اقتباس المشاركة الأصلية كتبت بواسطة mahmoud saloum مشاهدة المشاركة

جميل الكلام ده فى مضمونه بس أنا عايز أسأل سؤال ايه اللى هيخلى اللى بيبيع صوته دلوقتى ب100 جنيه ميبعش صوته بعد سنة ب100 جنيه برده؟ ويمكن ارخص كمان مع تدهور الاقتصاد؟ ماهو دول اللى بيبيعوا لا بيفهموا فى السياسة ولا بيقعدوا على نت ولا حتى بيقروا جرايد؟ دول يا إما واحد عايز يجيب حتتين لحمة للعيال اللى مبيشفوش اللحمة الا كل سنة يا إما واحد عايز تمن اللى بيتعاطاه يا إما واحد انتهازى. يعنى لو حضرتك بتقول -وده حقيقى- ان فى ناس هتدخل المجلس يفلوسها فده هيحصل دلوقتى وبعد ستة شهور وبعد سنة مفيش فرق.
اقتباس المشاركة الأصلية كتبت بواسطة dr-mohamed مشاهدة المشاركة
وهل تاخير الانتخابات 6 شهور هايمنع شراء الاصوات ولا هايكون فرصةلناس تانية انها تجيبتمويل تقدر تشتري بيه اصوات ؟ او تلمع نفسها فيالتليقزيون بكلام لا يمكن تنفيذه على ارض الواقع م
كويس قوي ... أنا حاسس ان النقاش في طريق بناء.

الناس اللي بتطالب بتأجيل الانتخبات رايها انها محتاجة وقت تكون احزاب (كلنا عارفين الأحزاب الكرتونية اللي في كتير منها بياخد أوامره من أمن الدولة) وانها تعمل تحالفات وتنزل الشارع وتعمل مؤتمرات شعبية.
يعني من الآخر يبتدوا من الصفر ... لأن المناخ السابق للثورة من تزوير وتضييق أمني كان يجعل من العمل السياسي صعب للغاية. بس طبعا المناخ اتغيير وهما شايفين انهم محتاجين مهلة زمنية للتنظيم وبناء شعبية.

طبعا جماعة الاخوان يحسب ليها انها قدرت تشتغل في ظل الظروف الصعبة بس واجهة اعتقلات وتنكيل شديد على مر السنين.
بس مش كل اللي بيشتغل في العمل السياسي مطلوب منه يستحمل العذاب ده كله.

يمكن بعد المهلة الطبقة المتوسطة اللي عمرها ما شاركة في الانتخبات وفي نفس الوقت استحالة تبيع صوتها تنضم لحزب معين أو تؤيد مرشح معين عن قناعة.
ويمكن برضو اللي كانوا بيبيعوا اصواتهم يجدوا من يثقون فيه ويدوا اصواتهم ليه من غير ما حد يشتري اصواتهم

مدى عملية الكلام ده؟ الله أعلم ... بس يستحق المحاولة.

بالنسبة لشراء الأصوات، ما بتحصلش في كل دول العالم. أنا عمري ما سمعت عنها إلا في مصر.
في أمريكا بتحصل حاجة أسوء ... هو شراء المرشحين من قبل اللوبيات.
بس للأمانة محدش بيشتري أصوات الناخبين :)