الموضوع: انا اسف ياجماعه (شفيق فعلا لازم يرحل)

المشاركة الأصلية كتبت بواسطة dr-mohamed

ببساطة شديدة هو شفيق بيجيب اي واحد يقوله تعال ابقي وزير من غير الامن القومي ما يقول رايه ؟ ومن غير المجلس العسكري ما يوافق ؟
وبعدينبسيطة وزير التبرول الجديد ووزير العدل ووزير الخارجية وعلى البيع ةوزير الداخلية الاربعة خارجين قريب لسة قاري الخبر من شوية
ولو عايز شفيق يمشي حلفت قبل كدة اني موافق انه يمشي بس ننهي بقة موال الاعتصامات اليومية الشاملة الكاملة والتهديد بيها كل شوية على الانترنت لسبب شكل
كدة الخسائر اكبر من المكاسب بكتير جدا
وزي اوتيفا ما بيقولك
تحياتي دون امادو

صدقني اصراري علي بقاء شفيق ليس حبا فيه او لانه مصر ماجابتش غيره زي ما واحد من المطالبين باسقاطه قال.
سبب اصراري ان لو مشي هاتبقي سابقة خطيرة في قدرة مجموعة من الناس علي فرض رأيها علي باقي الشعب عن طريق التظاهر و الاعتصام و ليس عن طريق الانتخابات

المشاركة الأصلية كتبت بواسطة tlrsiap

غير ظاهرة فعلا
لا تعليق


و الراجل ده يعرفها من يوم 26
ظ…ط·ط§ظ„ط¨ ط§ظ„ط´ط¹ط¨ ط§ظ„ظ…طµط±ظ‰ ط§ظ„ط¹ط§ط¯ظ„ط©

\
حضرتك مفيش داعي تتعب نفسك و تضيع ووقتك...اي واحد كان متابع التحضير للمظاهرات قبل يوم 25 عارف المطالب كويس و كون ان في واحد كان عامل صفحة بتاريخ قديم كاتب فيها مطالب ماحدش يعرفها غيره و مجموعة قليلة من الناس و حضرتك لاقيتها عن طريق جوجل ده لا يثبت شيء
زي ما قلت قبل كده الناس هنا عارفة كويس المطالب قبل 25 و بعدها و تطور الاحداث....مش محتاجين صور
و الصورة اللي حضرتك حاططها بتؤيد كلامي...هل يعقل ان يافطة بالحجم ده كان محطوطة بالمنظر ده علي عمارة في ميدان قبل يوم 28 يناير...الشرطة ماكانتش شايفاها؟ الشرطة كانت موجودة لحد يوم 28 العصر و الصورة دي بالنهار يعني استحالة بأي حال من الحوال تكون قبل يوم 29 يناير و ان كنت اعتقد انها بعد كده كمان
و حضرتك يتقول المطالب دي كل الناس كانت عارفها قبل يوم 25...طب ازاي ؟ و كمان مكتوب عليها شهداء الثورة يعني استحالة تكون قبل يوم 29 يناير
المطالب تطورت مع تطور الاحداث و كل الناس عارفة كده

المشاركة الأصلية كتبت بواسطة tlrsiap

و طبعا الجريدة دي ما كانتش تعرف ان المطالب دي غير ظاهرة هي كمان

عادي جدا بقى , انا و اغلب الناس شايفين هجومك الغير موضوعي على الثورة و كل ما فيها من اول يوم لحد دلوقت و اللي يبص بصة سريعة في مواضيعك و مشاركاتك هايفهم من غير اي تعب

المفروض الكلام ده موجه لدكتور محمد...هل فعلا هو كان بيهاجم الثورة من اول يوم هجوم غير موضوعي؟؟؟

طب ممكن حضرتك يا tlrsiap تقولنا فين مشاركات دكتور محمد قبل يوم 28 (لمل النت قطع) اللي كانت بتقول للناس ماتنزلوش المظاهرات و اقعدوا في بيوتكم

المشاركة الأصلية كتبت بواسطة tlrsiap

ولا شفت حد قال على اي حد لمجرد - فقط - انه مقتنع بوجود شفيق انه عدو الثورة , لكن للأسف فيه ناس مخدوعين في شفيق ( ده رأيي على الأقل )

أحترم قبولك للرأي المعارض بس في غيرك لا يقبل الرأي الاخر و يندفع لاتهامه بانه عدو الثورة و مدافع عن النظام و باسلوب فيه الكثير من التهكم و السخرية
و عندك الموضوع ده http://www.nilemotors.net/Nile/204178-a-3.html
و احد الاعضاء عمل التوقيع ده إهداء للمدافع الرسمي عن الحكومة المصرية (السابقة و الحالية) و الداخلية و الشرطة و أي حاجة ضد الثورة .... و هو عارف نفسه ..... بجد خنقتني !!!

