انا اسف ياجماعه (شفيق فعلا لازم يرحل)

**wesam_salom** · 27-02-2011 03:49 PM

الموضوع عامل زي جوازه كانت سوده وأهل العروسه طلعوا حراميه وولاد تيييييييت وسرقوا العريس وأخذوا فلوسه وكمان قتلوا كام واحد من اهل العريس وعمللهم مشاكل ملهاش اول من اخر والعريس الغلبان اتمكن من تطليقها أخيرا وكرشها من البيت
تفتكر بالله عليك العريس المتنيل علي عينه ده عاوز يشوف وش اي حد من العيله التييييت دي حتي لو كان شيخ جامع

**M7amD_7amDy** · 27-02-2011 04:20 PM

يالهووووووووووووووووووووو ووووووى

طب والعمل؟؟؟؟؟؟؟؟

هنروح على فين كده :(

**الصيداح** · 27-02-2011 04:31 PM

ونقعد بس نسمع كلام من الناس
((أنتم مش عاجبكم حد أنتم هتودوا البلد في داهية وأنتم ولاد...ووو))
والله يا جماعة العالم دي كلها لازم ترحل وإلا لن تكون الثورة قد حققت شيئا

**otefa** · 27-02-2011 04:39 PM

المشاركة الأصلية كتبت بواسطة ahmed4000

الشعب المصرى ده شعب جميل جدا...ممكن ننزل خبر بكرة ان خوفو كان فاسد وقبض كام مليار دولار علشان يبنى الهرم بتاعه على ارض ملك الدولة والناس حتصدق وتهلل من غير حتى متبذل مجهود انها تتقصى عن الحقيقة...انا معرفش اى معلومة من اللى فوق دى صح ولا لا وبالتالى مقدرش احكم عليه من كلام جريدة زى الوفد...على فكرة الموضوع ده كان نزل قبل كده وفى اخ فاضل شغال جوا مصر للطيران فند كذا نقطة فيه

+1
أنا ماعنديش أثبات لا بالأيجاب ولا بالنفي حد عنده؟
سؤال صغير أد كده؟
أشمعنى الوفد طالعة تقول الكلام ده دلوقتي كان فينها من بدري ولا ماخدوش وعود تريحهم من القوات المسلحة!
وبعدين أحنا هانغمي عنينا ولا أيه بقه كل الأنجازات ألي بتحصل دي ولسه هانشكك في جدية الأصلاحات
السجون تشهد هو كان فيه حد يقدر يقول لأحمد عز ولا العادلي 1/3 ال3 كام...........أهم مرميين في السجون ولا دي تمثيلية وكانو مصورينهم في مارينا !!

**ashrafakl** · 27-02-2011 04:44 PM

السلام عليكم ورحمة الله وبركاته
السبب الرئيسي في وجهه نظري لرحيل احمد شفيق كرئيس للوزراء انه لا يصلح المفترض ان من يكون في هذا المركز ان يكون كلامه محسوب وبدقة وللاسف عندنا موقفين اثبتوا تسرع رئيس وزراء في كلامه بدون ان يحسب ردود افعال الكلام لذلك هو لا يصلح في هذه الفترة الحرجة
الموقفين عندما اثار المعتصمبن في التحرير قبل التنحي وقال هايد بارك وبنبون كلمة ليس لها مبرر في وقت البلد فيها تشتعل غضبا
والثاني عندما اثار راتب محمود سعد ولم يعلق علي منع لقاء محمود سعد المباشر مع المعارضة مع انه كان من الممكن ان يكتفي بقول انه لم يصدر اي امر باجراء حوار وانه مع حرية الرأي وانه لا يرتضي بمنع اذاعة اي لقاء مباشر مع اي معارض

**Qmax** · 27-02-2011 04:52 PM

المشاركة الأصلية كتبت بواسطة mazagngi2000

متستعجلش شويه وهيشرفوا وهيبتدى شغلهم

عندك حق

**amado ibrahim** · 27-02-2011 04:53 PM

المشاركة الأصلية كتبت بواسطة otefa

+1
أنا ماعنديش أثبات لا بالأيجاب ولا بالنفي حد عنده؟
سؤال صغير أد كده؟
أشمعنى الوفد طالعة تقول الكلام ده دلوقتي كان فينها من بدري ولا ماخدوش وعود تريحهم من القوات المسلحة!
وبعدين أحنا هانغمي عنينا ولا أيه بقه كل الأنجازات ألي بتحصل دي ولسه هانشكك في جدية الأصلاحات
السجون تشهد هو كان فيه حد يقدر يقول لأحمد عز ولا العادلي 1/3 ال3 كام...........أهم مرميين في السجون ولا دي تمثيلية وكانو مصورينهم في مارينا !!

دون اوتيفا

حضرتك سمعت عن حاجة اسمها كبش فداء

كلما كان الخطر عظيم كان كبش الفداء كبير

التلاتة اللى حضرتك اتكلمت عنهم مجرد كبش فداء عن الفاعل الرئيسى اللى لسه محدش قربله

دول حتى مقربوش للثلاثى المرح (عزمى - سرور - صفوت)

فما بالك بالراجل الكبير

اما بالنسبة للفريق شفيق فاعتقد كده خلاص

مكنتش انتظر منه انه يطلع يقول الكلمتين دول على التلفزيون

هو مش واخد باله ان محمود سعد ده مذيع لامع و اكتسب شعبية محترمة خاصة الفترة اللى فاتت

وانه تقريبا الوحيد اللى انسحب من التلفزيون المصرى ايام مكان شغال فى موضوع الاجندات و الكنتاكى

