الموضوع شكله عاوز ثوره تانيه

**A.Saad** · 01-03-2011 12:41 AM

المشاركة الأصلية كتبت بواسطة misoalex

حلها القانون يتطبق

ابسط حاااااااااااااااااااااااا اااااااااااااااجه عسكرى المرور الى واقف فى الشارع ده لو مسك دفتر وكتب المخالفات كل واحد حيمشى بالادب
ايه هو احنا نسينا القانون ولا ايه

يبقى يا استاذ خميس
تطبيق القانون مش من الشعب
تطبيق القانون من جهة مختصة
ظابط غلط
اقبض عليه وديه الجيش
لكن مش من حق اى شخص انه يقتله
ومحدش يقولى لو ضرب نار عليك
لان كدة غابة
ومش كل اللى واقفين قرايب السواق

**A.Saad** · 01-03-2011 01:18 AM

المشاركة الأصلية كتبت بواسطة misoalex

صح عشان تطبق القانون لازم الداخليه تاخد موقف مش هى سايبه السايب فى السايب وتقول الشعب مش عاوز الشرطه
امال ايه لزمتكم فى البلد روحو بقى واقفلوها

لكن متطلبش من الشعب يحكم عقله طالما الظابط محكمش عقله
ده موقف مفهوش عقل ساعتها
لا
مفيش حاجة اسمها اعالج غلط بغلط
لو كدة يبقى القانون الوحيد اللى هتلاقيه مكتوب
العين بالعين
واعمل اللى انت عايزة

واحد طلع مسدس وطخ طخ طخ وواحد وقع على الارض والناس فكرته انه مات
والناس فى ذاكرتها الشهداء الى ماتو على ايد الشرطه والناس الى اتضربت واتصابت ومبقالهاش اياااااااااااام

ايه المطلوب ساعتها عقل ازاى عقل ومفيش قلب مفيش احساس من الطرف الاخر ان دول شعب وبنى ادمين وانا شغال عندهم عشان احميهم مش اموتهم
مدام مفيش عقل
يبقوا ما يتصرفوش

هو مش فيه حاجه فى كليه الشرطه اسمها ضبط النفس
طيب لما الى درسو واتبرمجو المفروض على ضبط النفس معندهمش اى حاجه من الكلام ده
يبقى عامه الشعب الى فى الشارع اللى مدرسش فى شرطه يعمل ايه ؟؟؟؟؟؟؟؟؟؟؟؟؟
والحمد لله انك قولت ان الى كانو واقفين مش قرايب ولا صحاب السواق
دول عامه الناس الى شافت دم الشهداء والناس الى ماتت على ايد الشرطه من ايام وحقهم لسه مجاش عاوزهم يعملو ايه يكتفوه ويسلموه للجيش ؟
استحاله لازم الواحد يحط نفسه مكان الطرفين

ومش عارف ليه كلامك كانى بدافع عن الظابط
مقلتش انه صح
انا بقول
ما ينفعش شخص يطبق القانون بايده
عارف ليه
لانه غابة
كل واحد هيحط القانون اللى عايزه
كل واحد هيشيل سلاح
كل واحد هيحط قواعد للمجتمع كله
انا الافضل
انا الاقوى
انا اللى كلامه يسمع
غير كدة
اطبق عليكم قانون انا حاطه
ده يبقى مجتمع بشرى

**Donzi** · 01-03-2011 11:11 AM

المشاركة الأصلية كتبت بواسطة mahmoudysf

انا شايف ان الفراغ الامني ده مقصود يا جماعة
وليه اكتر من هدف اولها بيربوا الناس عشان يقولو حقي برقبتي زي المعتوه مدير امن دمهنور اللي بيقولهم الناس بتعيط وهو منشكح اوي
انا مش فاهم فين الاعداد الرهيبة بتاعة الشرطة يعنى هما يقفوا جنود بواسل قدام المظاهرات
ويبقو قطط قدام البلطجية ويقولو ملناش دعوة
والله انا بستغرب لما ناس بدافع عنهم وتقول لازم نساعدهم عشان يرجعوا نساعد ايه وزفت ايه
دول لو عايزين يرجعو هيرجعو لاكن محدش عارف ايه في دماغ الناس الوسخة دى وكل من جمعة حوار مع حد من الشرطة بعد الثورة هيفهم ان معظمهم لسة ناس وسخة مش هتتغير
وناس هتقول طب والحل
والله انا شفت راي هنا وعجبني ان يتم الابقاء على الناس المحترمة فقط في هذا الجهاز
ويتم طلب دفعات من خريجي الحقوق بشروط معينة ويتم التحاقهم يباكديمية الشرطة لمدة 6 شهور فقط
وبكدة اي حد في الجهاز هيقول مش نازل يبقى يروح يقعد جمب امه وهنلاقي ناس تانية بفكر جديد ومخ نضيف

المشاركة الأصلية كتبت بواسطة tyler_durden

أغرب حاجة إن كل المناشدات في التلفزيون هي موجهة للمواطنين بضرورة الترحيب بالشرطة و التعامل معهم بإحترام إلخ

مع إن الكلام ده هو اللي مفروض يتوجه للشرطة و إنهم قبل ما يرجعوا يتعهدوا للناس إنهم إتغيروا و إنهم تابوا توبة نصوح و إن زمن الرشاوي و الإتحاد مع البلطجية و المسجلين قد إنتهى ..

