الموضوع: انا اسف ياجماعه (شفيق فعلا لازم يرحل)

المشاركة الأصلية كتبت بواسطة jojajo

وقعت بوروندى اتفاقية تقاسم مياه النيل، مما يمهد الطريق لإقرارها وبالتالى لتجريد مصر من العديد من امتيازاتها فى مياه النهر وأبرزها حق الفيتو فى منع إقامة أى مشروع على النهر خارج أراضيها، حسبما أفاد مسئول، الثلاثاء.

وأعلن دانيال ميبوما، المتحدث الإقليمى باسم مبادرة حوض النيل، ومقرها فى عنتيبى فى كمبالا، "بعد توقيع بوروندى (الاثنين) بات من الممكن أن تدخل الاتفاقية حيز التنفيذ"، مضيفا أنه وبموجب القانون الدولى السارى، كان لابد من أن توقع ست من الدول الأطراف على الاتفاقية قبل أن يجرى إقرارها فى برلماناتها.. ومن المتوقع أن تتم المصادقة عليها فى جميع البرلمانات الستة.

ووقعت أربع دول مطلة على النيل العام الماضى اتفاقية تتيح للدول الواقعة عند منبع النهر إقامة مشاريع للرى والطاقة الكهربائية من دون الحصول على موافقة مسبقة من مصر.

ويقوم محور الخلاف حول اتفاقية مبرمة فى 1929 بين القاهرة والمستعمر البريطانى منحت مصر بموجبها حق الاعتراض على مشاريع تبنى على النيل خارج أراضيها.

كما تمنح اتفاقية أخرى موقعة بين مصر والسودان فى 1959، مصر 55,5 مليار متر مكعب من المياه كل سنة --أى 87 فى المائة من منسوب النيل-- والسودان 18,5 مليار متر مكعب.

وقاطعت مصر والسودان مراسم إعلان الاتفاقية وتعهدتا بعدم الاعتراف بأى اتفاق يتم التوصل إليه دون موافقتهما.

واتفقت أوغندا ورواندا وتنزانيا وإثيوبيا فى المراسم التى أقيمت فى مارس 2010 على إلغاء حق مصر فى الاعتراض وفى استغلال 90% من موارد النهر.

واعترضت مصر والسودان بأن مواردهما من المياه ستتأثر بشكل كبير إذا سمح للدول فى المنبع بتحويل مياه النهر دون مشاورات متعددة الأطراف.

يا ترى شباب التحرير هيحل المشكله دي ازاي

اظن بقى لا شفيق له دخل و لا النائب العام و لا المشير و لا حسني مبارك

اهو الناس بتستغل ضعفنا

انقذنا يا ميدان التحرير

والبقيه تأتى
لقد لهانا الثوار فى الثوره
ولن نجد ماءا بعد الان
لقد خربتم مصر
لقد خربتم مصر
لقد خربتم مصر
والبقيه تأتى

اظن بقى لا شفيق له دخل

و لا حسني مبارك

حضرتك متأكد من ان حسنى مبارك ملوش دخل بالموضوع ده

المشكلة اصلا قديمة
والملف كان مسئول عنه وزيرخارجيتنا الهمام و السيد عمر سليمان

و مشاء الله معملوش فيه حاجة
لان وزير خارجيتنا كان مركز فى البرقيات لكل دول العالم
اللى كانت بتتهم الثوار بالعمالة وانهم بتوع اجندات

ثم تولى الامر وزير خارجيتنا الهمام منفردا بعد اختفاء السيد عمر سليمان من الصورة

وكانت النتيجة المفزعة
متهيألى
لغاية كده حلو أوى على السيد ابو الغيط
كفااااااااااااااااااااااا اااااية
كتر خيرك بزيادة

واظن ان الفريق شفيق يتحمل جزء محترم من المسئولية
(ادينى رجعت لصلب الموضوع دون اوتيفا و فى اسرع وقت )

امال دوره ايه كرئيس للحكومة تجاه السياسات الخارجية
مهو عمال يسقبل ايشى وزراء خارجية على مبعوثون على مهنئون على محللون
والراجل واخد الموتوسيكل بتاعه وعمال يلف على كل المحطات الفضائية
يتكلم هنا شوية
و يعمل هنا لقاء
و يفقع هنا تصريح
و يعيد
و يزيد
و يوزع هنا بونبونى
و يعمل هنا هايد بارك
و يضمن هنا برقابته
و يتصل مخصوص يتكلم عن مرتب محمودسعد
فالمشغول بموضوع الموتوسيكل
معندوش وقت لمشكلة مياه النيل
اهو يسيبها لوزير الخارجية
اللى احنا اندبح صوتنا انو يشيلوه
وادى النتيجة