و انه الوحيد اللى خلى الناس ترجع تتابع التلفزيون المصرى تانى بعد ما استضاف ناس لها ثقل فكرى واجتماعى

(هيكل - عمرو خالد - علاء الاسوانى - بلال فضل وغيرهم كتيير)

شكلنا هنرجع نشيل قنوالت التلفزيون المصرى من على الريسيفر زى زمان و نكتفى بالقنوات العربية و الخاصة

لو حب محمود سعد دلوقتى يشن حمله هجوم منفردة على الفريق شفيق هتكون نتائجها وخيمة على تاريخ احمد شفيق كله

و برده مش هيكون غلطان لان الفريق شفيق هو اللى ابتدى

باين على راى الدكتور احمد عكاشة

الكبار لا يستطيعون التغيير

تقبل تحياتى

**otefa** · 27-02-2011 05:30 PM

دون أمادو فينك بقالك فترة مختفي الحمد لله أنك بخير
بالنسبة لكبش فداء بالحجم ده الله أعلم ولو أن المنطق بيقول مش معقولة
وحضرتك مطلوب منك أثبات نظريتك(على من أدعى البينة) لأنهم بالفعل هايتحاكمو وفي السجن (ده أثباتي لحسن النية بهم )
بالنسبة لمحمود سعد فهو مجرد محاور لا أكثر ولا أقل يعني مش رجل علم في حد ذاته وأنا مابستريحلوش ده رأي الشخصي فيه بس لما يرفض يقابل رجل مسؤل في الدولة لتوضيح فكره وسياسته ويرفض بحجة واهية هي أنه لايعترف بيه لأي سبب كان فدي نقطة تحسب عليه وليس له ؟؟؟؟؟؟
أليس من الأولى بما أنه شديد الوطنية أن يتحاور مع السيد شفيق ويظهر أسباب رغبة البعض في أقالته متهيألي فرصة ذهبية ضيعها من أيده بفرض صدقه!!!
ومتقليش كان مرتب للقاء أهم من لقاء رئيس الحكومة في ظروفنا الأستثنائية والحرجة بالبلد .
موضوع أن شفيق قال راتبه نزل من 9 ل 1.5 مليون ماهو محمود بيه طالع يشنع على الفريق أحمد شفيق ويغالط في الكلام..........ونصبر بعد وقوع الفقي ونشوف ملفات الفساد ومن له صلة وأستفادة منها.
شفيق يشكر على المداخلة التوضيحية وأهتمامه بتوضيح الموقف حفاظا على وأد الأشاعات وتأثيرها على الرأي العام

وده موضوع كامل عن محمود سعد
http://www.nilemotors.net/Nile/203757-a.html
تقبل تحياتي

**amado ibrahim** · 27-02-2011 05:57 PM

المشاركة الأصلية كتبت بواسطة otefa

دون أمادو فينك بقالك فترة مختفي الحمد لله أنك بخير
بالنسبة لكبش فداء بالحجم ده الله أعلم ولو أن المنطق بيقول مش معقولة
وحضرتك مطلوب منك أثبات نظريتك(على من أدعى البينة) لأنهم بالفعل هايتحاكمو وفي السجن (ده أثباتي لحسن النية بهم )
بالنسبة لمحمود سعد فهو مجرد محاور لا أكثر ولا أقل يعني مش رجل علم في حد ذاته وأنا مابستريحلوش ده رأي الشخصي فيه بس لما يرفض يقابل رجل مسؤل في الدولة لتوضيح فكره وسياسته ويرفض بحجة واهية هي أنه لايعترف بيه لأي سبب كان فدي نقطة تحسب عليه وليس له ؟؟؟؟؟؟
أليس من الأولى بما أنه شديد الوطنية أن يتحاور مع السيد شفيق ويظهر أسباب رغبة البعض في أقالته متهيألي فرصة ذهبية ضيعها من أيده بفرض صدقه!!!
ومتقليش كان مرتب للقاء أهم من لقاء رئيس الحكومة في ظروفنا الأستثنائية والحرجة بالبلد .
موضوع أن شفيق قال راتبه نزل من 9 ل 1.5 مليون ماهو محمود بيه طالع يشنع على الفريق أحمد شفيق ويغالط في الكلام..........ونصبر بعد وقوع الفقي ونشوف ملفات الفساد ومن له صلة وأستفادة منها.
شفيق يشكر على المداخلة التوضيحية وأهتمامه بتوضيح الموقف حفاظا على وأد الأشاعات وتأثيرها على الرأي العام

وده موضوع كامل عن محمود سعد
http://www.nilemotors.net/nile/203757-a.html
تقبل تحياتي

شكرا على سؤالك دون اوتيفا

البينة على من ادعى فعلا

البينة: بقاء مبارك وجميع افراد العائلة الكريمة بدون تحريك دعوى قضائية واحدة حتى الان
و الاكتفاء بمحاكمة كبش الفداء(تفتكر الاسرة الحاكمة شخصيا ممكن تفتد ى بايه)

اما الغير مقبول من الفريق شفيق انه يسيب كل حاجة و يمسك فى محمود سعد بياخد كام
(طب سؤال فى نفسى الفريق شفيق كان بياخد كام ايام الطيران المدنى
و مرتبه كرئيس وزراء كام)

عيب قوى ان رئيس وزراء ينزل للمستوى ده
مش معقول يكون ده يكون الشخص المسئول عن الاهتمام بالغلابة وتحسين اوضاعهم يكون ده اللى شاغل ذهنه

الله يرحمك يا عزيز صدقى
و يديلك الصحة يا جنزورى

تقبل تحياتى