويطلعوه خاين وانه بيشوه سمعة مصر في البرنامج ده وان الناس التعبانه واللي مش لاقيه تاكل ولا تشرب ولا تتعالج الخ دول ناس في تنزانيا وان عمرو بيعمل كده عشان معاه اجنده وعايز يضرب السياحه.
هكذا مصير كل شريف في هذا النظام اللا شريف الذي لم يُجتث من جذوره الى الان
معلش نسيت اقولك مبروك يادكتور عمرو ان ربنا هداك للحقيقه

**medo2o1o** · 27-02-2011 04:34 AM

اهم حاجة شفيق طالع يقطم و يشوه فى محمود سعد ليه ده كدة غباء بدل ما يتكلم عن الاصلاحات بيتكلم عن مرتب محمود علشان يقوم الناس عليه
انا مش معترض على راتب محمود سعد طالما مش سارقهم و اتفق معاهم على قيمة العقد قبل ما يمضى واللى يلاقى دلع و ما يدلعش يبقى ........
نحاسب اللى وافق على انه يدى الراتب ده
كمان محمود سعد مواقفه معروفة متغيرتش على عكس ناس
و لو هنحاسب محمود سعد نحاسب لعيبة الكورة
بس احقاقا للعدل اعيب على سعد انه ماستضافهوش كان لازم يجيبه و يحرجه باسئلة تطلع من نفوخه عشان يبين للناس مين شفيق

**SkyBird** · 27-02-2011 04:37 AM

الرجوع للحق فضيلة
لا تنتظر خير من تلميذ مبارك

**greenday** · 27-02-2011 04:38 AM

مافيش حد من رجالة مبارك او المقربين له مكانش فاسد بدرجة او باخرى مبارك كان بيتميز بتقطيع التورتة على الكل مكانش بيحرم حد منها عشان كده لازم الوزارة دى تتغير تماما ويتجاب رئيس وزراء محترم يجيب وزراء محترمين بعيد عن شلة الفساد اللى فى البلد دى

**Qmax** · 27-02-2011 04:40 AM

المشاركة الأصلية كتبت بواسطة medo2o1o

مش عارف ليه حاسس فى deja vu بس المرة الاولانية خلعناه يا ترى المرة التانية هنخلعه برضه
انا بقول ايوة مين معايا

تم تحطيم الرأس فقط وحاليا جاري العمل على تركيب رأس وعمل نيو لوك

**mazagngi2000** · 27-02-2011 04:58 AM

المشاركة الأصلية كتبت بواسطة Qmax

انا منتظر عبدالله كمال وفرقته يدخلوا الموضوع ده ويقلبوا الليله على عمرو الليثي ويطلعوه خاين وانه بيشوه سمعة مصر في البرنامج ده وان الناس التعبانه واللي مش لاقيه تاكل ولا تشرب ولا تتعالج الخ دول ناس في تنزانيا وان عمرو بيعمل كده عشان معاه اجنده وعايز يضرب السياحه.
هكذا مصير كل شريف في هذا النظام اللا شريف الذي لم يُجتث من جذوره الى الان
معلش نسيت اقولك مبروك يادكتور عمرو ان ربنا هداك للحقيقه

متستعجلش شويه وهيشرفوا وهيبتدى شغلهم

**dr.amr** · 27-02-2011 05:16 AM

ربنا يجيب الخير
الموضع محتاج مليونيه تانيه
وشفيق هيتشال فيه باذن الله

**د.أبونضال** · 27-02-2011 05:28 AM

المشاركة الأصلية كتبت بواسطة qmax

تم تحطيم الرأس فقط وحاليا جاري العمل على تركيب رأس وعمل نيو لوك

هذا أخطر شيء ورد في بيان عمرو موسى الأول في حملته على الفيس بوك عندما قال عبارة " النظام في شكله الجديد" أخطر شيء هو النيولوك الذي يعملون الآن على ترتيبه.
أعتقد أن سبب الإبقاء على أحمد شفيق ومحمود وجدي هو ضمان ألا تضيع مفاتيح التحكم من أيدي أتباع النظام في شكله الجديد.

**Most_H** · 27-02-2011 05:31 AM

المشاركة الأصلية كتبت بواسطة mazagngi2000

متستعجلش شويه وهيشرفوا وهيبتدى شغلهم

فعلا ، شفيق بيتبع نفس أسلوب انس الفقى لما طلع وقال مرتبه

وبعدين الفلوس دى علشان بيجيب اعلانات للتلفزيون، روحوا شوفوا فلوس الاعلانات دى بتروح فين الاول

+ سعد اساسا كان محضر حلقة وضيوف، مكنش يقدر انه ينفض لضيوفه علشان حد تانى، حتى لو كان هيبين حقيقته للناس

لأنها كانت هتبقى عيبه فى حقة

+

ان الراجل دة لو كان فاسد، كانوا زمنهم شردوا له، ولكن علشان هو نضيف، مش لقين حاجة يشوهوا بيها سمعته غير انهم يقولو مرتبه اللى بيكسبه من غير سرقة ولا تهليب من تحت الطربيزة

ولسة فيه كلام كتير عندى