و طبعا المقصود ممكن يكون اي عضو هنا بيخالفه في في ضرورة استمرار المظاهرات و طبعا صاحب التوقيع رفض يحدد من الشخص ده
طبعا الشخص ده ممكن يكون انا او اي حد غيري مش عارفين...بس الي متأكدين منه انه عضو هنا في نايل موتورز

المشاركة الأصلية كتبت بواسطة otefa

+1
فعلا من الحكمة أن تطور الأراء بتطور الأحداث على أرض الواقع
ألي ممكن يصدق كلمة أعلام حيادي يبقى خبرته في الحياة لم تثقل
فتش عن التمويل والمصالح
الجزيرة كانت رائعة لما كانت بتذيع حقائق في أول الثورة وكان مقبول منها قليل من توابل التهويل لأنها في صالح الثورة وتأجيجها
بعد التنحي بالذات أصبحت غير حيادية بالمرة تهويل لأعداد المتظاهرين وتسخين بدون نقاش أو محللين موضوعيين للجدث وما أستحدث من مواقف سياسية جديدة وكأنهم مغيبين(السم في العسل)
ماهم مابشتغلوش لله وللوطن هايجيبو نفقاتهم التشغيلية منين أن شاء الله!!
من الحكمة عند التعامل مع وسائل الأعلام تحليل مايراه الواحد ولا يأخذ شيء مسلم به
وبعدين أنا شايف معظم المؤيد ين لمزيد من المظاهرات في وقتنا الحالي مواقفهم غاية في الغرابة كل ماتناقشه بمنطق أن في أنجازات رائعة والتحرك السريع لأنجازها
والدليل أخبار بتحويل وزراء ورجال فاسدين بالدولة للنيابة والقضاء وحبس وتجميد أرصدة وأيقاف البورصة للحيلولة دون هروب أموال عن طريقها.
ده غير زي ماقولتلي دون أمادو في مشاركة سابقة أني خرجت عن سياق الموضوع (شوف أسمه)
وعملتها وخرجت أنت
ماحدش قال كلمة شكر لله وللحكومة والقوات المسلحة على ماتم أنجازه
وبتستشهدو بأشاعات وأخبار غير رسمية
يعني أسمحولي بتواجهو وتردو على حقائق وبيانات رسمية ..... بتكهنات ومقالات صحفية ده يرضي ربنا
تحياتي دون أمادو

(وبعدين أنا شايف معظم المؤيد ين لمزيد من المظاهرات في وقتنا الحالي مواقفهم غاية في الغرابة كل ماتناقشه بمنطق أن في أنجازات رائعة والتحرك السريع لأنجازها
والدليل أخبار بتحويل وزراء ورجال فاسدين بالدولة للنيابة والقضاء وحبس وتجميد أرصدة وأيقاف البورصة للحيلولة دون هروب أموال عن طريقها.)

مواقفهم غاية في الغرابة

ما غريب الا الشيطان دون اوتيفا
مواقفنا مبنية ان مفيش استجابة للمطالب اللى تم ذكرها مسبقا الا نتيجة للمظاهرات
الدليل: التحقيق مع وزير العدل (تفتكر اللى كانو بيتظاهرو الجمعة اللى فاتت كانو عايزين ايه)

الموضوع زى مهو
مظاهرات يقابلها تحقيق شوية مطالب
زى منكون بنفاصل مع الحكومة( كاننا لسه ايام الرئيس السابق)
و عمالين زى اللى شغاليين فى السوق
تاخد دى بالف جنيه
لا بخمسة
طب بخمسمية
لا بخمسة
وهكذا حتى يتم البيع بخمسة