كده يبقى الثوار ملهمش ذنب فى القصة دى


الذنب ذنب مبارك
اللى كلف ابو الغيط
فمعملش حاجة
فكلف ابو الغيط و عمر سليمان
(اللى معملوش حاجة)

و ذنب الفريق شفيق اللى مشغول بالموتوسيكل
و اللى مشلش ابو الغيط
اللى مش مهتم باهم ملف عنده فى الخارجية
و عمال يستقبل الوفود من عينة بيرنز

تقبل تحياتى

السلام عليكم ورحمة الله وبركاته
اي دول اخري اساسا مستغلتش مشاكلنا الداخلية هي مستغلة ضعف الدولة من زمان بدليل ان بوروندي هي الدولة السادسة وقبليها وقعت خمس دول استغلالا لضعف الدولة في سياستها الخارجية

المشاركة الأصلية كتبت بواسطة otefa

يادون أمادو ماتغيرش مضمون المشاركة
الراجل بيقول وبمنتهى الوضوح الدنيا لازم تهدأ بدل ما نتفاجأ بدول بتستغل أنشغالنا وأنشغال القوات المسلحة بأمورنا الداخلية.......خلي الكلام في الحاضر ومش كل حاجة تتقلب تريقة على أحمد شفيق أنت شكلك بتكره كره شخصي ياريت تفصل بين مشاعرك الشخصية والسياسة
تحياتي

هو دة مضمون المشاركة ؟؟؟؟؟؟


لا يا شيخ ؟؟؟؟!!!!!!


لقد خربتم مصر ......... احنا برضه ؟؟؟؟؟؟


هو دة المضمون ؟؟؟؟؟؟


على فكرة أنا مع الكلام إلي إنت كاتبه ...... بس مش مع الكلام إلي كاتبه العضو المذكور

المشاركة الأصلية كتبت بواسطة otefa

يادون أمادو ماتغيرش مضمون المشاركة
الراجل بيقول وبمنتهى الوضوح الدنيا لازم تهدأ بدل ما نتفاجأ بدول بتستغل أنشغالنا وأنشغال القوات المسلحة بأمورنا الداخلية.......خلي الكلام في الحاضر ومش كل حاجة تتقلب تريقة على أحمد شفيق أنت شكلك بتكرهه كره شخصي ياريت تفصل بين مشاعرك الشخصية والسياسة
تحياتي

الراجل بيقول وبمنتهى الوضوح الدنيا لازم تهدأ بدل ما نتفاجأ بدول بتستغل أنشغالنا وأنشغال القوات المسلحة بأمورنا الداخلية

طب احنا مشغولون بقضايانا الداخلية
طب وزير الخارجية مشغول بايه

خلي الكلام في الحاضر
مهو كلامى عن الحاضر
وزير خارجية مبيقومش بدوره
و رئيس وزراء مش متابع وزير خارجيته فى اخطر ملف امن قومى

ومش كل حاجة تتقلب تريقة على أحمد شفيق
مش كل القضايا ممكن نتانولها بقالب ساخر
لكن كما يقولون مضحكات كالمبكيات


أنت شكلك بتكرهه كره شخصي ياريت تفصل بين مشاعرك الشخصية والسياسة

انا رأى واضح فى الفريق شفيق من اول يوم
و عبرت عنه باسلوب كوميدى فى موضوع الفريق شفيق و الموتوسيكل
فاكر موضوع الشيبسى ابو جمبرى
انا مشفق عليه و على اسمه من الاتصال بالكلية اللى علمت ابليس الشيطنة(ايام مبارك)
و مشفق عليه وعلى اسمه من تحمل مسئولية من لا يعرفون معنى المسئولية من الوزراء
(بدليل وزير الخارجية اللى نسى اهم ملف عنده
و وزير الداخلية و تصريحاته العجيبة )

لكن بلوم عليه
-كترة الاحاديث ( بتضيع وقت كتييير كان ممكن يستغله و يتابع الباشا بتاع الخارجية)
- اهتمامه بدولاب العمل على حساب اراء الناس (نفس مشكلة مبارك)
- عدم استطاعته المواكبة مع روح الثورة
(تحس ان راجل عجوز بيسابق شاب فى العشريين)
-تعيينه لوزير البترول
-موضوع الاتصال عشان محمود سعد (عيب ينزل للمستوى ده)

تقبل تحياتى دون اوتيفا