الموضوع: متظاهرو التحرير يحددون مطالبهم فى بيان اليوم لانهاء الاعتصام بالميدان

المشاركة الأصلية كتبت بواسطة itsonlyme

اتقي الله يا أستاذ وائل .... بذمتك أنت قرأت كلمة "اسقاط المجلس العسكري".

ده غير طبعاً ان اليوم السابع بيتكلم كلام غير دقيق.

أنا شوفت المؤتمر الصحفي لائتلاف شباب الثورة في مقر الدستور الأصلي (على الهواء على موقع الدستور) وبعدها لقاء منى الشاذلي معاهم في العاشرة مساء.

الائتلاف بيقترح (وخلي بالك من يقترح دي) تشكيل مجلس رئاسي مدني (يضم عضو واحد عسكري) بعد ست اشهر (خلي بالك من بعد) يستلم من المجلس العسكري ويشرف على انتخابات مجلس شعب وشوري بعد ست أشهر اضافية.

وحتى الاقتراح ده هو اقتراح بديل لاقتراح أول. الاقتراح الأول هو مد حكم المجلس العسكري لتكون سنة لتسمح بانتخابات برلمانية بعد تنظيم القوى السياسية لصفوفها تجنبا لانتخابات تشترى فيه الأصوات أو تلعب القبلية والعصبية الدور الأكبر فيها.

المشاركة الأصلية كتبت بواسطة د.أبونضال

المجلس العسكري ليس فوق النقد، ولا نريد أن نكرر عبارة محمد نجيب "خلعنا ملكا ونصبنا بدلا منه 12 ملكا"، عن نفسي أنا مقتنع أن مطالب المعتصمين عادلة، وسأنضم إليهم في الجمعة القادمة مؤيدا إن شاء الله.
ولا أفهم لماذا نُصر على خلق بعبع جالس على كرسي السلطة ثم نخاف منه بعد ذلك... نحن الذين وضعنا المجلس العسكري في الحكم لكي ينفذ مطالبنا لا ليدير الأمور كما يشاء. ولم يتحدث أحد عن إسقاطه نحن فقط نصر على مطالب الثورة.

المشاركة الأصلية كتبت بواسطة zouba92

بالضبط!! كل واحد يعد يقول أحترام الأراء و هم أصلا يعدوا يتريقوا على أراء غيرهم و بعدين هى مش اليوم السابع كانت الجريدة الوحشة اللى لا أحد يثق فيها!!!

المشاركة الأصلية كتبت بواسطة mahmoudysf

العضو وائل ناقل خبر عن جريدة مشبوهه
وكرد فعل متوقع لاقينا الناس داخلها متحفزة وبتهاجم وكل واحد بيبدع من غير ما ياكد من صحة الخبر
حقيقي صدق المثل حبيبيك يبلعلك الظلط وعدوك يتمنالك الغلط

المشاركة الأصلية كتبت بواسطة amr mokhtar

فى العاشرة مساءآ كانوا مستضيفين شابين من اللى كانوا فى الإجتماع مع المجلس العسكرى
محدش قال إسقاط المجلس العسكرى !!!
هم بيتكلموا إن ممكن بعد إنتهاء حكم المجلس العسكرى بعد ال6 شهور يتم عمل مجلس رئاسى عشان لسه الشعب و الأحزاب غير مؤهلين للدخول فى إنتخابات هتكون من أهم ما يكون

المشاركة الأصلية كتبت بواسطة wesam_salom

هو انا نظرى راح ولا فيه حد تانى اللى بقى كده

ولا فيه ناس بتقرا العنوان بس وداخله تقول كلام من عينه كوبى وبيست



يا ناس يا بشر ياللى داخلين وعاملين فاهمين وعاوزين تتكلموا فى السياسه ارحمونا بقى

انا مش شايف كلمه اسقاط المجلس العسكرى دى فى اى حته الا فى عنوان الموضوع فى المنتدى وكمان بتقولوا فيه اعتصام علشان كده

الله يخرب بيت القذافى على حبوب الهلوسه بتاعته

ده نص الخبر من نفس جريده اليوم الساقع ومن اللينك اللى موجود في الموضوع



يعنى فعلا اللى بيشتم وبيتكلم من غير ما يفهم ولا يقرا هو اللى بينطبق عليه الرد اللى زميل قاله فى نفس الموضوع هبله ومسكوها طبله

الناس بدل ما تخش وتتناقش وتفهم كل واحد داخل يحط الكلمتين اللى حافظهم ونفسه يقولهم وما صدق قرا العنوان ودخل عمل بيست للكلمتين اللى تاعبينه وجرى

المشاركة الأصلية كتبت بواسطة itsonlyme

تفرق كتير ... وكده كده المجلس الأعلى للقوات المسلحة ده موجود من زماااااان ومن قبل التنحي.
ورئيس المجلس هو رئيس الجمهورية.

محدش طالب باسقاطه لأنه موجود من قبل وسيبقى حتى بعد تسليم الحكم لسلطة مدنية



أنا بكلمك عن مجموعة معينة اسمها "ائتلاف شباب الثورة".
طلبتها هي اقالة شفيق وحل أمن الدولة ... الباقي اقتراحات مش طلبات ... كلامهم كان واضح جدا في المؤتمر الصحفي ولقاء منى الشاذلي.

الله يفتح عليكم
لو احنا جبنا رد من اليوم السابع يقولك مشبوهة
ولما هما يستدلوا بها يبقى مفيش مشكلة

والله يصلح حالكم لأن بكده حاجه بقت مستفزة لأبعد الحدود
ياريت تقرأوا شوية في طلبات شباب الثورة او تسمعوها او تفهموها او اي حاجه غير الوضع اللي انتم فيه ده
لأن مش معقولة كل شوية هنمسك في مطلب من مطالبهم ونعمل عليه فيلم وسخرية وبتاع مع انكم مع احترام اراء الغير مع اني مبشوفهوش في الحوارات بتاعتكم
المطالب لم تتغير ومحدده من الاول ومش بتزيد ولا حاجه
بس واضح ان فيه بعض الاخوة مش قادرين يفهموا الطلبات او مش عاوزين يفهموا او احنا مش قادرين نفهم هما عاوزين ايه

ياريت تشوفوا الفيديو ده وبعد كده بصراحه لو مفهمتوش يبقى خلاص كده بجد

[youtube]http://www.youtube.com/watch?v=_ZVMV7H1j3E[/youtube]

يا جماعا انا شايف ان الاخوة بتوع ائتلاف الثورة خرجو عن اهدافنا و بداو يلمعو نفسيهم علي افا الثورة دول بئو بيطلعو علي التليفزيونات دلوقتي اكتر ما كان بيطلع شوبير في ايه؟؟؟ هو مين وكلهم بالتحدث عن الثورة او الثوار و عالم اساسا غريبة واحد طالع منهم و هو عاش في حضن حزب معارض وافق علي صدوره النظام السابق و عمه كان عضو في امانة السياسات و واحد جاي يتكلم عن الشعب و الثورة و هو كان وقتها مجند في الجيش يعني معملش حاجة اسفففففف المصري بعد 25 يناير يقدر يقول رايه و مش محتاج ائتلاف الاستفادة من الثورة داه ال عايزين مجلس رئاسي قال واحنا قاعدين ايه في البلد حمير بتتساق الشعب و الجيش ايد واحدة