متظاهرو التحرير يحددون مطالبهم فى بيان اليوم لانهاء الاعتصام بالميدان

**wael17** · 01-03-2011 03:36 AM

المشاركة الأصلية كتبت بواسطة itsonlyme

يا فندم احنا قلنا من بدري ان الورقة مجهولة الهوية ووضحنا رايي ائتلاف شباب الثورة اللي قابل بعض أعضاء المجلس العسكري.

.

هو الائتلاف ده بس اللي بيمثل شباب الثورة؟؟ من فوضهم؟ و لا هما فوضوا نفسهم و قرروا يتكلموا بالنيابة عن الشعب...لو زي ما بتقول بيعبروا عن نفسهم بس...يبقي انا و انت و اي واحد اشترك في الثورة بيعبر عن نفسه برده...ماحدش فوض حد...و حكايه انهم قابلوا اعضاء المجلس العسكري كل شوية تتكرر و كانها اضفت عليهم شرعية او جعلتهم ممثلين للثورة...يعني لو ماكنش المجلس رضي يقابلهم كانوا هايفرقوا ايه عن اي واحد فينا؟

**heshamzaky** · 01-03-2011 03:37 AM

التحرير مليان ناس و مليان مطالب و كل مجموعة لها مطالب غير المجموعة الاخرى ما تستبعدش ان جزىء من الناس عاوزة تشيل كل الرموز بما فيهم الجيش هو الناس الى فى التحرير كلهم جبهة واحدة لا طبعا كل مجموعة مع نفسها لا استبعد اى شيىء و كلة بيتكلم هناك أنزلو بنفسكم و أسمعو كل مجموعة مطالبها اية و حا تشوفو كمية فوضى غير طبيعية و عدم توحد ... (((( العملية بقت سلطة و كلو بيتكلم و كلو شايف أن دى المطالب الى المفروض تتعمل ))))

**dr-mohamed** · 01-03-2011 03:42 AM

المشاركة الأصلية كتبت بواسطة wael17

البيان رقم واحد طلع من شباب موجود في ميدان التحرير و ناصب خيم هناك....و زي ما في ناس كتير بتقول المجموعة دي بتعبر عن نفسها يبقي انا من حقي اقول الي بيطالبوا برحيل شفيق بيعبروا عن نفسهم..و الي بيطالبوا بمجلس رئاسي مدني قبل الانتخابات بيعبروا عن نفسهم...و مجموعة البرادعي بتعبر عن نفسها...يعني يا ريت كل واحد يبطل يتكلم باسم الشعب...و يقول انا باتكلم بصفتي الشخصية...يا رب المعني يكون وصل

متفق معاك وهي دي الميزة في البداية والكارثة في النهاية

المشاركة الأصلية كتبت بواسطة cheetos_892005

ههههههههههه ماشي ليه لا ....

ونضم معانا وائل موضوعه هو سبب الفكرة

**wael17** · 01-03-2011 03:45 AM

المشاركة الأصلية كتبت بواسطة heshamzaky

التحرير مليان ناس و مليان مطالب و كل مجموعة لها مطالب غير المجموعة الاخرى ما تستبعدش ان جزىء من الناس عاوزة تشيل كل الرموز بما فيهم الجيش هو الناس الى فى التحرير كلهم جبهة واحدة لا طبعا كل مجموعة مع نفسها لا استبعد اى شيىء و كلة بيتكلم هناك أنزلو بنفسكم و أسمعو كل مجموعة مطالبها اية و حا تشوفو كمية فوضى غير طبيعية و عدم توحد ... (((( العملية بقت سلطة و كلو بيتكلم و كلو شايف أن دى المطالب الى المفروض تتعمل ))))

+111111
ده اللي ناس كتير حذرت منه و كان بيتقال عليهم اعداء الثورة....هو لما الواحد يرفض ان مجموعة تحتكر الثورة و تتكلم بالنيابة عن الناس يبقي كده عدو الثورة؟

**Mahmoud Saloum** · 01-03-2011 03:45 AM

المشاركة الأصلية كتبت بواسطة ahmedjumpo

يا استاذ رغم ان اسلوبك فى الكلام غير مقبول و يبتعد عن اصول اللياقة و مع ذلك هرد عليك بدون اساءة ليك مع ملحوظة صغيرة حضرتك مش هتعلمنى ازاى اتقى الله فلك الحرية فى نفسك و ليس على غيرك
اولا ممكن اعرف توصيف حضرتك لكلمة انتوا علشان نفهم حضرتك و ايه هو اللى مصدقين نفسنا فيه و هل لولا ضغط ثورة الشعب كان الجيش هينضم
ثانيا حضرتك بتقول ايه علاقة شفيق و هذا من اغرب ما يمكن اليس هو رئيس الوزراء و المسئول الاول عن الحكومة و هو من تعهد بنفسه بمحاسبة المسئولين عن سفك دم الشهداء يا استاذ فى الدول المتقدمة اللى يا رب تكون مصر منها عندما يحدث حادث فى نطاق وزارة ما قد يتقدم هذا الوزير باستقالته فما بالك لما يكون هناك مائات الشهداء و الاف الجرحى فمن يكون المسئول عن كشف المتسبب

