متظاهرو التحرير يحددون مطالبهم فى بيان اليوم لانهاء الاعتصام بالميدان

**wael17** · 01-03-2011 12:01 AM

وإقالة جميع المحافظين ورؤساء مجالس إدارات الصحف القومية، وكذلك رؤساء البنوك والجامعات.

ياه علي الجبروت...ده حتي مش هاين عليهم يقولوا اقالة الفاسدين منهم...لا كله يتشال...و يا تري هم مجهزين ناس تشغل المناصب دي؟ و لو مجهزين ناس معينة...اشمعني الناس دي؟ و من الاربعة المدنين اللي هيعملوا مجلس رئاسي لمصر؟

علي فكرة الخبر موجود علي مصراوي و في مطلب تاني مش موجود في البيان
وتحويل تحصيل إيرادات قناة السويس بالجنيه المصري بدلا من الدولار
ظ…طھط¸ط§ظ‡ط±ظˆظ† ظٹظڈط¹ط§ظˆط¯ظˆظ† ط§ظ„ط§ط¹طھطµط§ظ… ط¨ط§ظ„طھط.ط±ظٹط±.. ط¨ظ…ط·ط§ظ„ط¨ ط¬ط¯ظٹط¯ط©
واضح ان كل خيمة في الميدان معاها ورقة مطالب مختلفة

انا فاكر من كم يوم كنا بنناقش في المنتدي حكاية تحصيل ايراد القناة بالجنيه و كان في ناس بتقول المزايا و العيوب ...بس واضح ان الناس دي قررت خلاص...علي البركة!

**itsonlyme** · 01-03-2011 12:02 AM

اتقي الله يا أستاذ وائل .... بذمتك أنت قرأت كلمة "اسقاط المجلس العسكري".

ده غير طبعاً ان اليوم السابع بيتكلم كلام غير دقيق.

أنا شوفت المؤتمر الصحفي لائتلاف شباب الثورة في مقر الدستور الأصلي (على الهواء على موقع الدستور) وبعدها لقاء منى الشاذلي معاهم في العاشرة مساء.

الائتلاف بيقترح (وخلي بالك من يقترح دي) تشكيل مجلس رئاسي مدني (يضم عضو واحد عسكري) بعد ست اشهر (خلي بالك من بعد) يستلم من المجلس العسكري ويشرف على انتخابات مجلس شعب وشوري بعد ست أشهر اضافية.

وحتى الاقتراح ده هو اقتراح بديل لاقتراح أول. الاقتراح الأول هو مد حكم المجلس العسكري لتكون سنة لتسمح بانتخابات برلمانية بعد تنظيم القوى السياسية لصفوفها تجنبا لانتخابات تشترى فيه الأصوات أو تلعب القبلية والعصبية الدور الأكبر فيها.

**د/أحمد ابراهيم** · 01-03-2011 12:03 AM

ده كده زياده قوي

انا شايف ان الجبش لازم يقفل الوصول لميدان التحرير

**د.أبونضال** · 01-03-2011 12:04 AM

المجلس العسكري ليس فوق النقد، ولا نريد أن نكرر عبارة محمد نجيب "خلعنا ملكا ونصبنا بدلا منه 12 ملكا"، عن نفسي أنا مقتنع أن مطالب المعتصمين عادلة، وسأنضم إليهم في الجمعة القادمة مؤيدا إن شاء الله.
ولا أفهم لماذا نُصر على خلق بعبع جالس على كرسي السلطة ثم نخاف منه بعد ذلك... نحن الذين وضعنا المجلس العسكري في الحكم لكي ينفذ مطالبنا لا ليدير الأمور كما يشاء. ولم يتحدث أحد عن إسقاطه نحن فقط نصر على مطالب الثورة.

**zouba92** · 01-03-2011 12:05 AM

المشاركة الأصلية كتبت بواسطة everlasting

هدوا اللعب شوية ... هو ايه مفيش أسلوب تاني غير الهجوم والتهكم والسخرية؟!!!!!!!!!!!!!!

بالضبط!! كل واحد يعد يقول أحترام الأراء و هم أصلا يعدوا يتريقوا على أراء غيرهم و بعدين هى مش اليوم السابع كانت الجريدة الوحشة اللى لا أحد يثق فيها!!!

**zaza2002** · 01-03-2011 12:07 AM

المشاركة الأصلية كتبت بواسطة Everlasting

هدوا اللعب شوية ... هو ايه مفيش أسلوب تاني غير الهجوم والتهكم والسخرية؟!!!!!!!!!!!!!!

هو ده اللى احنا فالحين فيه اليومين دول ان لو حد معجبهوش كلام التانى يقول هجوم وتهكم ونرجع بعد كده نقول نفسنا بقى نعيش فى حريه وديموقراطيه طب ازااااااااااااااااااااااا ااى

**cayman69300** · 01-03-2011 12:09 AM

بصراحة مش لاقى كلام اقولة للشباب دول
ربنا يسترها و بكدة اثبتنا اننا لم و لن نصل الى المستوى الفكرى اللائق بالديمقراطية ( نفس الكلمة اللى قالها عمر سليمان و الناس زعلت منها )
التشبية اللى عايز اقولة بالظبط لما يكون عندك ابن و عمره 5 سنين و عايز تاخد راية فى الفكترا الاستبترونك احسن و لا الفانتازيا اجمل
بالظبط ده اللى حاصل معانا
يا جماعة حتى لو المطالب اخدت شكل الناس المحترفة و المتخصصة نقول ماشى
لكن مش كل اللى تيجى على دماغة فكرة يصحى الصبح يقبها و يقربقها على بلد كاملة
اللى اقدر اقولة فى الاخر
اننا فى بلد حر و نعمل استفتاء و يحلها المولى بعد كدة
و ربنا يكرم

**تامر.محمد** · 01-03-2011 12:10 AM

اسقاط المجلس العسكري ؟؟؟
عذرا , فلم أسمع هذا المصطلح على الاطلاق
و بالتالي فلابد انه من فهم احد الناس
ايا كان شخصه , فقد فهم خطأ , فطلب المجلس الرئاسي لا يعني اسقاط المجلس العسكري

**wael17** · 01-03-2011 12:16 AM

المشاركة الأصلية كتبت بواسطة itsonlyme

اتقي الله يا أستاذ وائل .... بذمتك أنت قرأت كلمة "اسقاط المجلس العسكري".

ده غير طبعاً ان اليوم السابع بيتكلم كلام غير دقيق.

استبدال المجلس العسكري...حل المجلس العسكري...تغير المجلس العسكري...نفس المعني
انا قلت مصدر الخبر و احنا بقالنا فترة كبيرة اخبارنا من اليوم السابع الدستور مصراوي او الفضائيات بس اللي شفته بعيني ان في خيم في التحرير دلوقتي

المشاركة الأصلية كتبت بواسطة itsonlyme

الائتلاف بيقترح (وخلي بالك من يقترح دي) تشكيل مجلس رئاسي مدني (يضم عضو واحد عسكري)
.

حضرتك في صورة للبيان في اليوم السابع بيقول

الثورة و رجالها متمسكون بمطالب الثورة التي لا تراجع عنها و باجماع الثوار المطالب هي
-
-
-
و بناء عليه قرر شباب و رجال و نساء مصر الاعتصام الكامل

ممكن يكون الائتلاف اللي حضرتك بتتكلم عليه مجموعة تانية
و المشكلة ان في مجموعات كتير كل مجموعة مقتنعة انها بتمثل الثورة و بتتكلم باسم الشعب لدرجة اني بدات اشك اني مش من الشعب المصري !!!!