مافيش حد مش عاوز شرطة .. بس شرطة عادلة و محترمة

+11111111111111111

شكلها كدا فعلا لازم ثورة تاني عشان يصدقوا ان الاولانية كانت ثورة و يبطلوا يلعبوا بينا

**wael17** · 01-03-2011 12:58 PM

المشاركة الأصلية كتبت بواسطة otefa

تحياتي لحكومة الفريق أحمد شفيق وللقوات المسلحة أثبتو للأن بأنهم رجال أفعال وليس أقوال عقبال تطهير الداخلية من عناصرها الفاسدة وتنظيم هيكلها الداخلي ألي متوقع أنه بيتم حاليا قبل النزول الكامل تعاملهم مع المواطنين

+1111111
يا رب الناس تهدا عليهم شوية و تسيبهم يشوفوا شغلهم و يطهروا البلد

**otefa** · 01-03-2011 03:50 PM

المشاركة الأصلية كتبت بواسطة wael17

+1111111
يا رب الناس تهدا عليهم شوية و تسيبهم يشوفوا شغلهم و يطهروا البلد

أمين يارب العالمين
وده خبر تاني

.ctitle { color: green; font-size: 20px; font-family: Arial,Helvetica,sans-serif; font-weight: bold; line-height: 1.5; }.ctitle2 { font-family: Tahoma,Geneva,sans-serif; font-size: 9pt; line-height: 1.5; font-weight: bold; color: rgb(102, 102, 102); }.ctitle3 { color: orangered; font-size: 18px; font-family: Arial,Helvetica,sans-serif; font-weight: bold; line-height: 1.5; } أضاع على الدولة 5 مليارات
منع وزير العدل من السفر

الثلاثاء, 01 مارس 2011 13:20

ممدوح مرعي
كتب- صابر مشهور:

كشفت مصادر رقابية أن المستشار عبد المجيد محمود النائب العام، قرر منع المستشار ممدوح مرعي وزير العدل من السفر خارج البلاد على خلفية تورطه في قضية إهدار 5 مليارات جنيه لصالح رجل الأعمال سليمان عامر الممنوع أيضا من السفر.
وأوضحت المعلومات أن وزير الزراعة الأسبق يوسف والي منح رجل الأعمال سليمان عامر نحو 2000 فدان في طريق القاهرة الإسكندرية الصحراوي لاستصلاحها وزراعتها، مع السماح له ببناء مساكن عليها في حدود نسبة 7% من مساحتها.
وبعد عدة سنوات، حصل عامر على موافقة هيئة التنمية الزراعية بزيادة المساحة المسموح بالبناء عليها إلى 60%، ولدى مطالبة وزارة الزراعة لعامر بدفع فارق السعر، اجتمعت لجنة وزارية من 9 وزراء لبحث موقف عامر.
وترأس اللجنة المستشار ممدوح مرعي وزير العدل، وقررت اللجنة الاكتفاء بتغريم عامر مبلغ 47 قرشا عن كل متر بالتقسيط لمدة 5 سنوات، وهو ما يعني أن تكلفة المتر الواحد بالغرامة لم تزد على 50 قرشا.
وأشار تقرير الجهاز المركزي للمحاسبات إلى أنه سبق تغريم رجل أعمال بمحافظة السويس ألفي جنيه عن كل متر أرض كان يجب استصلاحها، لكنه أقام مبان عليها، وهو ما يعني أنه في حال معاملة سليمان عامر بالمثل فإن الدولة يكون لها مستحقات مالية قدرها 5 مليارات جنيه.
ورفع المستشار جودت الملط رئيس الجهاز، تقريرا للرئيس المخلوع مبارك عن هذه الوقائع، لكنه رفض إبلاغ النائب العام، وبعد رحيل مبارك بادر الملط بإبلاغ النائب العام، الذي طلب تحريات الرقابة الإدارية وأكدت صحة الواقعة ورفعت تقريرها إلى المشير محمد طنطاوي رئيس المجلس الأعلى للقوات المسلحة، ومن المتوقع أن يصل التقرير خلال ساعات لنيابة الأموال العامة العليا.