إذا كنت مش عايز تتقى الله انت حر ولكنك ستصبح ممن تأخذه العزة بالإثم إذا قيل له اتق الله كما انزل فى محكم التنزيل! بس بلاش القاء التهم جزافا ومحاولة تشويه الناس والتلاعب بالألفاظ و اعتقد -على رأيك- ان ده اقل اقل اصول اللياقة.
ثانيا الإجابة على أسئلتك:
1- "انتوا" تعود على أتباع البرادعى
2- تانى! انتوا فعلا مصدقين نفسكوا؟ ضغط ثورة ايه ؟ طيب مالثورة عمالة تضغط فى اليمن والبحرين وأخيرا فى ليبيا كان الجيش انضم؟ ده الثوار فى ليبيا احتلوا مدن فى الشرق والجيش بيضربهم بالأسلحة الثقيلة ؟ طيب مافى انتهاكات رهيبة للثوار وتزوير انتخابات فى ايران كان الجيش انضم؟ ده لو الحرس الجمهورى مش الجيش كان تعامل مع الثوار عندنا كانت حصلت مجزرة - الأمن المركزى حاجة والجيش حاجة تانية خالص. ولعلمك تدخل الجيش كان فى يوم 28 لما رفض انه يفض المظاهرات وهوا كان قادر على انه يفضها فى ساعتين لو أراد. وده مش معناه ان الجيش هوا اللى عمل الثورة لكن هوا السبب فى نجاحها. ونكران ذلك جحود كبير والمفروض الثورة متبتديش بالجحود وتهميش اكثر الادوار اهمية فى نجاح الثورة
3- هوا رئيس وزراء جى انهاردة يقوم تانى يوم يحصل شيئ غلط اقوم اقوله يستقيل وهو مستلم شغله وسط ظروف فيها انهيار للجهاز الأمنى وفوضى عارمة فى البلد. كمان هوا احنا بنضحك على نفسنا هوا اى رئيس وزراء فى عهد مبارك كانت ليه كل السلطات والصلاحيات. ده المخابرات سلطة لوحدها و أمن الدولة سلطة تانية والأمن المركزى سلطة تالتة ورجال الأعمال سلطة رابعة و ..... ولو حد عايز يفشل مهمة حد سهل جدا وخصوصا فى الأوقات اللتى بها اضطرابات.
أما كشف المتسبب عن دماء الأبرياء شهداء وجرحى هو القضاء يا سيدى وليس رئيس الوزراء. وشكرا

**cheetos_892005** · 01-03-2011 03:46 AM

المشاركة الأصلية كتبت بواسطة kono

هو ده كلام الناس العاقلين
مليون خبر من مليون مصدر بمليار رد
والناس تحتار
والهدف فى الاخر الفتنة
ياريت نتماسك لنجتاز المرحلة الصعبة

**itsonlyme** · 01-03-2011 03:47 AM

المشاركة الأصلية كتبت بواسطة wael17

هو الائتلاف ده بس اللي بيمثل شباب الثورة؟؟ من فوضهم؟ و لا هما فوضوا نفسهم و قرروا يتكلموا بالنيابة عن الشعب...لو زي ما بتقول بيعبروا عن نفسهم بس...يبقي انا و انت و اي واحد اشترك في الثورة بيعبر عن نفسه برده...ماحدش فوض حد...و حكايه انهم قابلوا اعضاء المجلس العسكري كل شوية تتكرر و كانها اضفت عليهم شرعية او جعلتهم ممثلين للثورة...يعني لو ماكنش المجلس رضي يقابلهم كانوا هايفرقوا ايه عن اي واحد فينا؟

يا ريت تسمع أول دقيقة من الفيديو ده
YouTube - ‫ط§ظ„ظ…ط¤طھظ…ط± ط§ظ„طµط.ظپظ‰ ظ„ط§ط¦طھظ„ط§ظپ ط´ط¨ط§ط¨ ط§ظ„ط«ظˆط±ط© -1‬&lrm;

أنا كل مرة بسمع الناس دي بتتكلم أول حاجة يقولوها انهم مش بيمثلوا الثورة ... وانهم بيمثلوا مجموعة شاركت في الثورة.

**cheetos_892005** · 01-03-2011 03:50 AM

المشاركة الأصلية كتبت بواسطة mahmoud saloum

2- تانى! انتوا فعلا مصدقين نفسكوا؟ ضغط ثورة ايه ؟ طيب مالثورة عمالة تضغط فى اليمن والبحرين وأخيرا فى ليبيا

عدد سكان الكام دول تقريبا قد سكان شبرا ....

ويمك مش كلهم كمان ...

كمان ده بني ادم مصري

**dr_asaos** · 01-03-2011 03:51 AM

من الواضح يا دكتور محمد ان الموضوع لن ينتهى..والطلبات لن تنتهى...والحكاية لسه مطولة والتهافت على الاعلام اصبح مريبا...احترم وجهة نظر الاخرين تماما ولكنى مختلف معها..ومتفق معك تماما..واقول للجميع لم اقرا من استهان بالشهداء او دمائهم الطاهرة فلا تحملوا البعض اكثر مما يحتمل والشهداء ضحوا بحياتهم لتحيا مصر حياه كريمة..لانها ثورة للحياه الافضل ودعنى اهمس فى اذن الاخ الفاضل ان يتذكر ايضا دماء شهداء الواجب من الشرطة فالكل من ابناء مصر..وكلنا نبكى عليهم دما وعلى امهاتهم الثكلى عندما نرى صورهم الباسمة فالشهداء جميعهم خط احمر وبفضلهم سوف نتجه للافضل ان شاء الله...