أو زى موضوع الشيبسى أبو جمبرى
تاخدو بطاطس مقلية
لا
طب شيبسى بس
لا
طب شيبسى بنكهة الجمبرى
لا
لغاية مخدنا شيبسى بالجمبرى



ده غير زي ماقولتلي دون أمادو في مشاركة سابقة أني خرجت عن سياق الموضوع (شوف أسمه)
وعملتها وخرجت أنت

اعتذر عن الخروج عن سياق الموضوع
و اوعدك اننى هارجع لموضوع الفريق شفيق فى اسرع وقت

ماحدش قال كلمة شكر لله وللحكومة والقوات المسلحة على ماتم أنجازه

لا شكر على واجب
المفروض ان ده دورهم اللى بياخدو عليه فلوس
لكن لو عملو شىء خارق للعادة يبقى يستحقو الشكر
والتكريم
والاحتفال
و التبجيل
وكل افعال الفرح فى لسان العرب لابن منظور

لكن مدام فى بطىء فى الاجراءات
فأظن من حق المتظاهريين يتظاهرو للتعجيل من حركة الاصلاح
خاصة ان الدكتور جودة عبدالخالق قال ان التظاهر حق مشروع


وبتستشهدو بأشاعات وأخبار غير رسمية

هى الاهرام بقت غير رسمية دلوقتى

تقبل تحياتى دون اوتيفا

صحيج لسة ملقتش موضوع ضلامة

وقعت بوروندى اتفاقية تقاسم مياه النيل، مما يمهد الطريق لإقرارها وبالتالى لتجريد مصر من العديد من امتيازاتها فى مياه النهر وأبرزها حق الفيتو فى منع إقامة أى مشروع على النهر خارج أراضيها، حسبما أفاد مسئول، الثلاثاء.

وأعلن دانيال ميبوما، المتحدث الإقليمى باسم مبادرة حوض النيل، ومقرها فى عنتيبى فى كمبالا، "بعد توقيع بوروندى (الاثنين) بات من الممكن أن تدخل الاتفاقية حيز التنفيذ"، مضيفا أنه وبموجب القانون الدولى السارى، كان لابد من أن توقع ست من الدول الأطراف على الاتفاقية قبل أن يجرى إقرارها فى برلماناتها.. ومن المتوقع أن تتم المصادقة عليها فى جميع البرلمانات الستة.

ووقعت أربع دول مطلة على النيل العام الماضى اتفاقية تتيح للدول الواقعة عند منبع النهر إقامة مشاريع للرى والطاقة الكهربائية من دون الحصول على موافقة مسبقة من مصر.

ويقوم محور الخلاف حول اتفاقية مبرمة فى 1929 بين القاهرة والمستعمر البريطانى منحت مصر بموجبها حق الاعتراض على مشاريع تبنى على النيل خارج أراضيها.

كما تمنح اتفاقية أخرى موقعة بين مصر والسودان فى 1959، مصر 55,5 مليار متر مكعب من المياه كل سنة --أى 87 فى المائة من منسوب النيل-- والسودان 18,5 مليار متر مكعب.

وقاطعت مصر والسودان مراسم إعلان الاتفاقية وتعهدتا بعدم الاعتراف بأى اتفاق يتم التوصل إليه دون موافقتهما.

واتفقت أوغندا ورواندا وتنزانيا وإثيوبيا فى المراسم التى أقيمت فى مارس 2010 على إلغاء حق مصر فى الاعتراض وفى استغلال 90% من موارد النهر.

واعترضت مصر والسودان بأن مواردهما من المياه ستتأثر بشكل كبير إذا سمح للدول فى المنبع بتحويل مياه النهر دون مشاورات متعددة الأطراف.

يا ترى شباب التحرير هيحل المشكله دي ازاي

اظن بقى لا شفيق له دخل و لا النائب العام و لا المشير و لا حسني مبارك

اهو الناس بتستغل ضعفنا

انقذنا يا ميدان التحرير

والبقيه تأتى
لقد لهانا الثوار فى الثوره
ولن نجد ماءا بعد الان
لقد خربتم مصر
لقد خربتم مصر
لقد خربتم مصر
والبقيه تأتى